rojane

13:32

Her çend sedema binçavkirina aktivîst Leyla Caferlu û rewşa wê ya tenduristiyê, cihê ku ew lê tê girtin nehatiye eşkerekirin jî, malbat û rêxistinên mafên mirovan diyar dikin ku ev nezelalî fikaran zêde dike.

12:46

Ji aliyê Tora Rojnamevanên Jin ên Mexrîbê (Hun) ve panelek li Tûnisê hate li darxistin. Di panelê de bal kişandin ser zoriyên pîşeyî û astengiyên pergalî yên jinên rojnamevan rastî tên. Diyar kirin ku jinên rojnamevan li qadê rastî astengiyên cidî tên.

11:53

Seroka Rêxistina PASS û çalakvana Yemenî Behiya El Seqaf bi riya peyamekê piştgiriya xwe bi YPJ’ê re ragihand. Behiya di peyama xwe de dibêje: ““Pirsgirêkên jinan nayên parçekirin û ne girêdayî sînorên erdnîgarî an girêdayîbûnên neteweyî an olî ne."

11:30

Li navçeya Siyadakê ya Zahedanê, bi riya boriyan nebûna avê û bihabûna tankera avê jiyana mirovan felç dike, di heman demê de jin û zarok neçar in ku barê giran ê kêmbûna avê hilgirin.

11:19

Li Efganistanê tundiya dijî jinan gelek zêde bûye, aktivîst Fewziya Riza dibêje: “Her sibeh em bi nûçeyek ku jin di qada giştî de hatiye qamçî kirin, an jî kuştin dest bi rojê dikin.” Da zanîn ku bê cezahiştin û zext vê tabloyê kûr dike.

10:18

Aktîvîstên jin ên Iraqî piştgiriya xwe bi Yekineyên Parastina Jin (YPJ) ê re ragihandin û diyar kirin ku divê li ser prensîbên edalet û wekheviyê, di destûra Suriyeyê de rol û mîsyona YPJ’ê were nasîn.

08:33

Jinên ji bajarê Kobanê bertekên tuj li hember hikûmeta demkî ya Suriyeyê raber kirin û gotin: “Ji bo ku em xeyalên xwe yên jiyana bi zimanê Kurdî pêk bînin, emê serî li hemberê qirkirina zimanê dayikê netewînin.”

08:00

Yusra Elîas a ku ji sala 1989’an heta niha di nav xebatên tevgera azadiya Kurd de ye, got ku “Em dixwazin gavên cidî û qanûnî ji bo pêkanîna mafê hêviyê ji bo Rêber Ocalan bê avêtin.”

16:39

Li gorî rapora NetBlock, qutbûnên înternetê ya li Îranê didome û ket roja xwe ya 69’an. Qutbûna înternetê ji pirsgirêkek teknîkî zêdetir îşaret bi krîzek cidî ya aborî dike.

15:58

Hevseroka Giştî ya partiya DEM'ê Tulay Hatimogullari li ber Girtîgeha Wanê axivî û got: “Di ‘Pêvajoya Aştî û Civaka Demokratîk’ de gava herî girîng betalkirina qeyûman û vegerandina kesên bijartî ye.”

15:37

Meclîsa Dayîkên Aştiyê ya Bakûrê Kurdistanê, destek da Dayîkên Aştiyê yên Rojhilat ku bi daxuyaniyek bang li rejîma Îranê kirin ku darvekirinan rawestîne. Dayîkan got “Tu dayîk zarokên xwe ji bo mirinê mezin nake.”

13:48

Tevgereke jinan a li Efganistanê li dijî zêdebûna kuştinên jinan hişyariyê dide û ji ber zêdebûna tundiyê, Talîbanê berpirsyar dibîne.

13:04

Seroka Komeleya Bijîşkî ya Cîhanî (WMA) Dr. Jacqueline Kitolo diyar kir ku derbarê rewşa tenduristiya Nêrgiz Mihemedî bi fikarin û bang li rayedarên Îranê kir ku demildest dermankirina bijîşkî ya guncaw ji bo Nêrgiz Mihemedî dabîn bikin.

11:51

MKG’ê diyar kir ku di meha Nîsanê de herî kêm 34 rojnameger tên darizandin, li 2 rojnamegeran bi giştî 7 sal û 6 meh cezayê girtîgehê hatine birîn, sansurê dijîtal zêde bûye, 16 platform hate astengkirin û 5 rojnameger hêja girtîne.

11:16

Xwendekarên pêşdibistanên wargeha penaberan a Mexmûrê, îro bi kelecanek mezin karnameyên xwe girtin û baxçeyên dibistanên xwe bi cilên xwe yên gelêrî xemilandin.

10:47

Li gor raporên nû yên ji Zîndana Evînê, piştî şerê dawî sînorkirin zêde bûne, bi girtiyan re hevdîtinên rû bi rû nayên kirin, di pêvajoyên berdana bi şert de astengî hene û zextên aborî û ewlehiyê li ser girtiyan zêde bûne.

10:39

Amadekariyên 1’emîn Mihrîcana Giyayê Biharê û Xwarinên Kurdewarî ya Binarê Qendîlê temam bûne. Biryare îro bi beşdariya girseyî ya xelkê, hunermend, çalakvanan destpê bike û heta 9’ê mehê bidome.

10:30

Çavdêra Jîngehê Perwaz Muhsîn dibêje: “Divê ewlehiya karker û xwediyên karan bê pêkanîn. Her wiha avakirina jîngehê tenê bi karê parastin û kel û pelan nabe. Pêwîstî bi çanda rêzgirtina zagon û hevkariya di nava karmendan de heye.”

09:15

Li Bedlîsê xwendekarek jin a zanîngehê, rastî şantaja dîmenên ku bi hişê çêkirî hatine çêkirin hat. Serî li qereqolê da, lê belê giliyê wê hat piştguhkirin û berovajî wê, jê re gotin “wêne parve neke, li dersên xwe binhêre.”

08:00

Jinên Ereb yên bajarê Til Temir û Çiyayê Kizwanan gotin ku YPJ artêşek jinan a wek yekem mînaka balkêş a di dîroka Sûriyeyê de ye û naskirina hêza wê ji aliyê hikûmeta demkî ve, gavek e sûdmend e.