rojane

15:21

Werzişvana Kurd Bêrîtan Cemal Heme Hesen a 13 salî, li Elmanyayê di tûrnûvaya navneteweyî ya Muay Thai de pileya yekem û di kickboxingê de jî pileya duyem bi dest xist.

15:05

Çar girtiyên siyasî yên Kurd ragihandin ku ew ê di salvegera çaremîn a qetilkirina Jina Emînî û destpêkirina serhildana "Jin Jiyan Azadî" de, ji bo piştgiriya greva giştî dest bi greva birçîbûnê bikin.

14:57

Li paytexta Cezayîrê ji bo danasîna rêzefîlma anîmasyon a "Cuhayê Muhteşem" şeveke çandî hate lidarxistin. Hunermendên jin ên ciwan bi şanoyê cîhana "Cuha" ji nû ve zindî kirin û bi nêrîneke nûjen nêzî mîrateya çandî bûn.

14:46

Li Yemenê ji ber zêdebûna liv û tevgerên leşkerî bi hezaran malbat ji cih û warên xwe bûn, bi dehan sivîl hatin kuştin û xebatên alîkariyê jî ji ber fikarên ewlehiyê hatin rawestandin.

14:26

Zextên rejîma Îranê li dijî girtiyên siyasî û welatiyan didome. Dayîk û kurek hatin mehkûmkirin, girtiyeke siyasî rû bi rûyê metirsiya jiyanê ye û sê welatiyên Baheyî hatin girtin.

14:17

Di salvegera "Jin Jiyan Azadî" de, kampanyaya li dijî darvekirinê ragihand ku grev li 62 girtîgehan didome û banga lezgîn li NY'yê kir.

14:12

Li Sûriyeyê nîqaşên li ser rola jinan a di perwerdeyê de careke din geş bûn; gotinên parlementerekî ku zêdebûna hejmara mamosteyên jin wekî kêmasî nîşan dabûn, di raya giştî de bûn sedema bertekan û wekî nêrîneke paşverû û kevneşopî hatin nirxandin.

13:41

Serdozgeriya Komarê ya Erziromê di çarçoveya lêpirsîna Gulistan Doku de li dijî 11 gumanbaran bi tohmeta "veşartina delîlan" operasyon dabû destpêkirin, di encamê de 4 kes hatin girtin û hejmara girtiyên giştî derket 36 kesan.

13:37

Girtiya siyasî ya Kurd Werîşe Muradî di peyama xwe ya salvegera 4’emîn a şoreşa "Jin Jiyan Azadî" de destnîşan kir ku ev şoreş ne tenê pêvajoyek qediyayî ye, belkî berdewamiya têkoşînek azadîxwaz e.

13:15

Di dawiya komxebata projeya "Rêberî û Bandora Jinan" de li Yemenê, jinên pêşeng bal kişandin ser astengiyên siyasî û civakî yên li pêşiya xwe û gotin ji bo çareserkirina qeyranên welêt avakirina rêxistineke jinan a yekgirtî hewce ye.

10:49

Ji ber xwepêşandanan du xwendekar ji ber sûcê ‘bêrêziya li dijî alê’ ji dibistanê hatin avêtin. Sê xwendekarên din jî ji bo demek ji dibistanên hatin dûrxistin. Her wiha 10 xwendekarên din jî hinek demkî hatin dûrxistin, hinek jî hatin avêtin.

09:58

Raportora taybet a Mafên Mirovan a NY ya Îranê Maî Sato bi boneya çaremîn salvegera kuştina Jina Emînî li ser platforma X’ê diyar kir ku berxwedan û biryardariya jin û zarokên keç ên Efganî ji bo mafê wekhev û azadiya takekesî, bênavber didome.

09:07

Komîsyona Çareserkirina Pirsgirêkên Penaberan ragihand ku bi hezaran penaberên Efgan bi zorê hatine dersînorkirin û wan vegerandin welatê ku neçar mabûn jê derbikevin.

15:39

Aktivîsta Azerî Gozel Necefî zêdetirî sê hefteyan e ku hatiye binçavkirin. Lê belê cihê ragirtina wê, sûcdariyên li ser wê û rewşa wê ya tenduristiyê bi temamî nayên zanîn. Ev rewş jî fikarên cidî çêdike.

15:08

Heyeta Îmraliyê ya ku li Girava Îmraliyê bi Rêberê Gelê Kurd Abdullah Ocalan re civiya, destnîşan kir ku Ocalan gotiye pêvajoya aştiyê di qonaxeke dîrokî de ye û ji bo çareseriya demokratîk divê gavên pratîkî bên avêtin.

14:56

Li gorî rapora nû, di nava 100 kesên ku cezayê darvekirinê li wan hatiye birîn de herî kêm pênc jin û pênc kesên ku di dema sûc de di bin 18 salî de bûn cih digirin. Rêxistinê banga lezgîn li civaka navneteweyî kir.

14:28

Wezareta Mafên Mirovan a Yemenê ragihand ku ji ber êrîşên herêmî yên koma Hûsî di demeke kurt de 150 sivîl hatine kuştin, bi hezaran kes koçber bûne û krîzeke mirovî ya mezin li welêt derketiye holê.

13:48

Li Zanîngeha Tehranê, piştî xwepêşandan û kombûnên meha Sibata 2026’an, li dijî 40 xwendekaran lêpirsînên dîsîplînê hatin destpêkirin. Piştî zêdetirî heft mehan, ev dosya hîn jî di nav zanîngehê de têne lêkolînkirin.

13:20

KJAR’ê di çaremîn salvegera serhildana 'Jin Jiyan Azadî' de pirtûka ”Pêtên Kolanan” weşand. Pirtûk li ser rola cangoriyan di rêya azadiyê de têkoşîna li dijî saziyê zordar û mêrsalar analîz dike.

12:53

Rêxistina Navneteweyî ya Koçberiyê (IOM) hişyarî da ku ji ber pevçûnên berdewam ên li Sûdanê, li herêma Nîla Şîn nêzî 100 hezar kesî cihê xwe guhertine. Li gorî daneyan, ji sedî 47 ê koçberan zarok in.