نور مەرسومی

 

بەغدا-ژنانی عێراق خاوەنی چەندین بەهرەن و شارەزان لە پیشە دەستییەکان، کە بۆ پەیداکردنی بژێوی ژیانیان بەکاریدەهێنن، بەڵام ڕووبەڕوویئاڵەنگاری دەبنەوە، لەوانە نەبوونی پشتیوانی ئەخلاقی و دارای لەلایەن حکومەتەوە، بۆیە ژنان بە هەموو توانایانەوە هەوڵدەدەن بۆ گەیشتن بە ئامانجیان پێشکەوتن و گەشەسەندنیانە لەناو کۆمەڵگەی عێراقدا، بە ئامانجی پاڵپشتیکردنی کارە بچووکەکان،ڕۆژی ٢٩ی ئاب، لە پەراوێزی کۆنگرەی "ژن: نیشتمانێک لە دڵی میللەتدا" لە بەغدای پایتەختی عێراق، بازاڕێک کرایەوە، کە ئامانجی چالاکییەکە بریتی بوو لە بەرزکردنەوەی ئابووری و هاندانی خاوەن کارە بچووکەکان و بتوانن بەرهەمەکانیان پیشان بدەن، وەکو کاری دەستی و خواردنی ماڵەوە و بەرهەمە هونەریەکان، هەروەها لە بازاڕەکەدا ژنانی ناوچە جیاوازەکان کۆبوونەوە.

 

شەیما رەواف، بەشداربوو جەختی لەوە کردەوە: کە کۆنگرەی "ژن: نیشتمانێک لە دڵی میللەتدا" هەوڵیاندا پشتیوانی ژنان و کارە بچووکەکان بکەن و هانی داین بۆ ئەوەی بەردەوام پەرە بە خۆمان بدەین، ئەمە هەنگاوێکی گرنگە بەرەو بەهێزکردنی ژنان لە عێراق و ڕۆڵیان لە کۆمەڵگەدا، سەرەڕای ئەم پاڵپشتییە پەرەسەندوە، ئێمە وەک خاوەن پڕۆژەکانی کاری دەستی، هێشتا ڕووبەڕوویئاڵەنگری دەبینەوە، دیارترینیان نەبوونی شوێنی گونجاو بۆ نمایشکردنی کارەکانمانە، کارەکنمان لەسەر بنەمای کاری دەستییە، و نیگارکێشان لەسەر شال و شووشە لەخۆدەگرێت، ڕۆژانە هەوڵدەدەین بۆ دروستکردنی دیزاینی نوێ کە لەگەڵ خواست و پێداویستی کڕیارەکانماندا بگونجێت، بەتایبەتی ئەو کارانەی پەیوەندییان بە چاوی خراپەوە (چاوەزار) هەیە، کە خواستێکی زۆریان لەسەرە، ئێمە پێمان وایە ژنانی عێراقی توانای داهێنان و گەشەپێدانیان هەیە، هیوادارین ئەم دەستپێشخەرییانە بەردەوام بن لە پێشکەشکردنی پاڵپشتی ڕاستەقینە لە ڕێگەی یارمەتییە داراییەکان، شوێنی نمایشکردنی گونجاو، و هەلی بازاڕکردن کە هاوکارمان بن بۆ بەردەوامبوون و گەشەکردن.

 

فاتمە عەزاری، فەرمانبەر لە وەزارەتی خوێندنی باڵا و توێژینەوەی زانستی و خاوەنی ماڵپەری خورمای بەلەح، وتی: کار دەکەم بۆ دابینکردنی خورما بە جۆرە جیاوازەکان لە تام و شێوەی هونەری، بۆ ئەوەی لەگەڵ ئارەزووی کڕیاران بگونجێت، کۆمەڵێک بەرهەمی هەمەچەشنمان هەیە، وەکو خورمای هەنگوین، خورمای وردکراوی کوالێتی بەرز، و جۆرەها بەرهەمی دیکە، هەروەها ١٠٠% هەنگوینی سروشتی، وەک کاری بچووک، ئێمە ڕووبەڕووی ئاڵەنگاری دەبینەوە کە پێویستمان بە پشتگیری ڕاستەقینە هەیە، وەک بەدەستهێنانی قەرز و دابینکردنی شوێنی گونجاو بۆ نمایشکردنی بەرهەمەکانمان.

 

مەیسون جەبار حەسون، دیزاینەری جلوبەرگ، باسی لە کارەکانی کرد لە دروستکردنی بیشتات "عەبا" و جانتای دەستی و ئیکسسوارات بە دیزاینەکانی بەغدا، وتی: وەک دیزاینەرێک، ڕووبەڕوویئاڵەنگاری دەبمەوە لە دۆزینەوەی شوێن بۆ نمایشکردنی دیزاینەکانمان، چونکە گرانن، بۆیە بە دوای پێشانگە و بازاڕدا دەگەڕێم، بەو پێیەی گونجاون، لە کارەکانمدا هەمیشە بەدوای میراسی دێرینی بەغدا و جێبەجێکردنی کوالێتی بەرزدا دەگەڕێم، دیزاینی بیشتات دروست دەکەم کە نەخشەی عێراق و شانشینی هاشمی عێراقی و جل و بەرگی کوردی نیشان دەدات.

 

عەلا عەلا، خاوەنی مەڵپەری بەهاراتەکانی نەعنە وتی: پڕۆژەکەم لەسەر بنەمای دەستکردی بەهارات و تامەکانە، خۆم پێکهاتەکان وشک دەکەمەوە و وردیان دەکەم و تێکەڵیان دەکەم، ئەمەش سیمایەکی ناوازە و کوالێتی بەرز بە بەرهەمەکان دەبەخشێت، هەندێک بەهارات هاوردە دەکەم کە بەزەحمەت لە ناوخۆی عێراقەوە سەرچاوەی هەیە، بۆ دڵنیابوون لە جۆراوجۆری و کوالیتی تامەکان، هەروەها تامێک دروست دەکەم کە نەریتی نییە، وەک خوێی تامدار کە لە کوڵاندنی مریشکدا بەکاردەهێنرێت، سەرەڕای خوێ و ئاوی تایبەت بۆ گۆشت و مریشک، هەروەها دۆشاوی سروشتی کە لە ئامادەکردنی خواردندا بەکار دەهێنرێت.

 

جەختیشی لەوەکردەوە، کە ئەم پڕۆژەیە تەنها کارێک نییە، بەڵکو ڕێگایەکە بۆ پشتگیریکردنی خۆم و خێزانەکەم و پێشکەشکردنی بەرهەمێکی ناوخۆی ناوازە کە کێبڕکێ لە بازاڕدا دەکات، بۆیە دابینکردنی یارمەتی دارای بۆ هاوکاریکردنمان لە پڕۆژەکانماندا و دابینکردنی ژینگەیەکی گونجاوی بازاڕکردن وامان لێدەکات بەردەوام بین و داهێنان بکەین.

 

دایکی میشکات عەلی، کە توشی نەخۆشی داون بووە، وتی: پێنج ساڵ لەمەوبەر بە ڕێکەوت بەهرەی میشکات عەلی کچەکەم بۆ کاری دەستی دۆزیەوە، لەو ساتەوەختەوە دەستم کرد بە پەرەپێدانی ئەم بەهرەیە لە ناویدا، یارمەتیم دا پەرە بە خۆی و تواناکانی بدات، بەتایبەتی لە بوارەکانی پەروەردە و پەیوەندیکردندا، هەرچەندە دەرفەتی خوێندنی فەرمی نەبوو، بەڵام ئەمئاڵەنگاری ڕێگری لە ئێمە نەکرد، بەڵکو وای لێکردم بە شێوەی ئۆنلاین بەردەوام بم لە خوێندن و فێری تواناکانی پەیوەندیکردنی بکەم، هەروەها هەمیشە دڵنیا بووم لەوەی تا دەتوانم ژینگەی گونجاوی بۆ دابین بکەم و ئەمڕۆ هەست بە شانازییەکی زۆر دەکەم بە کچەکەم و لێهاتویەکانی.