rojane

15:00

Ji ber ku daxwazên wan ên mafdar û sendîkayî nehatine bicihanîn, akademîsyenên Zanîngeha Şîrazê biryar dan hemû çalakiyên fêrkirin, lêkolîn û rêveberiyê rawestînin.

14:45

Neteweyên Yekbûyî hişyariyê da ku rewşa li Sûdanê karesateke mezin e. Tevî bi milyonan kes ji ber şer û birçîbûnê koçber bûne, alîkariyên mirovî ji ber astengiyên ewlehî û kêmbûna fînansmanê nagihîjin bajar û rewş li El-Faşêrê her diçe xirabtir dibe.

13:51

Di salvegera çaremîn a kuştina Jîna Emînî de, bi banga hêzên siyasî yên Rojhilatê Kurdistanê li Mahabadê û gelek bajarên din greva giştî hat îlankirin. Tevî zext û astengiyên hêzên ewlehiyê jî piraniya dikan û kargehan hatin girtin.

13:32

Di salvegera çaremîn a qetilkirina Jîna Emînî de, fermandar û şervanên YJŞ’ê bal kişandin ser girîngiya felsefeya ‘Jin Jiyan Azadî’ û diyar kirin ku ew ê her tim têkoşîna xwe xurttir bikin.

12:35

Di salvegera çaremîn a qetilkirina Jîna Emînî de, Platforma JÎNA diyar kir ku serhildana "Jin Jiyan Azadî" şoreşeke civakî û siyasî ye ku sînorên Îranê derbas kiriye, bang li hemû jin û gelên azadîxwaz kir ku xurtkirina têkoşînê bidomînin.

12:16

Bi boneya salvegera 4’emîn a şoreşa ‘Jin Jiyan Azadî’, ji aliyê gêrîlayên HPJ’ê ve nemirên azadiyê û tevahî cangoriyên serhildanê bi merasîmeke leşkerî hatin bibîranîn.

11:47

Di çarçoveya parastin û pêşxistina Zimanê Kurdî de û bi dirûşmeya “Ji bo zimanê me, ji bo pêşeroja me”, li bajarê Qamişloya Rojavayê Kurdistanê, kona çalakiyan hat vekirin.

11:31

Li bajarê Xezayê, avahiyeke şeş qat ku ji ber êrîşan zirar dîtibû, çend malbat lê bi cih bûbûn vê sibehê hilweşiya. Di encamê de bi dehan kes di bin kavilan de man û tîmên rizgarkirinê heta niha cenazeyên 12 kesan derxistine.

11:16

Hikûmeta Talîbanê li Kabulê perwerdeya keçên xwedî pêwîstiyên taybet ên ji 12 salî mezintir rawestand. Ev biryar nîşan dide ku sînorkirinên perwerdeyê yên li ser jin û keçan niha digihîjin qadên perwerdeya taybet jî.

11:04

Bajarê Dêr El-Balahê şahidê destpêkirina Foruma Çandî ya Jinên Filistînî bû. Ev yekem rêxistina jinan e ku piştî êrîşa li ser Xezayê ji nû ve tê avakirin. Armanc ew e ku jinan xurt bike, afirîneriya Filistîniyan vejîne û qadeke ewle ji jinan re peyda bike

10:49

Rêberê Gelê Kurd Abdullah Ocalan geşedanên dawî û qetilkirina şervanê Tugaya Hesekê Sîpan Hiznî wekî "provokasyon" bi nav kir û destnîşan kir ku divê ev sabotaja li dijî zemîna diyalogê demildest bê rawestandin.

09:14

Piştî ku rojnamevana Sûdanî Ayîşe El-Majîdî girtin û birin cihekî nediyar, fikarên li Sûdanê rojnamevan û çavdêr destnîşan dikin ku tevî hemû xetereyan jî, divê jîngeheke bi ewle ji bo xebata medyayê bê avakirin.

08:46

Endama Pêşmergeyên Dêrînê Mihabad Şêx Heme Emîn bal kişand ser rola dîrokî ya jinan a di nava şoreşan de û destnîşan kir ku ji bo serketinê divê jin di hemû navendên biryardanê de xwedî peywir bin.

08:15

Endama Fermandariya Hêzên Parastina Jinên Rojhilatê Kurdistanê (HPJ) Amara Rojhilat diyar kir ku Şoreşa Jin Jiyan Azadî bi pêşengiya jinên Kurd û Îranê her çû cîhanî bû, ji jinan re bû hişmendiya azadî û sembola xwenasîn, parastin û rêxistinkirinê.

20:15

Komeleya ANKA-DER’ê, li Enqerê yê li bajarê Tirkiyê bi boneya serdema nû ya perwerdehiyê li ber Wezareta Perwerdehiyê daxwaza perwerdehiya bi zimanê Kurdî kir û got: “Perwerdehiya piralî û azad ku bingeha jiyaneke bi rûmet e, mafê her zarokî ye.”

19:56

Komîserê Mafên Mirovan ê NY'ê hişyariya rûxandina Xezayê da û xwest lêkolîner biçin herêmê. Her wiha hate gotin ku li taxa Zeytûnê jî 96 cenazeyên piraniya wan jin û zarok bûn, ji ber kêmbûna amûran bi destên tazî hatin derxistin.

17:25

DAKB'ê ya der barê çaremîn salvegera şoreşa “Jin, Jiyan, Azadî”de daxuyanî da, bi gotina “Em jin di vê têkoşînê de piştgiriya hev in, bêhna hev in û hevrêyên hev in”, banga berdana girtiyên siyasî yên jin û bidawîanîna zilm, îşkence û darvekirinan kir.

16:50

Xelatên Rojnamegeriyê yên Mûsa Anter û Şehîdên Çapemeniyê yên 33’emîn ku ji aliyê DFG’ê ve hatin lidarxistin, xwediyên xwe dîtin. Merasîma xelatdayînê dê di 23’ê Îlonê de li Amedê be.

16:00

Li gorî daneyên SOHR’ê, di nava du salên borî de jin û zarok jî di nav de bi sedan kes ji ber bermayiyên şer mirine. Ev rewş, mezinahiya xeteriyê û pêwîstiya zêdekirina hewldanên paqijkirina mayînan nîşan dide.

15:40

Bi boneya çaremîn salvegera şoreşa ‘Jin Jiyan Azadî’, kovara ‘Jinên Rojhilat’ hejmarek taybet weşand. Divê hejmarê de balê dikişîne ser kesên bûne hedef û lêkolînek taybet derbarê rêyên pêşengtiya jinan cih digre.