ئالوودەبوون بە تۆڕی کۆمەڵایەتی مەترسی لەسەر ژیانی گەنجان زیاد دەکات
وابەستەبوون بە تۆڕی کۆمەڵایەتییەوە مەترسی تووشبوون بە نەخۆشی "ماسولکەفڕین"ی هەیە، ئەم نەخۆشییەش لەدوای بڵاوبوونەوەی ڤایرۆسی کۆرۆنا ڕێژەکەی بەرز بووەتەوە.
ناوەندی هەواڵ
وابه‌سته‌یی به ئینته‌رنێته‌وه جۆرێكی نوێیه له ئاڵوده‌بوون، به‌تایبه‌تی له ڕێگای به‌كارهێنانی تۆڕە كۆمه‌ڵایه‌تییه‌كانه‌وه، لە ئەمڕۆدا ئینتەرنێت به شێوه‌یه‌كی ڕاده‌به‌ده‌ر به‌كارده‌هێنرێت، کەلە ژیانی ڕۆژانە دادەبڕدرێن و ئامێرە تەکنەلۆژییەکانی وەک كۆمپیوته‌ر و مۆبایل له خێزان گرنگتر دەبێت، ئەم دۆخە بەکارهێنەرانی تووشی خەمۆکی و نامۆبوون دەکات.
ئەم وابەستەبوونە بووەتە کێشه‌یه‌كی جیهانی و لەلایه‌ن پسپۆڕانەوە لێکۆڵینەوەی لەسەر دەکرێت، چونکە لە زۆرێك وڵاتانی جیهاندا، وه‌كو چین، كوریا و وڵاتانی ئەوروپا وابەستەبوون بە ئینتەرنێتەوە وه‌كو نه‌خۆشی مه‌ترسیدار بەناو ده‌كه‌ن و بەدوای چارەسەریدا دەگەڕێن.
پسپۆڕانی بواری ته‌ندروستی، ئاماژه به ڕۆڵی نه‌رینی ماڵپه‌ره كۆمه‌ڵایه‌تییه‌كان ده‌كه‌ن و كاریگه‌رییەکانی لەسه‌ر دۆخی دە‌روونی تاک و به تایبه‌تی ژنانی گه‌نج دەکەن.
بەپێی ڕاپۆرتێکی ڕۆژنامه‌ی به‌ناوبانگی ئه‌مریكی، واڵستریت جۆرناڵ، ڕێژه‌یه‌كی زۆر له ژنانی گەنج توشی نەخۆشی "ماسولكه‌فڕین" ده‌بنه‌وه و حاڵه‌تی هستریا ده‌یانگرێت، ڕاپۆرته‌كه ئاماژه بەوەدەدات که ژماره‌یه‌كی زۆری حاڵه‌ت له سه‌رانسه‌ری جیهان تۆماركراوه، به‌تایبه‌تی لەناو ژنانی گەنجی خوار ١٨ ساڵ، حاڵەتەکەش پێی دەوترێت "توریت سیندڕوم".
به‌پێی لێكۆڵینه‌وەکانی وڵاتی ئەمریکا، كه‌نه‌دا و ئه‌وروپا، خاڵی هاوبه‌ش له نێوان هه‌موو حاڵه‌ته‌كانی ئه‌م نه‌خۆشییه ماڵپەڕی كۆمه‌ڵایەتی "تیك تۆك"ه، ده‌ستنیشان کراوە كه زۆربه‌ی ئه‌و كه‌سانەی تووشی نه‌خۆشی ماسولكه‌فڕین بوونه‌ته‌وه ڕۆژانه بەبێ ناوبه‌ر ماڵپەڕی تیك تۆكیان به‌كارهێناوە.
ڕاپۆرتەكان ئاماژه بەوەدەکەن، گرنگە لە جیهاندا لەگەڵ ڕووبەڕوو بوونەوەی پەتای کۆرۆنا، گرنگییه‌كی زۆر به مه‌ترسییه‌كانی ماسولکەفڕین بدرێت، چونکە حاڵەتەکانی ئەم نەخۆشییە ٪٢ بوو پێش بڵاوبوونەوەی کۆرۆنا، لە ئێستاشدا ڕێژەکە گەشتووەتە ٪٢٠.
ت.پ