مەغریب، گیان لەدەستدانی کچێک بەهۆی لەباربردنی نهێنی
یاسای مەغریب لەباربردن تاوانبار دەکات کە سزاکەی لە نێوان ٦ مانگ بۆ ٥ ساڵ زیندانی کردنە و سنوردار نییە بە ژنێکی دیاریکراوە بەڵکو سزای هەر کەسێک دەدات کە لەبارچوون ئەنجام بدات
مەغریب
یاسای مەغریب لەباربردنی منداڵ بە تاوان دەزانێت، سزاکەی لە ٦ مانگەوە تا ٥ ساڵ زیندانییە، دەسەپێنرێت بەسەر ئەو ژنەی لەباربردنی کردووە و ئەوەشی ئەمجامی دەدات مەغریب هاوپەیمانی بەهاری کەرامەت گیان لەدەستدانی کچێکی تەمەن ١٤ ساڵانی لە شاری بۆمیا لە پارێزگای میدەلت لە ئەنجامی لەباربردنی نهێنی ڕاگەیاند کە لەلایەن مامانێکەوە لە نەخۆشخانەی ناوچەیی کاردەکات، ئەنجامدراوە، ئەو کارەشی ئیدانە کرد.
لەباربردنی منداڵە ١٤ ساڵانەکە لەماڵی دەستدرێژیکار و لەلایەن مامانێکی پەرستارەوە ئەنجامدراوە و بووەتە هۆی گیان لەدەستدانی منداڵەکە، لە بەیاننامەیەکدا کە لەلایەن هاوپەیمانی بەهاری کەرامەتەوە بڵاوکراوەتەوە، هاتووە، “داکۆکیکارانی مافی ژنانی مەغریب و کۆمەڵەکانی ژنان بەشدارن لە بزووتنەوەی داکۆکیکردن لەسەر چاکسازی یاسادانان".
هاوپەیمانی بەهاری کەرامەت لە ڕێگەی بەیاننامەکەوە ئەم کارە تاوانکارییە و ئەو دوو توندوتیژییەی کە کچەکە تووشی بووە، لە دەستدرێژیکردنەوە سەر و دووگیانبوونی، تا دەگاتە لەباربردنی نایاسایی و گیان لەدەستدانی ئیدانە دەکات و داوای ده‌ركردنی یاسایه‌كیان كردووه كه ژنان له توندوتیژی بپارێزێت و به‌ره‌نگاربوونه‌وه‌ی جیاكاری جه‌نده‌ری بگرێته‌وه، هه‌روه‌ها حكومه‌تی به به‌رپرسیاری توندوتیژی و پەنابردنە بەر لەباربردنی نائاسایی لەقەڵەمدا، هەروەها لە ڕاگەیەندراوەکەدا ئاماژەیان بەوەدا، "پێویستە گۆڕانکارییەکی ڕیشەیی و هەمەلایەنە لە یاسای سزادان لە ڕووی فەلسەفە و پێکهاتە و زمان و پێداویستییەکانییەوە بکرێت، هاوتەریب لەگەڵ دەستووری مەغریب و ڕێککەوتنە نێودەوڵەتییەکان، بۆ سنووردارکردنی دووبارەبوونەوەی کارەساتی منداڵەکە".
جەختیشی لە بە تاوان دانەناندنی لەباربردنی پزیشکی کردەوە، بەڵکو داوایانکرد ڕێکخستنەوە لە چوارچێوەی یاسایەکی تەندروستی گشتیدا بەپێی ئەو پێوەرانەی کە ڕێکخراوی تەندروستی جیهانی داناوە؛ بکرێت، بە ئامانجی کردنە خزمەتێکی گشتی بۆ ئەوەی ژنان سوودی لێ وەربگرن هەرکاتێک دووگیانی مەترسی بۆ سەر تەندروستی جەستەیی، دەروونی، دەروونی یان کۆمەڵایەتییان دروست بکات.
هاوپه‌یمانان له رێگه‌ی راگه‌یه‌ندراوه‌كه‌وه جه‌ختیان له‌سه‌ر هه‌ڵوه‌شاندنه‌وه‌ی به‌نده‌كانی په‌یوه‌ست به له‌باربردنی منداڵ كردووه‌ته‌وه له یاسای سزادانی ئێستادا، بۆ داڕشتنی پلانێك بۆ رێگریكردن له دووگیانی نه‌خوازراو و بۆ ئه‌وه‌ی كچان و ژنان بتوانن په‌روه‌رده و په‌روه‌رده‌ی سێكسییان هه‌بێت، هه‌روه‌ها زانیاری وه‌ربگرن و ئامرازەکان بۆ ئەوەی ژنان بتوانن دەستیان بە بەکارهێنانی مافەکانیان بگات، و پێشکەشکردنی خزمەتگوزارییەکانی منداڵبوون بەبێ مەترسی. یاسای مەغریب لەباربردنی منداڵ بە تاوان دەزانێت، سزاکەی لە ٦ مانگەوە تا ٥ ساڵ زیندانی دەکرێت، نەک تەنها بۆ ئەو ژنەی کە لەباربردووە، بەڵکو بۆ هەرکەسێک کە لەباربردنی منداڵەکە ئەنجام بدات.
لە ماددەی ٤٤٩ی یاسای سزاداندا هاتووە، هەرکەسێک لەبارببات یان هەوڵی لەباربردنی بدات، بە ڕەزامەندی یان بەبێ ڕەزامەندی، جا بە خۆراک، خواردنەوە، ساختەکاری، توندوتیژی، یان هەر ڕێگەیەکی تر، سزای زیندانیکردنی لە ساڵێک تا پێنج ساڵ دەبێت. بەڵام ئەگەر پرۆسەی لەباربردن لە ئەنجامدا، مردنی ژنەکەی لێ بکەوێتەوە، ئەوا سزای تاوانبارەکە دەبێتە ١٠ بۆ ٢٠ ساڵ زیندان.