rojane

14:37

Demsala baranê li Yemenê bû sedema karesatê. Li wîlayeta Amranê di encama lêdana birûskê de dema ku çalakiyeke civakî hebû, 4 jinan jiyana xwe ji dest da û 12 kes jî birîndar bûn. Ev yek jî metirsiya mezin a xisûsên hewayê li herêmê careke din nîşan dan.

13:49

Li parêzgeha Gulistanê ya Îranê, ji ber bilindbûna germahiyê, kêmbûna baranê û kevinbûna binesaziyê krîzeke giran a ava vexwarinê derketiye holê. Rayedar diyar dikin ku parêzgeh niha bi kêmasiya hezar û 200 lître av di saniyeyê de dijî.

13:26

Komîsyona Jinan a KNK’ê bi boneya salvegera Jenosîda Şengalê daxuyaniyek da, bal kişand ser qirkirina çandî û fîzîkî ya li ser jinên Êzidî û li ser girîngiya xweseriyê ji bo ewlehiya pêşeroja herêmê.

13:15

Bi nêzhatina 12’emîn salvegera fermana 3’ê Tebaxa 2014’an bi pêşengiya TAJÊ li Şengalê gelek çalakî tên lidarxistin. Ji koordînasyona TAJÊ Ferîda Şengalî behsa çalakiyan kir û tekez kir ku dê jinên Êzidî nehêlin ferman were jibîrkirin.

12:49

Bajarê Ceutayê bi pêleke koçberiyê ya herî mezin a dîroka xwe re rûbirû ma; di nava pevçûn û zextên ewlehî de 61 koçberan jiyana xwe ji dest da, bi hezaran kes di bin şert û mercên dijwar de sînor derbas kirin.

12:36

Hejmara nû ya rojnameya “Newaya Jin” a meha Tebaxê, bi dosyaya xwe ya li ser çareseriya demokratîk, dîroka têkoşînê û xweparastinê hat weşandin.Rojname di vê hejmarê de balê dikişîne ser girîngiya rûbirûbûna pirsgirêkên 100 salî û têkoşîna rizgariya jinan

11:30

10:43

Bi zêdebûna êrîş û tundiya li ser jinan, Meclîsa Îştar li Wargeha Penaberan a Mexmûrê daxuyaniyek da û hat destnîşankirin ku bêyî azadiya jinan civak azad nabe, bang li jinan hat kirin ku li dijî tundî û bêmafiyê bibin yek.

09:14

Analîsta siyasî Lara El-Haşim da zanîn ku aloziya ku Lubnan tê re derbas dibe pirsan li ser mekanîzmaya "Herêmên ceribandinê" li başûr derdixe holê, ku di navbera hêviyên kêmkirina aloziyê û tirsa ji aloziyê de asê mane.

08:25

Parêzer Cansu Şekercî ya ku pêşniyara guhertina Qanûna Parastina Zarokan nirxand, diyar kir ku rêzikname li şûna mafên zarokan, polîtîkayên cezayê dide pêş û got ku ev pêşniyar dê pergala edaletê ya zarokan hêj cezakartir bike.

08:00

Çalakvana mafên mirovan Parêz Omer û Hevseroka KNK’ê Zeyneb Murad di salvegera jenosîda 3’yê Tebaxê de destnîşan kirin ku divê li şûna xeyala koçberiyê, xeyala berxwedan û xweseriyê were xurtkirin.

17:48

Berdevka DEM Partiyê Ayşegul Dogan destnîşan kir ku pêvajo ne yek alî ye. Divê mutabakateke hevpar pêk were. Ji bo wê jî divê helwesteke yek alî nebe. Pêvajo divê li gor ruhê pêvajoyê bibe. Ji bo wê jî divê li gor muzakereyê be.

16:07

Li parêzgeha Bomerdes a rojhilatê Cezayîrê, di encama qelibandina otobusek de 25 kes mirin û 44 kes jî birîndar bûn. Xebatên rizgarkirinê û lêkolîna sedema qezayê berdewam dike.

15:53

TJK-E bi boneya salvegera Komkujiya Şengalê ya 3’ê Tebaxê bi bîr xist ku çarenûsa nêzîkî 2hezar û 700 jin û zarokên Êzidî nayê zanîn û bernameya çalakiyên ku dê li Ewropayê di salvegera komkujiyê de werin lidarxistin eşkere kir.

15:45

Rêxistina Mafên Mirovan a Îranê ragihand ku piştî xwepêşandanên Çileyê herî kêm 60 mamoste û aktîvîst hatine girtin û ceza lê hatine birîn.

15:43

Fikarên mafên mirovan û navneteweyî li ser pêkanîna cezayê darvekirinê li Îranê zêde dibin, taybetî piştî darvekirina 58 girtiyan di nav 16 rojan de.

15:10

Fîlozof û teorîsyena siyasî ya navdar a Îtalî Donatella Di Cesare, piştgiriya xwe ji bo Pêvajoya Aştî û Civaka Demokratîk anî ziman û destnîşan kir ku banga Abdullah Ocalan û biryara PKK’ê ya xwe fesih kirinê gaveke dîrokî û nîşandana wêrekiya siyasî ye.

13:16

Li gorî rapora dawî ya, Çavdêriya Mafên Mirovan meha borî li Rojhilatê Kurdistanê û Îranê herî kêm 26 jin hatine qetilkirin û gelek jin jî ji ber tundiya malbatî teşwîqê xwekuştinê hatine kirin.

13:04

Rêxistinên navnetewî diyar kirin ku ji ber krîzên aborî û zextên Talîbanê, vegera penaberên Efgan dibe sedema xizaniyeke kûr.

11:16

Ji hezaran koçberên ku hewl didan ji Mexrîbê bighîjin Ceuta ya di rêveberiya Îspanyayê de, herî kêm 18 kes di behrê de mirin. Neteweyên Yekbûyî, banga parastina maf û rûmeta mirovan a hemû kesên ku dighîjin Ceutayê kir.