rojane

16:04

Koordînasyona Kongra Star têkildarî qetilkirina Sîpan Hiznî û bûyerên trajîk ên li girtîgeha Kobanê, hişyariya “armanca van bûyeran ew e ku Kurd û Ereban bîne hemberî hev” kir û banga hişyariyê li gel û eşîrên Ereb kir.

15:55

Dayîkên Şemiyê, di çalakiya xwe ya 1120'emîn de li Qada Galatasarayê kom bûn û li aqûbeta Kenan Bîlgîn ku di 12'ê Îlona 1994'an de li Enqereyê hat binçavkirin û windakirin, pirsin.

14:58

Destûra ku ji bo lêgerîna petrolê li Hewza 1 a Hora Mezin (Hor-El-Azim) hatiye dayîn, fikarên jîngehparêzan zêde kiriye. Çalakvan hişyarî dikin ku ev proje dê bibe sedema qirêjbûn û zuhabûna yek ji dawîn beşên zindî yên vê zozanê.

13:57

Endamên Meclîsa Nûneran a DYE’yê bi nameyekê ji Wezîrê derve Marco Rubio re xwestin ku li dijî darvekirinên siyasî yên li Îranê cezayên nû bên sepandin û mafên mirovan di navenda têkiliyên bi Tehranê de cih bigire.

13:46

Piştî 7 mehan ji destpêkirina êrîşên li ser Îranê, malbatên ku di şer de zirar dîtine hîn ji ber astengiyên îdarî, nestendina tezmînatê û reftareke nebaş a saziyan di nava zehmetiyan de ne.

12:51

Navçeyên Peravên Rojava dibin şahidên zêdebûna tund a aloziyê, di sê rojên borî de ev yek bûye sedema mirina 139 kesan û birîndarbûna nêzî 180 kesan ku di nav wan de kesên koçberbûyî û sivîl hene.

12:44

Piştî xwepêşandan û aloziyên li Kobanê, li girtîgeha bajêr şewat derket û 9 kes mirin. Saziya Malbatên Şehîdan daxuyaniyek da û xwest ku berpirsyarên binpêkirin vê trajediyê bên darizandin.

12:21

Li gorî lêkolînek nû, baliqbûn û ducanîbûn bi kêmbûnek girîng a hecma madeya gewr a kortîkarê ve girêdayî ye, lê di pêvajoya ketina menopozê de kêmbûnek wiha nehate dîtin.

11:38

Neteweyên Yekbûyî diyar kir ku jinên ducanî û dayîkên nû li Xezayê di nava kêmbûna xizmetên tenduristiyê, kêmbûna xurek û xirabbûna şert û mercên jiyanê de, bi şert û mercên gelek dijwar re rûbirû dimînin.

11:22

Li Îranê 11 welatiyên Ereb ku 9 jinên berê ji aliyê hêzên ewlehiyê ve hatibûn desteserkirin di nav wan de ne, ji bo agahdarkirina wan a derbarê biryarên dadgehê de, vexwendin Dadgeha Şoreşê ya Ehwazê.

10:55

Raportorê Taybet ê NY’ê, Leopoldo Maldonado Gutierrez ragihand ku Xeza ji bo rojnamevanan bûye qada herî xeternak a cîhanê.

08:00

Mamosteya beşa wêjeya Kurdî Rojîn Mûsê diyar kir ku biryara sînorkirina perwerdeya Kurdî bûye sedema berteka mamoste û xwendekaran li Rojavayê Kurdistanê, got ku divê Kurd û kesên eleqedar zimanê Kurdî bikin xala sereke ya xebatê.

21:31

Li herêma Darfûra Navîn a Sûdanê, di gel berdewamiya pevçûnên çekdarî, tundiya navmalî û bûyerên kuştina jinan her ku diçe zêde dibe. Çalakvan û niştecih daxwaza parastineke xurttir ji bo jinan dikin.

20:59

Dadgeha Şoreşê ya Bandar Ebasê bi tohmeta "gendeliya li ser rûyê erdê" cezayê darvekirinê da Souda Ebrahîmî Shamsabadî ku ji ber hin çalakiyên medyayî û wênegirtina cihekî leşkerî hatibû girtin.

20:37

Dadgeha Bilind a Îranê daxwaza ji nû ve darizandina girtiya siyasî Arghavan Fallahî red kir. Arghavan Fallahî ku bi cezayê darvekirinê hatiye cezakirin, di bin zext û îşkenceyê de îtîrafên nerast kiriye.

16:08

Li Yemenê di navbera hikûmet û Hûsiyan de şerekî nû dest pê kir. Rêxistina Navneteweyî ya Koçberiyê (IOM) ragihand ku tenê hefteya borî nêzî 46 hezar kesî ji ber şer cih û warên xwe berdane.

12:59

Meclîsa Tenduristiya Karkeran û Ewlehiya Kar a Tirkiyeyê (ÎSÎG), rapora xwe ya "Cinayetên Kar" a Tebaxa sala 2026’an eşkere kir. Li gorî raporê, di meha Tebaxê de 15 jin û 15 zarok jî di nav de herî kêm 226 karker di qezayên kar de mirin.

12:23

Rêxistina Xurek û Çandiniyê ya Neteweyên Yekbûyî (FAO) ragihand ku endeksa bihayên xwarinê yên cîhanî di meha Tebaxê de li gorî meha borî ji sedî 1.9 û li gorî heman meha sala borî jî ji sedî 2.5 zêde bûye.

11:52

Li Tehranê welatiya bi ola Behayî Seba Sefîdî hate girtin û ji bo ku cezayê xwe yê sê sal û pênc mehî bikşîne sewqî Girtîgeha Qerçaxê ya li Varamînê hat kirin.

11:15

Hêzên Hûsî li rojavayê Yemenê êrîş birin ser karwaneke penaberan ku ber bi Adenê ve diçû. Çavkaniyên bijîşkî û xwecihî ragihandin ku di encamê de zêdetirî 100 sivîlan jiyana xwe ji dest dane û gelek birîndar jî rakirine nexweşxaneyên bajar.