ئەو منداڵەی کە وترا کۆتایی بە ژیانی خۆی هێناوە، ڕووبەڕووی توندوتیژی و هەراسانکردن بووەتەوە
دوای ئەوەی منداڵێکی کوڕی تەمەن ۱۲ ساڵ لە موش گیانی لەدەستداو وترا کۆتایی بە ژیانی خۆی هێناوە، ئاشکرا بوو کە منداڵەکە لەلایەن مامۆستای خولی قورئانەوە ئەشکەنجە دراوە و لەلایەن هاوڕێکانیەوە دەستدرێژی سێکسی کراوەتە سەر.
مەدینە مامەدئۆغڵو
موش- لە ٣ی تەممووزی ٢٠٢١، منداڵێکی کوڕی تەمەن ١٢ ساڵ لە خولێکی قورئان خوێندن لە کۆمەڵەی عیرفان موش بۆ دروستکردن و تەواوکردن بەشێوەیەکی گوماناوی هەناسەی وەستاو گواسترایەوە بۆ نەخۆشخانەی پزیشکی پارکی خارپێت و لەوێ گیانی لەدەستدا.
دوای کاردانەوەی توند لەسەر ڕووداوەکە کە لەو کاتەدا کەوتە بەردەم ڕای گشتی، لێکۆڵینەوەیەک لەلایەن نووسینگەی داواکاری گشتیی موش دەستیپێکرد، لێکۆڵینەوەکە بەهۆی بەدوادانەچوون بێئەنجام بوو، ئەوەی ئاشکرا کرد کە منداڵەکە لەلایەن منداڵانی دیکەوە لەو خولەدا چەند جارێک ڕووبەڕووی "دەستدرێژی سێکسی بەمەبەست" بووەتەوەو چەندین جار ڕووبەڕووی توندوتیژی بووەتەوە لەلایەن پەروەردەکار "ئی.ئی"، لەو کەیسەدا کە بێ ئەنجام بوو، هیچ بەڕێوەبەرێکی جێبەجێکاری کۆمەڵەکە نەچوونە دادگا.
ڕاپۆرتەکە هۆکاری مردنی منداڵەکەی ئاشکرا نەکردووە!
ڕووداوەکە لە ٣ی تەممووزی ٢٠٢١ لە ناوەندی موش لە خولێکی قورئاندا ڕوویدا. ئەو منداڵەی کە لە ئامەدەوە فێربوو، خێزانەکەی پێش ڕووداوەکە بردبوویانە موش و بە شێوەیەکی گوماناوی لە خولیکی قورئاندا گیانی لەدەستدا، لە لێکۆڵینەوەیەکدا کە لەسەر لاشەی منداڵەکە ئەنجامدراوە، هۆکاری ڕاستەقینەی مردنەکەی دیاری نەکراوە لە کاتێکدا شوێنەواری دەستدرێژی سێکسی لەسەر جەستەی منداڵەکە دۆزراوەتەوە، دوای ڕاپۆرتی لێکۆڵینەوەکە، نوسینگەی داواکاری گشتی موش، کە بە نهێنی لێکۆڵینەوەی لەگەڵ خەڵک کرد، داوای لێدوانی منداڵانی کرد لە خولی قورئانەکەدا بەشداربوون، کاتێک تۆمارەکانی کامێراکان لێکۆڵینەوەیان لەسەر کرا، دەرکەوت ئەو منداڵەی کە گیانی لەدەستداوە لەلایەن منداڵێکی دیکەوە دەستدرێژی سێکسی کراوەتەسەر، ئەو منداڵەی بە تاوانەکە تۆمەتبارکرا، ڕووداوەکەی پشتڕاستکردەوەو لێکۆڵینەوەی لەگەڵ کرا و دادگایی کرا، دواتر بە ٧ ساڵ زیندانی سزادرا.
بۆ مامۆستای تاوانبار بە توندوتیژی، سزا وەک پاداشتێک!
جگە لە دەستدرێژی سێکسی، ڤیدیۆکانی کامێراکە کە لە خولی قورئانەوە گیراوە لەکاتی لێکۆڵینەوەکەدا ئەوەی ئاشکرا کردووە ئەو منداڵەی گیانی لەدەستداوە بەردەوام ڕووبەڕووی توندوتیژی بووەتەوە لەلایەن مامۆستای خوێندنەکەیەوە بە ناوی "ئی.ئی"، لە گرتە ڤیدیۆییەکانی کامێراکەدا ئاماژە بەوە کراوە کە لە ڕۆژانی ٢٦ و ٢٧ و ٣٠ی حوزەیراندا ئی ئی بە بەردەوامی توندوتیژی بەرامبەر منداڵەکە بەکارهیناوە، دەربارەی ئی.ئی کە دوای بڵاوبوونەوەی گرتە ڤیدیۆییەکە بە تۆمەتی "بە ئاسانی و بە چەک" لە دژی کەسێک کە ناتوانێت لە ڕووی جەستەیی و دەروونییەوە خۆی بپارێزێت لێپرسینەوەی لەگەڵ کراوە، کاتێک لێپرسینەوەکە گۆڕا بۆ دۆسیە لە ئەنجامی دادگاییەکەدا، تۆمەتبارەکە بە تۆمەتی "بریندارکردنی سادە" سێ هەزارو ٧٤٠ لیرەیتورکی سزا دراو هەروەها سزاکە ڕەتکرایەوە.
دۆسیەی مردن بە شێوەیەکی گوماناوی ڕاگیرا!
کاتێک ئەم شتانە ڕوویدا، نە خێزانەکە و نە پارێزەرەکان نەیانتوانی بۆ ماوەیەکی زۆر بگەنە لێکۆڵینەوە لە مردنەکە، لەسەر ئەم بابەتە، ئێمە نەمانتوانی بگەینە پارێزەرەکانی دۆسیەکە، زانیارییەکان ئاماژە بەوە دەکەن کە لێکۆڵینەوەکە لە مانگی تشرینی یەکەمی ساڵی ڕابردوودا دەستیپێکردووە و ئەو زانیارییانەی بەدەستمان گەیشتووە ئاماژە بەوە دەکەن کە هیچ کەسێک لە بەرپرسانی جێبەجێکاری کۆمەڵەکە لە چوارجێوەی لێکۆڵینەوەدا لەبەردەم دادگادا ئامادە نەبوون و هیچ لێدوانێک نەدراوە، ناشزانرێت کە ئایا پارێزەرەکان سکاڵایان دژی بڕیارەکە کردووە یان نا.