rojane

16:48

DFG û MKG’ê binçavkirina rojnamegerên çalakî dişopandin şermezar kir û xwest zext û sansûra li ser rojnamegeran were bidawîkirin.

16:37

Konseya Koordînasyonê ya Sendîkayên Mamosteyên Îranê, navên 20 zarokên ku di xwepêşandanên seranserî yên Kanûn û Çileyê de hatine kuştin, di lîsteyekê de eşkere kir û diyar kir ku belgekirina qurbaniyên zarok dê berdewam bike.

15:19

Neteweyên Yekbûyî, der barê zêdebûna xetereyên ku jin û zarokên keç ên li Xezayê û Şerîaya Rojava pê re rû bi rû dimînin û koçberiya berfireh a domdar a li Sûriyeyê de hişyarî kir.

14:43

Li Ewropayê zêdetirî 70 rêxistin û saziyan, li dijî êrîşên li ser Rojavayê Kurdistanê banga hevgirtinê kirin û gotin: “Werin em dengê xwe li dijî van êrîşên qirêj bilind bikin.

14:25

Rêxistinên jinan ên li Latîn Amerîkayê (Abya Yala), li dijî êrîşên li ser Rojavayê Kurdistanê banga hevgirtina navneteweyî kirin.

13:24

Fermandara YPJê Rohilat Efrîn, ji bo meşa ku li Ewropayê bê lidarxistin bang kir û got:"Divê jin û ciwanên Kurd hemû bibin yek. Bi îradeya xwe berê xwe bidin Rojava. Roj roja xwedîderketina li rûmet, azadî û xakê ye."

12:31

Di demekê de ku rejîma Îranê hewl dide bi sînordarkirina giran a gihîştina agahdariyê, asta tepeserkirinê veşêre, rapor nîşan didin ku bi hezaran xwepêşanderên girtî rastî îşkenceyê, îtîrafên bi zorê, darizandinê tên û bi xeteriya darvekirinê rû bi rû ne.

12:10

Herêma Rojava ango Bakur Rojhilatê Sûriyeyê ku bi rêveberiya xweser û tecrubeya hevgirtina neteweyî-olî bûye model; îro bûye herêma şer, bi mudaxeleyên derve û kûrewî re di bin zexta bêdengiya cîhanî de ye.

11:06

Rojnamevana Iraqî Afrah Şewkî, diyar kir ku piştgirî dide berxwedana jinên li Rojavayê Kurdistanê û bêdengiya civaka navneteweyî ya li dijî binpêkirinên şermezar kir.

10:45

Hûsiyan, anketek îdeolojîk li dibistanên dewletê û taybet ên li deverên di bin kontrola xwe de belav kir û mamosteyan bi tevahî ji pêvajoya perwerdehiyê dûr, bi pirsên bi naveroka siyasî û mezhebî hedef girt.

09:59

EŞÎK’ê banga rawestandina êrîşên li ser Rojava kir û got “Li dijî vê sûcê li dijî mirovahiyê, em ê wekî têkoşînek ku sînoran nas nake, hevgirtina xwe bi jinan re berfireh bikin.”

09:03

Têkoşîna li rojhilat û rojavayê Firatê ne tenê têkoşîna QSD’ê, têkoşîna her mirovek azad e ku tundrewî û terorîzmê red dike. Ev têkoşînek ji bo hebûna mirovahiyê û ji bo aramiya herêmî û navneteweyî ye.

08:56

Jinên Suweydayî diyar kirin ku ew li dijî êrîşên li ser Bakur Rojhilatê Sûriyeyê destekê didin jinên Kurd û wiha gotin: “Em cesaret û rola jinên Kurd teqdîr dikin, diyar dikin ku em bi wan re ne, em yek in, ew in, ew jî em in.”

08:05

Li gundê Seweysî yê li ser Binarê Qendîlê, di civînek de hat destnîşankirin ku gelê Kurd ji bilî îradeya xwe û çiyayên xwe ji tu hêzek alîkariyê hêvî nake û hat diyarkirin ku ew ê bi bedêla canê xwe destkeftiyên li Rojava biparêzin.

08:00

Li gorî rapora dawî ya Sendîkaya Rojnamevanên Sûdanî, di sala 2025’an de 14 rojnamevan û xebatkarên medyayê hatin qetilkirin û li welat bi dehan binpêkirin mîna windakirinên bi zorê, girtin, gef û kampanyayên reşkirinê yên li dijî rojnamevanên jin pêkhat.

07:33

Şêniyên wargeha penaberan a Mexmûrê ji bo piştgirîdayîna berxwedana gelê Rojavayê Kurdistanê çalakiyên xwe yên 24 saetî bê navber didomînin.

07:19

Seroka Federasyona Elewî Bektaşî ya Avustralyayê Suzan Saka, di axaftina xwe de ji rayedarên dewletê û rêxistinên civaka sivîl ên navneteweyî xwest ku "zilm tavilê were rawestandin û kujer li ber raya giştî werin darizandin."

07:15

Neslîxan Hisên a ku çend sal in hîcabê li xwe kiriye, piştî ku dibîne çeteyên HTŞ’ê keziya şervaneke YPJ’ê birîne, biryar dide hîcaba xwe bavêje. Neslîxan got: “Keziyên me wan dixeniqînin.”

20:17

Bi deh hezaran kesên ku êrîşên li ser Rojava şermezar dikin, tevî gaza rondikrêj a polîsan û guleyên plastîk jî hewl didin xwe bigihîjînin sînorê Kobanê. Tevahiya navçeyê, veguherî qada berxwedanê.

20:11

QSD’ê, ragihand ku tevî agirbestê jî çeteyên rêveberiya demkî ya Sûriyeyê êrîşên xwe li dijî gundewarên Kobanê, girtîgeha Eqtan a Reqayê û Hesekê berdewam dikin û got: “Duh jî wan koman 22 car agirbest binpê kirin.”