ناوەندی هەواڵ

 

دادگای تاوانە قورسەکانی چوارەمی ئیزمیر، لەسەر داوای سەرۆکی داواکاری گشتیی ئیزمیر، بڕیاری قەدەغەکردن و کۆکردنەوەی پەرتوکەکانی "کچانی کۆبانێ" و "ڕەنگی مۆری سیاسەتی کوردی" دەرکرد.

 

ئەم دوو پەرتوکە هاوکاتی دەستبەسەرکردنی هاوسەرۆکی پێشووی هەدەپەی ئەزمیر، بێرنا چەلیک، لە ٦ی تشرینی یەکەمی ٢٠٢٣، داواکاری قەدەغەکردنی بۆ دادگای چوارەمی تاوانەکانی ئیزمیر بەرز دەکرێتەوە و دواتر دادگا داوای داواکاری گشتیی قبوڵ کرد و بڕیاری قەدەغەکردنی ئەو بەراوردکردنەی لەسەر هەردوو پەرتوکەکە دانا.

 

ڕۆژنامەنووس و نووسەری ئەمریکی گەیڵ تزێماچ لێمۆن پەرتوکی "کچانی کۆبانێ"ی نووسیوە و باس لە بەرخۆدانی ژنانی کورد لە دژی داعش دەکات.

 

هەروەها سیاسەتمەدار گوڵتان کشاناک پەرتوکەی "ڕەنگی مۆری سیاسەتی کوردی"ی لەسەر ئەو ژنانە نووسیوە کە لە ئەنجامی خەباتی سیاسی کورد دەستبەسەر کراون و باس لە سیاسەت و خەباتی ژنانی سیاسی کورد دەکات لە باکووری کوردستان