rojane

17:10

Mehmet Uçum, diyar kir ku Rêberê Gelê Kurd Abdullah Ocalan dê di Desteya Jêr a Bêçekkirin û Koordînasyona Siyasî de cih bigire. Mehmet Uçum, di avakirina komîsyonê û pêşveçûna pêvajoyê de balkişand ser heyama Cotmeh-Mijdarê.

16:00

Ji ber çandina mayînan a li ser rêyên çandiniyê û nebûna nîşaneyên hişyariyê yên li herêmên sînorî yên Serawan û Mîrjavehê, du welatiyên Belûç jiyana xwe ji dest dan. Vê rewşê jî metirsiyeke mezin li ser jiyana sivîl û koçerên herêmê çêkiriye.

15:49

Rêxistina Mafên Mirovan a Îranê (IHR) eşkere kir ku di xwepêşandanên dawî yên li wî welatî de zêdetirî 4 hezar û 200 kesan hatine kuştin, ku bi sedan jin û zarok jî di nav de ne, û hate ragihandin ku 29 kes jî hatine darvekirin.

15:02

Ji ber zêdebûna operasyonên leşkerî û qutbûna xizmetên bingehîn ên li çend bajarên Yemenê, di nîvê ewil ê mehê de zêdetirî 122 hezar kesî neçar man ku koçî deverên aram bikin. Ev rewşa heyî jî pêdiviyên lezgîn ên li herêmê zêde dike.

14:25

Nêrgiz Mihemedî di hevpeyvîna CNN de, behsa îşkence, lêdan, cezayê hucreyê û nebûna lênêrîna tendirustiyê ya di dema girtina xwe ya li Îranê de kir û got ku erka wê ew e li hemberî tiştên wê û girtiyên din jiyane bêdeng nemîne.

12:35

Ji destpêka salê, heta 15’ê Îlonê li Sûriyeyê bi hezaran mirin û windahiyên ku hatine tomarkirin, rûyê tundiyê yê hîn jî li herêmên cûda berdewam dike datîne holê. Saziyên mafên mirovan ji bo parastina sivîlan û bidawîkirina bêcezatiyê banga lezgîn dikin.

12:02

Li Kirmaşanê, bi boneya çaremîn salvegera serhildana ‘Jin, Jiyan, Azadî’ bazarê du caran deriyên xwe girt, herêm bi hêzên leşkerî û ewlehiyê hat dorpêçkirin û esnafan biryar da ku grevê bidomînin.

11:19

11:07

Meclîsa Gel a Neteweyî ya Cezayirê ji bo salên 2026-2027'an deriyê gera xwe ya nû vekir. Di rûniştinê de hate tekezkirin ku divê parlamenter bibin dengê gel, her wiha behsa têkoşîn û rola girîng a jinan di qada siyasî de hate kirin.

08:30

Cemşît Aşan, dayîka Jiyan Aşan a ku di têkoşîna azadiyê de bûye cangorî ye, dibêje “Bila em bibin dayîkên dawî yên dilê wan şewitî” û diyar dike ku ew ê têkoşîna keça xwe ya azadî û aştiyê bidomîne.

08:01

Mamosteyên zimanê Kurdî yên Rojavayê Kurdistanê, bertek nîşanî biryara 27’ê Tebaxê ya sînorkirina zimanê Kurdî dan û diyar kirin ku ev dê li ser perwerda xwendekaran û mafê wan ê xwendina bi zimanê dayîkê, bandoreke neyinî bike.

20:29

Rojnamevana Sûdanî Ayşe El-Majîdî ya beriya sê rojan ji ber parvekirinên xwe yên der barê xemsariya hikûmetê ya li hemberî rewşa aborî de hatibû binçavkirin, hat berdan.

20:18

Nûnertiya Kongra Star a Başûrê Kurdistanê bi boneya çaremîn salvegera şoreşa "Jin Jiyan Azadî" daxuyaniyeke da û diyar kir ku ev felsefe li cîhanê deng vedaye, her wiha soza parastina jiyana azad û îradeya jinan hate dayîn.

19:24

Di demekê ku li Şengalê hewldanên ji bo jinûveavakirina deverên vegerê bi lez dimeşin de, tê ragihandin ku nêzî 19 hezar malbatên koçber hêj li kampên Herêma Başûrê Kurdistanê dijîn.

18:39

Di çaremîn salvegera serhildana şoreşgerî ya "Jin Jiyan Azadî" û kuştina Jîna Emînî de, li Kirmaşanê û çend navçeyên wê parêzgehê bazirgan û dikandaran bi girtina dikanên xwe dest bi greva giştî kirin.

18:24

Meclîsa Îştar a wargeha penaberan a Şehîd Rustem Cûdî (Mexmûr) di çaremîn salvegera şoreşa ‘Jin Jiyan Azadî’ de daxuyaniyek da û banga xurtkirina yekîtiya jinan kir.

18:00

Li parêzgeha El-Cîzayê ya Misrê, Aya El-Seyîd Bedir Radwan a 16 salî ku beriya çend rojan winda bûbû û piştre vegeriyabû mala xwe, bi awayekî bi guman jiyana xwe ji dest da. Der barê bûyerê de lêpirsîn hat destpêkirin.

17:46

Komeke girtiyên siyasî yên jin li Girtîgeha Evînê, di çaremîn salvegera şoreşa "Jin Jiyan Azadî" de daxuyaniyek weşandin û bang li gel kirin ku li dijî zilm, şer, darvekirin û xizaniyê li ber xwe bidin.

17:18

AMNESTY, di rapora xwe ya zêdetirî hezar rûpelan de, tepeserkirina serhildana şoreşgerî ya "Jin Jiyan Azadî" wekî sûcekî li dijî mirovahiyê bi nav kir û daxwaza destpêkirina lêkolînên cezayî yên derbarê rola 87 rayedarên Komara Îslamî ya Îranê de kir.

15:40

Şaxa ÎHD’a Amedê, rapora xwe ya binpêkirina mafan a 2026’an parve kir. Li gorî raporê, li bajarên Kurdistanê herî kêm hezar û 804 binpêkirinên mafên mirovan hate tesbît kirin.