قامیشلۆ-کۆنگرەی ستار لە باکوور و ڕۆژهەڵاتی سووریا تاوانباری ئەو پێشێلکاریانەی کرد کە لە زۆرێک لە ناوچەکانی سووریا بەرامبەر بە هاوڵاتیانی مەدەنی ئەنجامدراون و کەمینەکان و هاوڵاتیانی مەدەنی لە کەناراوەکانی سووریا و دیمەشقی پایتەختیان کردە ئامانج.

 

کۆنگرەی ستار ٤ی ئایار ڕاگەیاندکراوێکی بۆ ڕای گشتی لە شاری قامیشلۆ لە باکوور و ڕۆژهەڵاتی سووریا بڵاوکردەوە، پێشێلکارییە تائیفیەکانی تاوانبار کرد، داواش دەکات تاوانباران لێپرسینەوەیان لەگەڵدا بکرێت و هەموو پێکهاتەکانی کۆمەڵگەی سووریا بەشداربن لە پرۆسەیەکی دیموکراتی فرەیی کە مافەکانی ژنان دەستەبەر دەکات، دادپەروەری ئینتقالی بەدەست بهێنرێت، هەروەها داوای دیالۆگ لە نێوان هەموو پێکهاتە و توێژەکانی کۆمەڵگەی سووریا بەبێ بەڕبەست و بەدەستهێنانی دادپەروەری گۆوازراوە و هەموارکردنی دەستوور و ڕەتکردنەوەی قسەی ڕق و کینە.

 

"بیروبۆچوونی سەلەفی شەڕی ناوخۆ لە سووریا دروست دەکات"

لە ڕاگەیەندراوەکەدا هاتووە، "لە سەردەمی قەیرانی سووریادا، کە بە هۆی شەڕ و داگیرکاری و کۆچ و ئاوارەییەوە سێبەری بەسەر کۆمەڵگەی سووریادا دانا کە لە ئەنجامی بیروبۆچوونێک یپاوانخوازانە، ستەمکارانە، ڕەگەزپەرستانە و بێڕێزیکردن بە مافەکانی ژنان بوو،لە ناوچەکانی ڕۆژائاو و باکوور و ڕۆژهەڵاتی سووریا کە شایەتحاڵی شۆڕشی ژنان بوون، گۆڕانکارییەکی ڕیشەیییان لە پێکهاتەی کۆمەڵگەدا بەدەستهێنا، کە بەشدارییان لە کۆمەڵگەیەکی گشتگیردا کرد شۆڕشێک کە هەموو توێژ و پێکهاتەکان و مەزهەبەکانی دانیشتووان لەخۆدەگرێت. دەرئەنجامەکانی لە ڕاستی زیندوودا ڕەنگدانەوەی هەبوو بە چەسپاندنی بنەماکانی پێکەوەژیان، برایەتی، هاودەنگی و هاوکاری.

 

لە درێژەی بەیاننامەکەدا هاتووە، "ئەو مۆزایکە کولتووری و شارستانییەی کە سووریا ئەزموونی دەکات تەنها لەگەڵ ئەو مۆدێلەدا دەگونجێت کە لە ناوچەکانی باکوور و ڕۆژهەڵاتی سووریا دانپێدانراوە، دوای ڕووخانی ڕژێمی پێشوو، گریمانەکردنی بیروبۆچوونی سەلەفیەکان سەرکردایەتی حکومەتی دیمەشق، جگە لە شەڕە مەدەنی و تائیفیەکان هیچی لێ دەرناچێت، ڕووداوەکانی کەنارەکانی سووریا و کۆمەڵکوژییەکان، هێرش و دەستدرێژی و دەستدرێژیکردنە سەر، کە دژی تەریقەتی عەلەوییەکان ئەنجامدراون باشترین بەڵگەن بۆ ئەمە”.

 

ڕوونیشی کردەوە، "ڕووداوەکانی ئەم دواییە لە گوندەکانی دیمەشق، جەرامانا و ئەشرەفیە سەحنایە، کە زۆرینەی درووزەکان نیشتەجێن، لەلایەن کوتلە چەکدارەکانەوە نیشتەجێن، هەروەها ئەو پێشێلکارییانەی بەرامبەر سووریاییەکان ئەنجام دەدرێن، پێشێلکردنی مافەکانی مرۆڤ، ئاماژەن بۆ نەبوونی سەقامگیری و ئاسایش لە سووریا و نەبوونی ئاشتی مەدەنی لە دوای ڕووخانی ڕژێمی بەعس، چی ئەم دیمەنە دڵتەزێنە بەهێزتر دەکات، ئەو ڕاستییەیە کە حکومەتی گوازراوە بە یەک نەتەوە و یەک ڕەنگ و یەک مەزهەب تایبەتمەندە، لە ڕێگەیبە دەرکردنی هەموو چین و توێژەکانی گەلی سووریا”.

 

پێشێلکاری دژی گروپە تایفەگەرەکان

لە ڕاگەیەندراوەکەدا نکۆڵی لە "پێشێلکارییە بەردەوامەکانی کردووە، لە ترسی دووبارەبوونەوەی ئەو پێشێلکاریانەی کە لە کەناراوەکانی سووریا ڕوویانداوە، لە ڕێگەی ئەنجامدانی کۆمەڵکوژی و کوشتنی هاوڵاتیانی مەدەنی لەسەر بنەمای تائیفی گەیشتوونەتە ئاستی تاوانەکانی جەنگ".

 

لە بەیاننامەکەدا هاتووە "داوا دەکەین حکومەتی کاتی دیمەشق بەرپرسیارێتی خۆی لە ئەستۆ بگرێت سەبارەت بەو پێشێلکاریانەی کە ڕوودەدەن، سزای ئەنجامدەرەکانیان بدات،هاوکات داوای پابەندبوون بە جێبەجێکردنی ڕێککەوتننامەی نەهێشتنی هەموو جۆرە هەڵاواردنێک لە دژی ژنان، کردنەوەی دەرگای گفتوگۆ لەگەڵ هەموو پێکهاتە و توێژەکانی کۆمەڵگەی سووریا بەبێ دوورخستنەوە، بنیاتنانی سیستەمێکی دیموکراتی فرەیی کە تێیدا ژنان ڕۆڵێکی بەرچاو دەگێڕن، بۆ پێشخستنی پێگەی کۆمەڵگەی سووریا و گەیشتن بە دادپەروەری ڕاگوزەر و هەموارکردنەوەی دەستوور و ڕەتکردنەوەی قسەی ڕقاوی و پەروەردەکردنی یەکڕیزی بیروبۆچوون، بەدیهێنانی خواستەکانی گەلی سووریا بۆ ژیانێکی ئازاد.