ناوەندی هەواڵ

 

توێژینەوەیەک کە لە زانکۆی پزیشکیی جۆرج تاون لە ئەمریکا ئەنجامدراوە، ئاشکرای کردووە، یەک لەسەر سێی ئەو ژنانەی لاسەرئێشە "شەقیقە"یان هەیە، لە کاتی سووڕی مانگانەدا سەرئێشەکەیان زیاد دەکات و دووچاری سەرئێشەی دژوار دەبنەوە.

 

پزیشک جێسیکا ئایلانی، سەرپەرشتیاری توێژینەوەکە پێشنیاری ئەوە دەکات، ئەو ژنانەی لە ماوەی سووڕی مانگانەدا تووشی سەرئێشەی دژوار دەبنەوە، پێویستە سەردانی پزیشکی ژنان یاخود پسپۆڕی مێشک و دەمار بکەن، چونکە چارەسەری تایبەت بەو دۆخە هەیە.

 

ئاماژەی بەوەشکردووە، یەکێک لە هۆکارەکانی کەمبەکارهێنانی چارەسەری خۆپارێزی بۆ لاسەرئێشە 'شەقیقە' ئەوەیەپابەندبوونی درێژخایەنی دەوێت و هەندێکجار تێچووەکەشی زۆرە.