یەکەم بانکی ژنان لە شیکاگۆ کرایەوە
یەکەم بانکی ژنان بارەگای خۆی لە شیکاگۆ کردەوە دامەزرێنەرەکەی دەڵێن بانکەکە یەکەم دامەزراوەی داراییە کە بەنیازە یارمەتی ژنانی کارمەند بدات بۆ دۆزینەوەی سەرمایە و گەورەکردنی کارەکانیان.
ناوەندی هەواڵ
ڕۆژی چوارشەممە، یەکەم بانکی ژنان لە شیکاگۆی ئەمریکا کرایەوە، ماریان مارکوویتر، بەڕێوەبەری بانکەکە دەڵێت: "ئەم بانکە ستراتیژی کڕیار نییە بۆ هاندانی یەکسانی ڕەگەزی، ئەوە لە "DNA" ئێمەیە، ئێمە باوەڕمان وایە کە توانای بانکەکە بۆ گۆڕانکاری کۆمەڵایەتی و داخستنی کرێدیتی سێکسی زۆر گەورەیە".
لۆری لایتفۆت، سەرۆکی شارەوانی لە مەراسیمی کردنەوەی بانکەکەدا قسەی کرد و وتی: "بانکەکە لە شیکاگۆ شوێنێکی بازرگانیە و دەرفەتێکە بۆ هەمووان و گەیشتن بە سەرمایە زۆر گرنگە و پێویستە کراوە بێت بۆ هەمووان،هەتا ئێمە ئامادەنەبین هەموو کەس پێش بخەین، ناتوانین سەرکەوین و وەک شار و میللەتێک بەرەو پێشەوە بڕۆین".
بانکەکە پشتیوانی لەژنان دەکات
کۆڵین رایان، بەرپرسی بازرگانی و پەیوەندی بانکەکە، وتی: "بانکەکە لە ڕێگەی تۆڕ و سەرچاوەکانەوە پشتگیری بازرگانەکان دەکات هەروەها بە تایبەتی تیشک دەخاتە سەر یارمەتیدانی ژنانی ڕەش پێست کە کاری بازرگانی دەکەن، کۆمپانیای قاوەی ساوزساید گریندز کە پەیوەندی بە ژنانی ڕەش پێستەوە هەیە توانیویەتی بە پاڵپشتی یەکەم بانکی ژنان بازرگانی خۆی فراوان بکات".
ژنان کێشەیان هەیە لە داخستنی قەرزەکان
بانکەکە لەلایەن کۆمپانیاکانی وەک وندی و کۆمکاست و هەروەها لەلایەن هۆڵی تێنسی نێودەوڵەتی ئەفسانە و بیلی جین کینگ کە یەکێکە لە بەڕێوەبەرانی بانکەکە و پارێزەرانی پایتەختی ژنان کە یەکێکە لە ڕاوێژکارانی بانکەکە سپۆنسەر دەکرێت.
بیلی جین کینگ وتی: "دەزانم ئەو کێشانەی کە ژنان ڕووبەڕووی دەبنەوە لەکاتی چارەسەری داراییدا من خۆم ئەو شتەم بینیوە، ئەگەر تۆ ژن بیت، زەحمەتە لە بانکەوە متمانە وەربگریت".
سەرچاوە: شیکاگۆ سەن تایمز
وەرگێڕان: ژنها