حەلەب 

 

تەڤگەری هیلالی زێڕین لە شاری حەلەبی سووریا ڤیدیۆ کلیپێکی بە ناوی "شێخ مەقسود قەڵای بەرخۆدان" بڵاوکردەوە. لە گرتە ڤیدیۆییەکەدا بەرخۆدان و ئیرادەی دانیشتووان بۆ دەستگرتن بە گەڕەکی شێخ مەقسود و ئەشرەفیە نیشان دراوە.

 

تەنها چەند ڕۆژێک دوای تۆمارکردن، تەڤگەری هیلالی زێڕین لە شاری حەلەب دوێنێ ٢٥ی تشرینی یەکەم کلیپێکی ڤیدیۆیی بڵاوکردەوە کە تێیدا بەرخۆدانی جەماوەری گەڕەکی ئەشرەفییە و شێخ مەقسود نیشان دەدات، گۆرانییەکە کلیپی بەڵگەنامەکردنی بەرخۆدانی دانیشتووان لە قۆناغە جیاوازەکانی گەمارۆدان و هێرشەکانی سەر گەڕەکەکان لەخۆدەگرێت، بەتایبەتی ئەو ناڕەزایەتیانەی کە لە ٦ی تشرینی یەکەمدا سەریان هەڵدا.

 

ڤیدیۆکە لە ناوچەی گۆڕستانی ڕۆژهەڵاتی گەڕەکی شێخ مەقسود لە شاری حەلەب تۆمارکراوە. گۆرانییەکە لەلایەن تەڤگەری هیلالی زێڕین بە هاوکاری ناوەندی شەهید جەمیل هۆرۆ بۆ کولتوور هونەر بەرهەم هێنراوە. نزیکەی ٧٠ ژن بەشدارییان لە ڤیدیۆکەدا کردووە، کە ڕۆڵی سەرەکی و کاریگەرانەی ژنان لە شەڕ و قەیرانەکاندا بەڵگەدار کردووە. ئامانجی ئەم گرتە ڤیدیۆییە بەستنەوەی خەباتی چەکداری گەلە بە بەڵگەنامەی بینراوی ڕووداو و پێشهاتەکان.

 

گۆرانییەکە بەرجەستەی ڕۆحی بەرخۆدان و ئیرادەی دانیشتووانە لە بەرامبەر هەموو جۆرە شەڕ و قەیرانێکدا. لە گرتە ڤیدیۆییەکەدا بەشێک لە ناڕەزایەتییەکانی ئەم دواییەی دوای داخستنی سەرجەم ئەو دەروازانەی کە دەچنە ئەو دوو گەڕەکە لەلایەن حکومەتی کاتی سووریا و سەپاندنی گەمارۆی هەمەلایەنە و ڕێگریکردن لە هاتووچۆی خەڵک و کاڵاکان بۆ چوونە ژوورەوە و هاتوون.

 

شایەنی باسە تێکست و مۆسیقای گۆرانییەکە لەلایەن سۆزان بیلال، ئەندامی تەڤگەری هیلالی زێڕین نووسراوە. موزیکەکە لەلایەن حیکمەت میلانەوە ئاواز و ڕێکخستنی بۆ کراوە. هیدایەت عوسمان، ئاودیشنی تێکستەکانی کردووە، مۆنتاژ و دەرهێنانیشی لەلایەن شیرین خەلیلەوە بەڕێوەچوو.

 

لە کۆتایی گرتە ڤیدیۆییەکەدا وێنەی شەهیدان "جەجاک عەفرین" و "نووری" نیشان دراوە، کە لە هێرشی چەکداری جیهادییەکانی هەتەشە لە کاتی ناڕەزایەتییەکانی ئەم دواییەدا کوژراون.