مەدینە مامەدئۆغڵو

 

ئامەد-ڕێبەری گەلی کورد عەبدوڵا ئۆجالان کە لە زیندانی ئیمراڵی جۆری F ڕاگیراوە، دوای ٤٤ مانگ لەگەڵ عومەر ئۆجالان، پەرلەمانتاری پارتی یەکسانی و دیموکراسی گەل لە ڕەحا کۆبووەوە، لە میانی دیدارەکەدا عەبدوڵا ئۆجەلان سەرنجی بۆ گۆشەگیریی بەردەوام و ئەم پەیامە ڕاکێشاوە "ئەگەر هەلومەرج دروست بکرێت، دەسەڵاتی تیۆری و کردەییم هەیە بۆ گواستنەوەی ئەم پرۆسەیە لە شەڕ و توندوتیژیەوە بۆ زەمینەیەکی یاسایی و سیاسی"، بەیاننامەی پشتیوانی لە پەیامی ڕێبەری گەلی کورد لە زۆر لایەنەوە پێشکەش کرا،  یەکەم پشتگیری لەلایەن دایکانی ئاشتیەوە بوو.

 

ئەندامانی ئەنجومەنی دایکانی ئاشتی کە خەبات بۆ ئاشتییەکی کۆمەڵایەتی هەمیشەیی دەکەن، تیشکیان خستەسەر هێرشەکانی سەر باکوور و ڕۆژهەڵاتی سووریاو ڕایانگەیاند، سیاسەتمەداران لێرە دەڵێن ئاشتی، بەڵام بۆمب بەسەر ڕۆژئاوا دەڕێژن، ئەمە ئاشتی نییە. ئەو کەسانەی ئاشتییان دەوێت نابێت دووڕوو بن، پێویستە دڵسۆز بن.

"پێویستە ئاشتی لەسەر بنەما و مەرجێکی تەندروستتر بونیاد بنرێت"

مەریەم توران، دایکی ئاشتی ڕایگەیاند پێویستە بە زووترین کات ئاشتی کۆمەڵایەتی بەدی بهێندرێت، خواستیان وەستاندنی خوێنڕشتن و دامەزراندنی ئاشتییەکی شکۆمەندانەیە، پرۆسەیەکی وەک پرۆسەی چارەسەری پێشوو لەلایەن گەلەوە قبوڵ نییە و نە لەلایەن ئەوانەوە قبوڵکراوە و وتی: ساڵانێکە ئارەزووی ئێمە ئاشتییە، دوای ٤٣ مانگ عومەر ئۆجالان چاوی بە بەرێز ئۆجالان کەوت، لەم دیدارەدا پەیامی کراوەیی و دیالۆگ درا، وەک دایکانی ئاشتی دەمانەوێت بە هەنگاوی کۆنکرێتی بناغەی ئاشتی بونیاد بنێن، با وەک ساڵی ٢٠١٤-٢٠١٥ گەل فریو نەدەن، بە دەستی خۆیان پڕۆسەی چارەسەریان لەناوبرد، دوای ئەوە هیچیان نەکرد، ئێستا باسی ئاشتی و چارەسەری دەکەن، سەرەتا دەمانەوێت ئەم دۆخە تەنها وشەیەک نەبێت، دەمانەوێت چیتر کەس نەمرێت و کۆتایی بەو ئازارانە بهێندرێت و دەرگای زیندانەکان بکرێتەوە، ئەوانەی دەڵێن ئاشتی ئاگر بوەستێنن، دڵی دایکانمان زۆر سووتاوە، باجێکی زۆرمان دا و چەند ڕۆژێک پێش ئێستا داوای ئارامیان کرد بەهۆی ئێمەوە، لە سلۆپی لێمان درا، سەرەڕای ئەمەش ئێمەی دایکان بەردەوامین لەم خەباتە.

 

"ئەم خاکە زۆرترین پێویستی بە ئارامی هەیە"

مەریەم توران ئاماژەی بەوەشکرد، پێویستە گەلیش خەبات بۆ بەرقەرارکردنی ئاشتی بکات و وتی: نەک تەنها گەلی کورد، بەڵکو گەلی تورکیاش پێویستە هەنگاوێک بنێت و لەم خاڵەدا باسی چارەسەری بکات، با ئاشتی لە شوێنی خۆی و بە کەرامەتەوە جێگیر بێت, هەنگاوی کۆنکرێتی و ئیمان پێویستە، ئەم هەنگاوە نابێت بە وشە بهێڵدرێتەوە، پێویستە پڕۆسەیەکی دروست و متمانەپێکراو پەرەی پێبدرێت، ئەم گەلە و ئەم کۆمەڵگەیە زۆر بێزارن لەم قەیران و ئاژاوەگێڕییە، با هەمووان دەست بخەنە سەر ویژدانی خۆیان و هاوار بکەن بۆ ئاشتی، ئاشتی پیرۆزترین شتە لەسەر ئەم خاکە، ئێمە شەڕمان ناوێت، ئاشتیمان دەوێت، ئەم خاکە زۆرترین پێویستی بە ئارامی هەیە.

"با پێشێلکارییەکان لە زیندانەکاندا کۆتایی پێبێت"

تورکان دومان، دایکی ئاشتی باسی لەوەکرد ئەوانەی باس لە ئاشتی دەکەن پێویستە تاوانی جەنگ و پێشێلکردنی مافەکان لاببەن، پێویستە گۆشەگیری هەڵبگیرێت، زیندانەکان بەتاڵ بکرێنەوە و دوای کۆتاییهاتنی نایاسایی باس لە ئاشتی بکرێت، وتیشی: باخچەلی دەڵێت ئاشتی، بەڵام ئەم پڕۆسەیە تەنها لەسەر ئەو نییە، گەورەترین دوژمنی کورد خۆیەتی، ئێمە متمانەمان بە کەس نییە، لەم پرۆسەیەدا پێویستە خەڵک متمانەی بە گەلەکەی هەبێت، تا کەی شەڕ بەردەوام دەبێت، تا کەی ئەم خوێنە دەڕژێت؟ ئێمە ئەمەمان ناوێت، ئاشتیمان دەوێت. تا کەی ژن و گەنج لەم شەقامانەدا دەکوژرێن؟ ئێمە متمانەمان بە ئەردۆغان و باخچەلی نییە، بەڵام پێویستە لە هەموو بوارێکدا باسی ئاشتی بکرێت، ئەوانەی دەڵێن ئاشتی پێویستە سەرەتا کۆتایی بەم پێشێلکاریانە بهێنن، ئەم بێ یاساییە ڕابگرن، دوای ڕاگەیاندنی ئاگربەست هەنگاوی کۆنکرێتی بنێن، لە دەرەوەی ئەو ئارامی نییە، ئەمەیە کە ئەم کەسانە دوای ئازارێکی زۆر دەیانەوێت، ئێمە پرۆسەیەکی سەلامەت و متمانەپێکراومان دەوێت، تا هەنگاوێکی کۆنکرێتی نەنرێت، نابێت متمانە بە کەس بکەین.

 

"وتیان ئاشتی بۆمبیان لەسەر ڕۆژئاوا باراند"

تورکان دومان داوای کۆتایی هێنان بە هێرشەکانی سەر باکوور و ڕۆژهەڵاتی سووریای کردو وتی: سەرەتا پێویستە کۆمەڵگە باسی ئاشتی بکات، نەک ئەردۆغان و باخچەلی، سەرەتا پێویستە خەڵک باسی ئەم پرۆسەیە بکەن و هەڵسەنگاندنی بۆ بکەن، سیاسەتمەداران لێرە دەڵێن ئاشتی بەڵام لە ڕۆژئاوا بۆمب دەخەنە خوارەوە، ئەوەی ئەوان دەیکەن ئاشتیانە نییە، ئەوانەی ئاشتییان دەوێت نابێت دووڕوو بن، پێویستە گەل خەبات بۆ ئاشتییەکی شکۆمەندانە بکات، با دایکی گەریلا و سەربازەکان نەگرین، ئەم ئازارە کە لە دڵی دایکاندایە، تەنها ئارامی بۆی باش دەبێت، ئەمەیە کە ئێمە وەک دایکان دەمانەوێت.