rojane

13:22

TJA’yê di daxuyaniya xwe ya li Amedê de destnîşan kir ku divê pêvajoyên aştî û çareseriyê ne bi nêzîkatiyên ewlehî-navendî, bi rola pêşeng û biryardar a jinan bên avakirin. Her wiha bal kişand ser azadiya fîzîkî ya Rêberê Gelê Kurd Abdullah Ocalan.

12:07

Şêniyên wargeha penaberan a Şehîd Rustem Cûdî (Mexmûr) di 12’emîn salvegera êrîşên çeteyên DAIŞ’ê yên li ser wargehê de ji bo şermezarkirina vê rojê beşdarî daxuyaniya ku ji aliyê meclîsê gel ve hat dayîn bûn.

11:34

Di doza Gulîstan Doku de derket holê ku du binavgeran bi talîmata waliyê demê re delîlên derewîn çêkirine. Her du binavger bi sûcê "guhertina delîlan" hatin girtin.

11:14

Di berdewamiya zextên li ser navendên çandî û karsaziyan li Îranê de, 3 kompleksên çandî li Babol, Meşhed û Tehranê di rojên dawî de hatin girtin. Ev yek wekî beşek ji pêla zextên li ser qadên giştî û bazirganî tê dîtin.

10:03

Bi nêzbûna salvegera 5'emîn a vegera Talîbanê ya desthilatdariyê re, Tevgera Rizgariya Jinên Efgan ragihand ku tevî zilm û zora xwe jî, Talîbanê nekarî jinan bêdeng bike û got ku têkoşîna ji bo azadî û edaletê berdewam dike.

09:20

Jinên li Şengalê beşdarî merasîma salvegera fermanê bûn diyar kirin ku hikûmeta Iraqê der barê avakirina herêmê, çarenûsa hezar û 700 êsîran û vekirina gorên komî de bêdeng e divê lijneyên lêpirsînê bên avakirin.

08:35

Endama Însiyatîfa Fîlmçêkerên Kurd, Besna Edîş diyar kir ku divê Kurdî di sînemayê de bi awayekî xurttir were temsîlkirin û wiha got: “Riya zindîhiştina ziman û çîrokên me, di pêşengiya jinan de mezinbûna sînemaya Kurdî ye.”

23:39

Koma ku li wargeha penaberan a Mexmûrê nobeta azadiyê dewir digirin, fermana ser Şengalê û tarîtiya DAÎŞê bi bîr xistin; wan tekez kir ku parastina jiyaneke azad û bi rûmet tenê bi azadiya fîzîkî ya Rêberê Gelê Kurd Abdullah Ocalan pêk tê.

21:44

Tevgera Rizgariya Jinên Kurdistanê, Berdevka TJA’ê Ayşe Gokan û jinên girtî yên li Girtîgeha Sicnanê, ji çalakvana Filistînî Leyla Xalid re peyam şandin û diyar kirin ku têkoşîna wê ji bo jinên Rojhilata Navîn çavkaniya îlhamê ye.

19:33

Ji bo şikandina tecrîdê û pêkanîna “mafê hêviyê” yê Abdullah Ocalan, çalakvanan li ser Change.org kampanyayeke îmzeyan da destpêkirin û banga tevgera lezgîn li saziyên navneteweyî kirin.

16:42

Meclîsa Jin a TEV-DEM'ê bi tevlêbûna rêxistinên jinan komxebatek li Qamişloyê li dar xist. Di komxebatê de li ser rola çalak a jinan di aştiya civakî, mafên yasayî û xurtkirina hêza nerm de sekinîn û banga parastina destkeftiyên şoreşê hat kirin.

15:57

Li Sûdanê di nava şer û pevçûnên dijwar de, Hêzên Piştgiriya Lezgîn (RSF) li bajarê El-Nuhudê zext û binpêkirinên xwe zêde dikin; di heman demê de Bernameya Xwarinê ya Cîhanê hişyariyê dide ku nêzîkî 20 milyon kesî bi rîska birçîbûnê re rûbirû ne.

15:16

Bi hezaran welatiyên Êzidî bi boneya salvegera 12. a fermana 3'yê Tebaxa 2014'an li Şengalê çûn serdana gorên komî, qurbaniyên jenosîdê bi bîr anîn û daxwaza radestkirina hestûyên xizmên xwe kirin.

14:27

Rêxistina Oscarê ya ji bo Hêzdarkirina Jinan, bi hevkariya Zanîngeha Koyê semînerek derbarê çareserkirina pirsgirêkên psîkolojîk û civakî yên malbatan de li dar xist û bal kişandin ser girîngiya rêzgirtin û ramanên erênî ya di nava malbatê de.

13:52

MKG û DFG’ê di rapora binpêkirina mafên rojnamegeran a Tîrmehê de diyar kir ku li Tirkiyeyê zextên li ser azadiya çapemeniyê bi gelek rêbazan bipêş ketine û 12 rojnameger hatine binçavkirin.

12:45

Endamên kampanyaya "Sêşema ji darvekirinan re na " diyar kirin ku çalakiya wan li 59 girtîgehan ketiye hefteya 132’an û bal kişandin ser zêdebûna darvekirinên ji destpêka Tebaxê ve. Kampanyayê banga hevgirtineke kolektîf kir.

12:29

Piştî ku vîdyoyên xwepêşandanên ciwanan ên li Jantar Mantar, Delhî hatine lidarxistin, hatin weşandin, hejmarek jinên ku beşdarî van xwepêşandanan bûne, bi pêla tacîz û tundiya serhêl re rûbirû man.

11:45

Li gel berdewamiya girtin û dayîna cezayên dadwerî, polîsan doz li Bîbî Noor Rigi, yek ji jinên ku li dijî madenên zêr ên Taftanê xwepêşandanê dikin, vekiriye. Rapor nîşan didin ku bi dehan girtî li Îranê hatine darvekirin.

11:20

11:05

Rêxistina FEMENA diyar kir ku Talîbanê di 5 rojên borî de li Heratê herî kêm 17 jin bi zorê girtine. Ev operasyon û polîtîkayên tund ên li qadên giştî fikarên li ser binpêkirina mafên bingehîn ên jinan kûrtir dikin.