خۆپیشاندانەکان دژی تاڵیبان بەردەوامە
هاوڵاتیانی ئەفغانستان لە ماوەی چەند هەفتەی ڕابردوودا دژ بە هێرشەکانی تاڵیبان بۆ سەر ئەفغانستان لە خۆپیشاندان و ناڕەزایەتییەکانیان بەردەوامن و داوا دەکەن کە هەوڵی وەستاندنی هێرشە دڕندانەکانی تاڵیبان بدرێت.
ناوەندی هەواڵ
خۆپیشاندان دژی هێرش و پەلامارەکانی چەتەکانی تاڵیبان بەردەوامە، لە چەند ڕۆژی ڕابردوودا هاوڵاتیانی بە ڕەگەز ئەفغانی و ئازادیخوازان و بەتایبەتی ژنان لە بەرلینی پایتەختی ئەڵمانیا خۆپیشاندانێکیان دژی کوشتارەکانی تاڵیبان لە ئەفغانستان و سەرکوت و تاوان و دەستدرێژی بۆ سەر ژنان ڕێکخست.
دوێنێش ژمارەیەک لە کۆچبەران لە شاری تۆرنتۆی وڵاتی کەنەدا و ژمارەیەکی زۆر لە پەنابەرانی ئەفغانی دانیشتووی تاران لە ئێران لەبەردەم نوسینگەی نەتەوە یەکگرتووەکان خۆپیشاندانیان ئەنجامدا، تا فشار دروست بکەن و کۆتایی بەو توندوتیژییانە بهێنن کە لەلایەن تاڵیبانەوە دەکرێتە سەر ئەفغانستان و نائارامی و ناسەقامگیری لێکەوتووەتەوە.
دیمەنی خۆپیشاندانی پەنابەرانی ئەفغانستان لە تاران:
ت.پ