ناوەندی هەواڵ

 

کۆنگرەی ستار لەبارەی هێرشی فرۆکە بێفڕۆکەوانەکەی دەوڵەتی داگیرکەری تورك بۆ سەر هاوڵاتییانی مەدەنی و شەهیدبوونی بەڕێوەبەری ئەنجومەنی کۆمەڵەی ژنانی زەنوبیا لە بەنداوی تشرین ڕاگەیەندراوێکی بڵاوکردەوەو تێیدا هاتووە: وەک ژنانی کۆنگرەی ستار ئیدانەی هێرشەکانی دەوڵەتی داگیرکەری تورك بۆ سەر هاوڵاتیانی مەدەنی و شەهید بوونی کەرەم ئەحمەد بەڕێوەبەری ئەنجومەنی کۆمەڵەی ژنانی زەنوبیا دەکەین و وەک سیمبولی خەباتی ژنان دەمێنێتەوە، داوا لە دەزگاکانی مافی مرۆڤ و مرۆیی دەکەین بەرپرسیارێتی خۆیان لە ئەستۆ بگرن و هێرشەکانی تورکیا ڕابگرن.

 

ئاماژە بەوەشکراوە، بە ئامانجگرتنی ژنان لە باکوور و ڕۆژهەڵاتی سووریا لەلایەن دەوڵەتی توركەوە بە زیادبوونی مەترسیدار و پێشێلکردنی بەها مرۆییەکان دادەنرێت،. تاوانی دژ بە مرۆڤایەتی و تاوانێکە دژی بەهاکانی ئازادی کە ژنان نوێنەرایەتی دەکەن و هەروەها هەوڵێکی بێهیوایە بۆ بێدەنگکردنی دەنگی ئەو ژنانەی کە لە پێناو ئایندەیەکی باشتردا تێدەکۆشن.

 

لە ڕاگەیەندراوەکەدا هاتووە: شەهید کەرەم ئەحمەد سەرکردەیەکی دیار بوو لە کۆمەڵەی ژنانی زەنوبیا و بووە سیمبولی تێکۆشان بۆ ئازادی و مافەکانی ژنان و کەسایەتییەکی ئیلهام بەخش کە هەوڵی بنیاتنانی کۆمەڵگایەکی دیموکراتی دەدات کە بەهاکانی دادپەروەری و یەکسانی بەرز بکاتەوە.

 

جەختیان لەوە کردەوە، بێدەنگی نێودەوڵەتی بەرامبەر ئەم پێشێلکاریانە تەنیا یارمەتیدەرە بۆ هاندانی تورکیا بۆ بەرەوپێشبردنی سیاسەتە سەرکوتکەر و تاوانکارییەکانی و هۆشداریشی دا کە بەردەوامبوونیان کاریگەری خراپی لەسەر ئاسایش و سەقامگیری ناوچەکە و جیهان دەبێت.

 

کۆنگرە ستار داوا لە کۆمەڵگەی نێودەوڵەتی و نەتەوە یەکگرتووەکان و رێکخراوەکانی مافی مرۆڤ دەکات بەرپرسیارێتی ئەخلاقی و یاسایی خۆیان لە ئەستۆ بگرن و دەستبەجێ هەڵوێست بدەن بۆ ئیدانە کردنی تاوانەکانی تورکیا دژی ژنان و هاووڵاتیانی مەدەنی لە باکوور و ڕۆژهەڵاتی سوریا و لێکۆڵینەوەیەکی نێودەوڵەتی سەربەخۆ لەو تاوانانە بکەن و بەرپرسیاران بدرێنە دادگا و هەروەها سزای بەربەست بەسەر تورکیادا بسەپێنن بۆ وەستاندنی پێشێلکارییە ئاشکراکانی.