rojane

14:49

Şandeya ji bakurê Kurdistanê ku berê xwe da Rojava, gihişt Herêma Federe ya Kurdistanê û ji wir derbasî Deriyê Sînor ê Sêmalkayê bû.

14:36

Hate ragihandin ku çeteyên rêveberiya demkî êrîşê gundê Hemdûn ê başûrê bajarê Kobanê kirin û di encama êrîşê de jinek sivîl jiyana xwe ji dest da û sivîlek jî birîndar bû.

14:25

Şervanên YPJ'ê yên li Hesekê li eniya şer in, bi daxuyaniyekê diyar kirin ku têkoşîn ji bo gel û welat e û banga seferberiya giştî kirin.

14:14

Şandeya DEM Partî û DBP’ê ku dixwaze derbasî Bakur û Rojhilatê Sûriyeyê ya di bin êrîşên HTŞ, DAIŞ û komên girêdayî dewleta Tirk de bibe, gihîşt başûrê Kurdistanê.

14:03

MKG û DFG'ê têkildarî êrîşên li ser Rojavayê Kurdistanê diyar kirin ku tiştê li Rojava diqewime ne tenê pevçûnek navxweyî ya herêmî ye; her wiha krîzek hebûnî ya giran e ku di derbarê hiqûqa navneteweyî, mafên mirovan û wijdanê hevpar ê mirovahiyê de ye.

13:46

Êrîşên HTŞ û DAIŞ’ê li dijî Rojavayê Kurdistanê didomin. Çeteyên HTŞ’ê û DAIŞ’ê êrîşî gundê Ebyad Basil ê li ser rêya Hesekê, Sirinê kir, Şervanên QSD’ê û YPJ’ê bersiv dan êrîşan.

13:31

Çeteyên HTŞ’ê piştî ku ketin bajarê Şedadê, bêrêzî li dijî gorên pakrewanên YPJ, YPG û QSD’ê kirin û gor xirab kirin.

13:19

Partiyên Çep ên Elmanya û Yewnanistanê, li dijî êrîşên çeteyên HTŞ’ê û DAIŞ’ê yên li ser Bakur û Rohilatê Sûriyeyê ku desteka xwe ji Tirkiyeyê digrin bang kirin û xwestin civaka navneteweyî û hikumet bi lezgînî bikevin tevgerê.

12:27

Li Emrîkayê 11 saziyên Kurdan û endama Meclîsa Şaredariya Bllevue ya Eyaleta Washingtonê Narîn Biryar, li dijî êrîşên ser Rojava banga berpirsyariyê li Kongreya DYE’yê kir.

12:20

Bi dehan jinên ciwan ên Partiya Yekitiya Demokratîk (PYD), bi daxuyaniyekê tevlî seferberiyê bûn û diyar kirin ku "parastina Kobanê û Bakur û Rojhilatê Sûriyeyê parastina rûmeta mirovahiyê, nirxên azadiyê û projeya jiyana hevbeş e."

12:10

Xwepêşandanên gel li Îranê di roja xwe ya 25’an deye û ev zêdeyî du hefteye înternet hatiye qutkirin, agahiyên ji qadê tên nîşan dide ku zexta rejîma Îranê ya rêxistinkirî gihaye qonaxek nû û krîza mirovî kûr bûye.

12:06

Mamosteyên Saziya Ziman û Perwerdeya Şengalê îro li Medreseya Sor daxuyaniyek dan û gotin ku bila cîhan li dijî vê komkujiyê bêdeng nemîne.

11:48

Şandeya ku ji DEM Partî, DBP û nûnerên rêxistinên civakî pêk tê, ji bo derbasî Rojavayê Kurdistanê bibe, gihîşt Silopyayê.

11:38

Heyva Sor a Kurdistanê ku kampanyaya alîkariyê ya Rojava dimeşîne, banga alîkariyê kir û got: “Ji bîr nekin, her bexşek ku îro tê kirin dikare jiyanek li Rojava rizgar bike. Her bexşek dê ji bo deh hezaran zarokan bibe çavkaniya hêviyê.

11:25

Nakokiya li Sûdanê, li herêma Kordofanê dibe sedema koçberiya sivîlan û krîzeke mirovî ya kûrtir. Rêxistina Navneteweyî ya Koçberiyê ragihand ku 430 sivîlên din di 18-19’ê Çileyê de neçar man ku ji malên xwe birevin.

10:44

Çalakvana Mexrîbî Zahour El Ouardî banga daxwaza mudaxeleya bilez a navneteweyî kir da ku binpêkirinên li Bakur û Rojhilatê Sûriyeyê rawestînin, sivîlan biparêzin û ji berpirsyarên sûcan hesab bipirsin.

10:21

Di çarçoveya banga seferberiya giştî de karwanê sêyem yê gel ji Silêmaniyê ber bi Rojavayê Kurdistanê ve ji Silêmaniyê ber bi Rojavayê Kurdistanê ve bi rêket.

10:12

Ji bakurê Kurdistanê heta Kobanê, ji Rojava heta sînorên başûrê Kurdistanê, gelê Kurd di kêliyên dîrokî û çarenûsî de digihîjin hev. Seferberiya jinan û gel, nîşan dide ku ew ji fedakariyê re amade ne û hêza îradeya gel a li dijî êrîşan xwe dide der.

09:28

Çeteyên rêveberiya demkî yên ku dewleta Tirk piştgiriya wan dike, 4 caran agirbest binpê kirin.

09:03

Bi vekişîna QSD'ê ya ji Kampa Holê re, herêma ku bi deh hezaran endamên DAIŞê lê ne, bê kontrol ma. Bêxemiya civaka navneteweyî xetera li vê navenda ku îdeolojiya DAIŞ'ê lê tê hilberandin, zêdetir kiriye. Êdî dem ji bo tevahî cîhanê krîtîk e.