rojane

14:15

Çavdêriya Mafên Mirovan a Efganistanê bang li civaka navneteweyî û rêxistinên mafên mirovî kir ku piştgiriya jin û keçên Efganistanê bikin. Tekez kir ku mafê perwerdeyê yê keçan ji aliyê tu kes û rêveberiyê ve nayê astengkirin.

13:19

Şanda Îmraliyê ya Partiya DEM’ê ji bo nîqaşkirina qanûna çarçove û amadekariyên nû yên yasayî, roja Çarşemê bi Serokê Meclîsê Numan Kurtulmuş û Efkan Ala re dicive. Li aliyê din, tê payîn ku şande di demeke nêz de serdana Îmraliyê jî bike.

12:27

Li Sûriyeyê, her çiqas tê gotin ku şerê çekdarî kêm bûye jî, pêleke nû û berfireh a tundiya li dijî jinan derketiye holê. Li gorî daneyên SOHR’ê, di nîvê ê salê de herî kêm 48 jin di encama nakokiyên malbatî, sûc û êrîşên mezhebî de hatine kuştin.

12:01

Ji Nexweşxaneya Îmam Elî ya Çabaharê dîmenên têkçûyîna pergala tenduristiyê. Nexweşên ku di nav germahî û bêderfetiyê de ne li bende xelasiyê ne. Nexweş li şûna dermanan bi gemarî û kavilan re rû bi rû mane.

10:53

Rêxistina Efûyê ya Navneteweyî bi raporekê eşkere kir ku Îsraîl li Şerîaya Rojava, bi taybetî li Herêma (C), polîtîkayeke pergalî ya guhartina demografîk û paqijkirina nijadî li dijî civakên bedewî û şivanan dimeşîne.

10:27

Li parêzgeha Sîstan û Belûcistanê, ji ber bahoza tozê ya ku 120 roj in berdewam dike jiyan li welatiyan hatiye astengkirin. Tevî xetereyên mezin ên tenduristiyê û kêmbûna dîtinê, negirtina ofîs û navendên perwerdehiyê bû sedema nerazîbûna tund.

09:27

Li Başûrê Kurdistanê li tevahî dezgehên medyayê de zihniyeta zilamsalar serdest e. Lewra ev yek bi xwe re zayendperestiyek pir hişk tîne. Rojnamevan Hawjîn Şiwane got ku divê mijara cudakariya zayendî ji kokê ve were çareserkirin.

09:10

Îlham Kerîmî vegotina rastiya meha Çileyê dike. Îlham dibêje ku li hemberî hovîtiya rejîma ku cenaze bi kamyonan kom dikirin, jinan li çeperên herî pêş bersiv da; bi serpoşên xwe jiyana birîndaran xilas kirin û bûn dengê berxwedana Îranê.

08:35

Aktivîsta Platforma 'Şiyar Be' Rûken Kiliç anî ziman ku li Kurdistanê bikaranîna madeyên hişbir zêde bûye û got: "Hişbir amûreke polîtîkayên şerê taybet e. Neynika polîtîkayên şerê taybet û polîtîkayên ewlehîparêz e."

08:20

Şengal ji bo hesabpirsîna fermanê dicive. Di 15’ê Tîrmehê de li Gelyê Kersê, ji bo rizgarkirina jinên di destê DAIŞ’ê de û neçarkirina Iraqê ya naskirina jenosîdê, civaka Êzidî îradeya xwe ya xweseriyê radigihîne.

22:03

26 partî, rêxistinên civaka sivîl û tevgerên jinan ên Bakur û Rojhilatê Sûriyeyê bi daxuyaniyeke hevpar guhertina navê bajarê Kobanê ji aliyê hikûmeta Sûriyeyê ve şermezar kirin. Tekez kirin ku ev hewldan beşek ji polîtîkayên înkarkirinê ye.

17:11

Meclîsa Jinan a DEM Partiyê di encamnameya civîna xwe de ragihand ku ew ê rêxistina demokratîk a li ser bingeha hevgirtinê ku jin tê de rasterast xwedî gotin û hêza biryargirtinê ne hîn bi hêztir bikin.

16:44

Li Parêzgeha Helebceyê, Şaxa Şarezûr a Yekîtiya Jinan piştî navberekê, bi kadroyekî nû û bi amadebûna berpirsên bilind çalakiyên xwe da destpêkirin. Berpirsa Şaxê Bêrîvan Awat diyar kir ku armanca wan xizmetkirina jinan di warê hunerî û akademîk de ye.

15:30

Li gelek bajarên Îranê û Rojhilatê Kurdistanê komên pîşeyî û beşên civakî yên cuda ji ber enflasyon, giranî, şert û mercên dijwar ên jiyanê û pirsgirêkên aborî daketin qadan.

14:05

Jina ji bajarê Semîromê Somayeh Aghayarî, piştî serdegirtina mala xwe ji aliyê Îstîxbarata Pasdaran ve hat girtin û ev du meh in malbata wê tu agahiyeke zelal derbarê rewşa wê de bi dest nexistiye. Rayedarên dadwerî tu daxuyaniyek nedine.

13:25

Tevî ku fikarên aborî û jeopolîtîk rê li ber şerekî berfireh ê navbera Washington û Tehranê digirin, lêçûna herî giran a vê qonaxa “bêaştî û bêşer” dîsa li ser milê gelê ku di navbera ambargoyan û gefan de asê maye ye.

12:00

Mandana û Mahsa Sutude, du welatiyên Behayî yên li Şîrazê dijîn, piştî dayîna kefaleta 6 milyar tumenî ji Girtîgeha Adilabad hatin berdan, lê hîn jî derbarê sûcdariyên li ser wan de agahiyek zelal nayê zanîn.

11:00

Hejmara 176’an a Kovara Jinê bi berga ‘Rêgezên Damezrîner ên Aştî û Hiqûqa Azadiyê’ derket pêşberî xwendevanên xwe.

08:00

Endama Rêveberiya giştî ya Meclîsa Wêjeyê, Botan Hoşê behsa girîngiya xwendinê kir û got ku bi çend gotinan mirov nikare behsa girîngiya xwendinê bike da zanîn ku çawa pêdivî ji bo jiyanê bi nan û avê heye wisa jî bi xwendinê heye.

21:07

Komeleya Jinên Iraqî di panelekê de keda jinên pêşeng ên di qadên siyaset, hiqûq, huner û wêjeyê de şoreş kirine bi bîr anîn û banga berdewamkirina têkoşîna wekheviyê li nifşên nû kir.