rojane

14:55

Hat ragihandin ku çeteyên cîhadîst ên HTŞ’ê û dewleta Tirk malên welatiyan li taxa Şêxmeqsûd a Helebê şewitandine û li dijî sivîlan sûcên kuştin û revandinê pêk anîne.

14:35

Çeteyên cîhadîst ên HTŞ’ê û dewleta Tirk bi dronan bombe li gundên Resem El Kirûm, el Keyariya û Resem El Îmam ên Dêr Hafirê barandin.

14:27

Li dijî êrişên li ser Kurdên sivîl ên li Helebê, ji bo rawestandina piştgiriya Ewropayê ya bi HTŞ’ê re û bi daxwaza piştgiriya bi Kurdan kampanya îmzeyan di asta navneteweyî de hate destpêkirin.

14:16

Dîmenên ku ji taxa Şêx Meqsûdê ya 6’ê Çileyê de çeteyên cîhadîst ên HTŞ’ê û dewleta Tirk a dagirker êriş birin ser, hilweşîn û hovîtiya ku li taxê meşandin, radixe ber çavan.

14:09

Jinên Kantona Cizîrê bi pêşengiya Kongra Starê li bajarê Qamişloyê ji bo piştgiriya berxwedana taxên Kurdan ên Şêx Meqsûd û Eşrefiyê yên Helebê daketin qadan.

14:03

UNICEF’ê aşkera kir ku ji 11`ê Çileyê ve hezar û 229 kes ku 298 jê zarok in, ji Helebê gihaştine Bakur û Rojhilatê Sûriyeyê.

13:42

Xwepêşandan û çalakiyên li Rojhilatê Kurdistan û Îranê di roja 20’an de berdewam dikin. Di êrişên hêzên rejîma Îranê yên li ser xwepêşanderan de, tê gotin nêzî 3 hezar xwepêşander hatine qetilkirin.

12:47

Rêxistina Efûyê ya Navneteweyî diyar kir, "Ji êvara 8’ê Çileyê ve, di bikaranîna neqanûnî ya hêza kujer ji aliyê hêzên ewlehiyê ve li dijî sivîlan zêde bûye."

12:23

Di dema ku çalakiyên xwepêşandanê li Îran û Rojhilatê Kurdistanê bi mezinbûnê didomin, çalakvana mafên mirovan Sholeh Zamini bal kişand ser zêdebûna qirkirinan û got: “Li her derê daxwaza hevpar a ku tê gotin heman e: Komara Îslamî here.”

11:52

Serokê Rêveber ê UNOPS’ê yê BM’ê ku serdana Xezayê kir, diyar kir ku paqijkirina zêdetirî 60 milyon ton kavil wê zêdetirî 7 salan bidome û bal kişand ser metirsiyên ku dibe pêk bê.

11:50

Jinên Efrînî yên koçber ên li Lubnanê dijîn, diyar dikin ku li Şêx Meqsûd û Eşrefiyê welatî, şervanên jin û binesazî bûne armanc û bal dikişînin ku bêdengiya navneteweyî rê li ber qirkirinên nû vedike.

10:29

Endama Konseya Serokatiyê ya KCK'ê Sozdar Avesta anî ziman ku êrişên li ser Bakur û Rojhilatê Sûriyeyê pêvajoya hatiye destpêkirin têk dibe û xwest, mercên Rêberê Gelê Kurd Abdullah Ocalan tavilê bêne sererastkirin û gavên qanûnî-demokratîk bêne avêtin.

09:55

Nîqaşa di navbera ‘Genealojî’ û ‘Jineolojiyê’ de ne tenê nîqaşeke zimannasî ye; pêwîstiya ji nû ve nirxandina têkiliya di navbera zanîn û hêzê de û pozîsyona jinan a di vegotinên di seranserê dîrokê de hatine nivîsandin de jî, eşkere dike.

09:52

Xwepêşandanên aborî yên vê paşê li Îranê, ji bazara Tehranê bigre heta kolanên bajarên din, ne tenê li ser zêdebûna bihayan û enflasyonê ne. Berdewamiya tevgera "Jin, Jiyan, Azadî" ne, ku edaleta aborî û zayendî bi hev ve girêdayî ne.

08:42

Desteya Avakera Yekîtiya Jinên Pêşmerge Emîd Nahîde Ehmed li ser gotinên meleye ku olê bi fikrên teng û DAIŞ’î nirxand û bêrêziyê li jinan dikin, got ku ew kes bi devê dijminên Kurdan diaxivin û da zanîn ku ji bo hemû mirovan xweparastin esas e.

08:38

Li Cezayîrê jin bi riya bernameya "Rana Em Li Vir in", tecrûbeyên kesane vediguherînin belgefîlmên ku mijarên qanûna malbatê û tundiyê dinirxînin.

08:14

Li Îranê çalakiyên ku jixwe didomiyan, bi hefteyan e bi têkçûna aborî û xizaniya ku zêde bûye re berfirehtir bûn, veguherî tevgereke li dijî rejîmê û êrîşa hêzên ewlekariyê hêrsê mezintir kir. Ji Tora Piştevaniya Koçberan Yildiz Onen nirxandin kir.

07:41

Şervana Şêx Meqsûdê Zinarîn Kobanê da zanîn ku li Helebê li hember çeteyan heta dawî berxwedan nîşan dane û got ku “Di her kêliyek dîrokê de rihê şehîdên me û rihê berxwedanek veşartî ye. Emê heta dawiyê têkoşîna xwe bidomînin.”

07:30

Rojnamevan Nîlgun Mete destnîşan kir ku Emrîka û Îsraîl dixwazin plana ‘Îsraîla Mezin’ pêk bînin, lewma li Sûriyeyê li hember qirkirina Kurd, Durzî, Elewî û pêkhateyên din bêdeng dimînin û banga ‘xwîna ku diherike, rawestînin’ kir.

07:19

Jinên li Bakur û Rojhilatê Sûriyeyê nerazîbûna xwe li hemberî bêdengiya navneteweyî ya li dijî binpêkirinên li ser gelê Kurd li Şêx Meqsûd û Eşrefiyê nîşan dan û gotin ku rûpoşa dewletên xwe xwedî mafên mirovan nîşan didin ketiye.