ناوەندی هەواڵ

 

ساڵی ڕابردوو ئەو کوردانەی کە لە ئاهەنگێکی هاوسەرگیریدا بە گۆرانی کوردی ئاهەنگیان گێڕاوە و هەڵپەڕکێیان کردبوو، لە تۆڕە کۆمەڵایەتیەکاندا گرتە ڤیدیۆکانیان بڵاوببووە ڕووبەڕووی سیاسەتێکی ڕەگەزپەرستانە بوونەوە و بە دەیان کەس لە کوردستان و تورکیا دەستگیرکران، لەوانەش پێنج کەسیان کە دوانیان منداڵن سزای زیندانی کردنیان بەسەردا سەپێندرا.

 

لە شاری سێرت، دوو منداڵ دوای ئەوەی ماوەی مانگێک بە تاوانی ئاهەنگێران دەستبەسەر کرابوون، دواترسزای ٦مانگ و ٢٠ڕۆژ زیندانییان بەسەردا سەپێندرا، هەروەها سێ ژنی گەنجیش بەهۆی ئاهەنگگێڕان وهەڵپەڕكێی کوردییەوە سزای ١٠ مانگ زیندانییان بۆ بڕایەوە.

 

لەئەنجامی بڵاوبوونەوەی پەیامی جیاواز لەلایەن هەژماری ڕەگەزپەرست و سەربازییەکانەوە، بە دەیان کەس لە کوردستان و تورکیا بەهۆی سەماکردن و هەڵپەڕکێ بە گۆرانی کوردییەوە لە ئاهەنگەکانی هاوسەرگیریدا دەستگیرکران و ژماری دەستگیرکردن و زیندانی کردنەکان ڕۆژ بە ڕۆژ زیادی کرد.

 

هەر ساڵی ڕابردوو لە ئاهەنگێکی هاوسەرگیریدا لە ناوچەی کۆرتالانی سێرت، دوو کەسی تەمەن ١٧ ساڵ و کەسێکی تەمەن ١٩ ساڵ، کەسێکی تەمەن ٤٢ ساڵ و گەنجێکی تەمەن ٢١ ساڵ لەکاتی سەماکردن بە گۆرانی ‘لێخە گەریلا لێخە’ لە هەژماری تۆڕەکۆمەڵایەتییەکانەوە ڕووبەڕووی هەڕەشە بوونەوە و هێرش کرایە سەر ماڵەکانیان، چوار کەس کە دووانیان منداڵ بوون دەستبەسەر کران.

 

سەبارەت بە بڕیاری دادگا لە ڕاگەیەندراوێکدا ئاماژە بەوەکراوە، سەماکردن ناکەوێتە سنووری ئازادیی ڕادەربڕینەوە.

زانراوە، پارێزەران تانەیان لە بڕیارەکان داوە و دۆسیەکەیان ڕەوانەی دادگای پێداچوونەوە کردووە.