قامیشلۆ

 

لە کۆنگرەیەکی ڕۆژنامەنووسیدا لە ناوەندی لێکۆڵینەوە و ڕاوێژی دیبلۆماسی قامیشلۆ لە باکوور و ڕۆژهەڵاتی سوریا، ٣٤ حزب و لایەنی سیاسی داوای داخستنی ئاسمانی هەرێمەکە دەکەن بە ڕووی فرۆکە جەنگییەکانی دەوڵەتی تورکیادا.

 

حزب و لایەنەکان یاداشتێکیان ئاڕاستەی هاوپەیمانی نێودەوڵەتی و ڕووسیا کرد و ئاماژەیان بەوەدا، جموجوڵە دوژمنکارەکانی دەوڵەتی تورک دژ بە گەلانی باکوور و ڕۆژهەڵاتی سوریا بەردەوامە و ڕۆژانە بۆردوومان و تۆپبارانی ناوچەکان دەکات و خەڵکی مەدەنیی دەکاتە ئامانج، هۆکاری بەردەوامیدانیش بەو هێرشە دڕندانەیە بێدەنگی نەتەوە یەکگرتووەکان و وڵاتانی ناتۆیەوە.

 

ئەو لایەنانە داواشیان لە وڵاتانی ئەندامی هاوپەیمانی نێودەوڵەتی و ڕووسیا کرد، کە ڕێوشوێنی توند بەرامبەر هێرشەکانی تورکیا بۆ سەر باکوور و ڕۆژهەڵاتی سوریا بگرنەبەر و ئاسمانی ناوچەکە بە ڕووی فڕۆکەکانی دەوڵەتی تورکدا دابخەن.