شاندی دەم پارتی چوونە ئیمڕالی
پەروین بوڵدان و سڕی سورەیا ئۆندەر، پەرلەمانتارانی دەم پارتی بۆ ئەنجامدانی دیدار لەگەڵ ڕێبەری گەلی کورد، عەبدوڵا ئۆجالان چوونە ئیمڕالی.
ناوەندی هەواڵ
ئەمڕۆ، ٢٨ی کانوونی یەکەم، پەروین بوڵدان و سڕی سورەیا ئۆندەر، پەرلەمانتارانی پارتی دیموکراسی و یەکسانی گەلان-دەم پارتی بۆ دیدار لەگەڵ ڕێبەری گەلی کورد عەبدوڵا ئۆجالان، چوونە دوورگەی ئیمڕالی.
ئەوەش لەكاتێكدایە، دوێنێ ٢٧ی کانوونی یەکەم، وەزارەتی دادی دەوڵەتی تورك ئەنجامدانی دیداری دەم پارتی لەگەڵ ڕێبەر عەبدوڵا ئۆجالان لە ئیمڕالی پەسەند كرد.
جێگای ئاماژەیە، لە ماوەی ٨ ساڵدا لانیکەم ١٤ جار و هەر جارێک بۆ ماوەی ٦ مانگ دیداری پارێزەران لەگەڵ ڕێبەر عەبدوڵا ئۆجالان قەدەغە کراوە.