rojane

12:36

Hate diyarkirin ku hêzê ewlehiyê li Îranê gule berdane xwepêşanderan, nexweşxane hatine hedefgirtin û xebatkarên tanduristiyê rastî êrîşan hatine. Rêxistina Mafê Mirovan, piştrast kir ku li gelek bajaran komkujî hatine kirin.

12:30

Bi hezaran jinên ji Kobanê bi meşeke girseyî bersiv dan êrîşên dagirkeriyê yên li ser Şêx Meqsûd û Eşrefiyê. Jinan bi hêrseke mezin soza tolhildana ji qetilkirina jinan û zarokan dan.

12:23

Şêniyên Helebceyê û yê bajarokê Qeredax a Silêmanî piştgiriya xwe ji berxwedana Kurdên Helebê re nîşandan.

12:16

Dayikên Aştiyê, ku dê sibê li Enqerê li dijî êrîşên li ser taxên Şêx Meqsûd û Eşrefiye yên Helebê hevdîtinan bikin, bi girseyî ber bi Enqerê ve bi rê ketin.

11:16

Meclîsa Jinan a MÎA-FED’ê têkildarî êrîşên li ser taxên Şêx Meqsûd û Eşrefiyê yên Helebê ku zêdetirî şêniyên wan Kurd in û di 7’ê Çileyê de rastî êrîşên berfireh hatin daxuyaniyek da diyar kir ku mirov nikare tu nav û hincetê ji van êrîşan re bibîne.

09:56

Li bajarê Qamişloyê, Heva Sor a Kurd ragihand ku di êrîşên çeteyên HTŞ’ê yên li ser neweşxaneyan de 3 endamên wan ku karmendên tenduristiyê ne, hatine dîlgirtin û banga azadiya wan kir.

09:36

Li Afganistanê qezayên trafîkê, veguherî qeyranek ku her sal jiyana bi hezaran jin, zarok û kesan digre. Rêyên ne ewle, ajotina xeternak û bicîh ne anîna qûralên trafîkê, welat rêjeyên herî bilind ên qezayên trafîkê û mirinê re rû bi rû dihêle.

08:56

Rêvebera Peymangeha Hunerê Ciwan a Koye Aştî Refîq têkildarî cihê jinê yê di peywira rêveberiyê de got ku “Jin di rêveberiyê de gelek serkeftî ne. Divê jin di hemû pêwirên bilind de cihê xwe bigrin.”

08:43

Jinên Dêrazorê zilma li ser Şêx Meqsûd û Eşrefiyê şermezar kirin û gotin “gelên Dêrazorê bi awayekî cidî van pêkanînan red dikin û kesên rastî êrîşan tên re di nava hevgirtinê de ne.”

07:41

Bijîşk Evîn Xelîl hêrsa xwe li dijî kiryarên HTŞ’ê yên li Şêx Meqsûd û Eşrefiyê berzkir. Dr Evîn da zanîn ku qetilkirina karmendên tendirustiyê, rûxandina nexweşxaneyan û rêgirtina li ber dermankirina birîndaran, sucên şer in.

07:35

Kovara Nîsan bi hejmara xwe ya 3’emîn bi dirûşmeya ‘Li dijî komplo û qirkirina jinê wê tekoşîna Sarayan bibe rênîşana serkeftinê û pêkanîna ronensansa jinan’ gihişt ber destê xwînerên xwe.

07:20

Jinên ciwan ên ji tevgerên Ermenî û Suryan tekez kirin ku Sûriye dê bi diyalogê were avakirin, ne bi komkujî û êrîşên li ser taxên Şêx Meqsûd û Eşrefiyê ku armanc dikin gelê Kurd û hemû gelên din ên li Sûriyeyê dijîn tune bikin.

20:47

Li navçeya Zorava ya Şengalê ji bo pêngava “Xwe nekuje her xwe kuştinek fermanek e” belovok hatin belav kirin.

20:42

Kongra Star diyar kir ku êrîş û komkujiyên li dijî gelê Şêx Meqsûd û Eşrefiyê ji aliyê komên girêdayî HTŞ'ê yên cîhadîst û piştgiriya wan ji aliyê dewleta Tirk ve tê kirin, sûcên şer in û banga avakirina komîteyek lêpirsînê ya navneteweyî kir.

20:27

Rêxistina Tora Mafên Mirovan a Kurdistanê, ragihand ku li Tehranê xwendekara Koleja Şerîatê Robîna Emînyan ji aliyê hêzên rejîmê ve hate qetilkirin.

20:26

Hate ragihandin Mehsa Şafiî ya xwişka Nîma Şafiî ya di serhildana "Jin, Jiyan, Azadî" de jiyana xwe ji dest da, hatiye binçavkirin. Ji destpêka xwepêşandanên li welat û heta niha bi hezaran kes hatin binçavkirin.

17:23

Di bin pêşengtiya Tevgera Ciwan (TCM) û Tevgera Jinên Ciwan ên Mexmûrê (TJCM) de şêniyên wargeha penaberan a Mexmûrê bi armanca şermezarkirina êrişên ser taxên Helebê û piştgirîkirina berxwedana gel meşek girseyî lidar xistin.

15:22

Şêniyên bajarê Qamişlo bi dirûşma “Bijî Berxwedana Şêx Meqsûd” karwanên ku tevlî seferberiya ji bo Şêx Meqsûd bibûn pêşwazî kirin. Jinên çûn pêşwaziya birîndaran gotin: “Em ê tola wan hilînin.”

15:08

Hevserokên Giştî yên DEM Partiyê Tulay Hatîmogûllari û Tuncer Bakirhan, destnîşan kirin ku êrîşên li Şêx Meqsûd û Eşrefiyê polîtîkayek bi pergalî ya tûnekirina Kurdan e.

15:04

Li navenda Şengalê bi rakirina wêneyên êrîşên li ser taxên Şêxmeqsûd û Eşrefiyê komkujiya tê jiyan kirin hate şermezarkirin.