rojane

16:06

Tevgera Azadiya Jinên Êzidî (TAJÊ), di 4’emîn salvegera Şoreşa “Jin Jiyan Azadî” de daxuyaniyek weşand û destnîşan kir ku divê li dijî pergala kujer eniya berxwedana hevpar a jinan bê xurtkirin.

15:54

Komek malbatên Havaranê li Îranê bi daxuyaniyekê bertek nîşanî cezayên darvekirinê dan û destnîşan kirin ku ji ber êşa windakirina hezkiriyên xwe ew li dijî vê cezayî ne. Malbatan bi bîr xistin ku mafê jiyanê mafê herî bingehîn ê mirovan e.

15:31

Bijîşk û lêkolînera tenduristiya civakî Sîmîn Kazemî encamên lêkolîneke li navendeke lênêrînê yê Îranê eşkere kir. Li gorî vê yekê, ji sedî 66 jinên ji hişê xwe astengdar rastî destdirêjiya zayendî hatine.

15:15

Lale Marzban, di beşa "Asoyan” ya 83’emîn Festîvala Fîlman a Venedîkê de hêjayî xelata Lîstikvana Herî Baş hate dîtin. Laleh Marzban, xelata xwe diyarî jinên Îranê kir.

15:11

Sureyya Menuçehrzade, Faxîre Zahîdî û Şeyma Senaî yên ku endamên baweriya Bahayî ne, her yek bi danîna kefaleta 2 milyar tûmanî, ji girtîgeha Tirkela ya li Sariyeyê hatin berdan.

14:55

Rêxistina Navneteweyî ya Koçberiyê (IOM) ragihand ku ji ber gurbûna operasyonên leşkerî yên li Yemenê, zêdetirî 76 hezar kes ji cih û warên xwe bûn. Rêxistinê hişyarî da ku heke şer dewam bike dê ev hejmar zêdetir bibe û banga vekirina korîdorên ewle kir.

13:44

Cudakarî û newekheviya di pergala perwerdeya Îranê de ne tenê di navbera dibistanên taybet û yên dewletê de ye, her wiha li herêmên cuda jî kûr e. Sedemên wekî aborî, zayend û cihê rûniştinê vê valahiyê hîn mezintir dikin.

13:35

Ji ber hişkesaliyên dirêj, guherîna avhewayê û binesaziya qels li Efganistanê krîza avê digihîje asteke krîtîk. Bi mîlyonan kes ji bo pêdiviyên xwe yên rojane nikarin bigihîjin ava ewle.

12:30

Xwendekarên Dibistana Îbn Ruşd a li parêzgeha Hesekê li dijî biryara Wezareta Perwerdeyê ya hikûmeta demkî ji bo zimanê Kurdî daye derketin û daxuyaniyek dan. Xwendekaran daxwaza betalkirina biryarê û parastina mafê xwendinê bi zimanê dayîkê kirin.

12:09

Tevgera Jinên Azad (TJA) têkildarî bûyerên li Kobanê daxuyaniyek weşand. TJA’yê bal kişand ser hedefgirtina hevjiyana gelên Kurd û Ereb û banga lêpirsîneke serbixwe û zelal kir.

09:57

Di salvegera çaremîn a serhildana “Jin Jiyan Azadî” de KJK'ê daxuyaniyek da û anî ziman ku rejîma Îranê nikare bi polîtîkayên xwe yên zordar bersiva krîzan bide. KJK’ê da xuyakirin ku rêya yekane ya çareseriyê demokratîkbûna Îranê û parastina jiyana azade

09:34

Giranbûna krîza aborî û kêmbûna dermanan li Îranê gihîşt asteke xeternak. Li gel bihayên berhemên paqijiyê û tunebûna dermanên derûnî, jin û nexweş neçar in bi tenduristiya xwe ya ku xirab bûye re bijîn.

09:20

Kovara Jin di hejmara xwe ya 185’an de bi sernavê "Ji Şînê Ber Bi Aştiyê Ve: Heqîqet û Jiyanek Hevbeş"derket. Kovar di vê hejmarê de bi nivîsên li ser aştî, edalet û bîra civakî perspektîfeke nû pêşkêşî xwendevanan dike.

08:46

Her çendî kargeh zêde bûne, gelek tişt ji welatên din tên bazarê jî li Kurdistanê genim li gelek herêman wekî berê maye. Jinên Koye li mîrasa genim û dan xwedî derdikevin û bi rêbazên kevin gemin û danê xwe dibin aşê Mam Xidir dihêrin.

08:15

Berdevka Dîplomasiya Tevgera Azadiya Jinên Êzidî (TAJÊ) Rîham Hico got ji bo lîstikên li ser dîlgirtiyan tên meşandin pûç bikin û di asta navneteweyî de rojevekê ava bikin, pêngava ji bo dîlgirtiyên fermanê dane destpêkirin.

22:44

Li wargeha penaberan a Mexmûrê bi pêşengtiya Tevgera Ciwanan, bi sedan kes di bin banga edaletê de daketin qadan û provakasyonên li ser Rojavayê Kurdistan û qetilkirina şehîd Sîpan Hiznî şermezarkirin.

18:11

Deklarasyona bi navê “1001 Îmze ji bo Komara Demokratîk û Aştiyê” hate eşkerekirin. Di deklarasyonê de bêçekbûn, hemwelatiya wekhev, perwerdehiya bi zimanê dayikê û mafê hêviyê hatin daxwazkirin.

16:51

Endama Komeleya Parêzeran a Azerbaycana Rojhilat Parêzer Zahra Nakşîne, piştî ku serdana 15’emîn Şaxa Lêpirsînê ya Dozgeriya Giştî û Şoreşgerî ya Tebrîzê kir, hat binçavkirin.

16:29

Di rûniştineke yasayî ya li Suweydayê de, hate tekezkirin ku divê hişyariya yasayî bê zêdekirin û jin û zarok li dijî êrîş û destdirêjiya zayendî werin parastin.

16:17

Li herêma niştecihbûnê ya Sarawanê, di navbera hêzên ewlehiyê û kesên çekdar de pevçûnek 9 saetan çêbû. Di encamê de gelek kes mirin çêbûn û hê jî fikarên der barê ewlehiya sivîlan û asta zirara çêbûyî de didomin.