سۆرگوڵ شێخۆ

 

قامیشلۆ-قەیرانی پچڕانی کارەبا لە شاری قامیشلۆی ڕۆژئاوای کوردستان نەک هەر کار و بازرگانی ڕۆژانەی پەکخستووە کە پشت بە وزە دەبەستن، بەڵکو بارگرانییەکی داراییشی خستۆتە سەر خێزانەکان و ناڕەزایی بەرفراوانی خەڵکی لێکەوتۆتەوە.

 

پچڕانی درێژخایەن و بەردەوامی کارەبا کە زیاتر لە مانگێکە بەردەوامە، زیاتر بارگرانی لەسەر کۆمەڵگە و منداڵان دروستکردووە، بە کوژانەوەی بەرفراوانی مۆلیدەی تایبەت لە گەڕەکەکان و کەمبوونەوەی پێوەری سەرەکی کارەبا.

 

وزەی سووریا شکستیهێنا لە دابینکردنی سووتەمەنی

وەزارەتی وزەی سووریا شکستی هێنا لە دابینکردنی سووتەمەنی بۆ خاوەن مۆلیدەکان، ئەمەش بووە هۆی داخستنی سەدان مۆلیدە دوای ئەوەی حکومەتی سووریا و سەرجەم بەنزینخانەکان و بیرەکان کەوتنە ژێر کۆنترۆڵی هەتەشە.

 

شارەکان لە تاریکیدان

ماوەی دوو مانگە قوتابخانەکان کراوەن و ساڵی خوێندنی ٢٠٢٦-٢٠٢٧ دەستیپێکردووە، جگە لەوەی خوێندکار دەچێتە قوتابخانە و خۆیان ماندوو دەکەن، سەرقاڵی ئەرکەکانی ماڵەوەشن، هەر بۆیە پچڕانی کارەبا کاریگەرییەکی بەرچاوی لەسەر تەندروستی دەرونی و دەوامی خوێندکاران لە ماڵەوە هەبووە.

 

قامیشلۆ، هاوشێوەی شارەکانی دیکەی ناوچەی جزیرەی ڕۆژئاوای کوردستان، ڕووبەڕووی کەمی کارەبای سەرەکی و سنوورداربوونی کاتەکانی دابینکردنی کارەبا بووەتەوە، ئەم بێدەسەڵاتییە دانیشتووان بەبێ جێگرەوەیەکی ڕاستەقینە دەهێڵێتەوە.

 

جێگرەوەیەکی بچووک بۆ منداڵێکی تەمەن ١٠ ساڵ

سایە ئەحمەد مەردیلی خەڵکی شاری قامیشلۆیە، هەروەها لە تاریکی و بێدەنگی شەودا ژیاوە، بەڵام دوای ئەوەی دایکی جارێک باسی بیرەوەرییەکی ساڵانێک پێش ئێستای بۆ کرد، سەرنجی ڕاکێشا و لە مێشکیدا مایەوە.

 

ئێستا کاتی ئەوە هات کە سایە ئەو یادەوەرییەی کە لە یادەوەری خۆیدا هێشتبوویەوە وەک جێگرەوەیەکی بچووک بیخاتەڕوو.

 

سایە هەموو شەوێک پەتاتەیەک دەبات و توێکڵی لێدەکاتەوە و دواتر بە هاوکاری دایکی هەڵیدەکۆڵێر و کەوچکێک زەیتی چێشت لێنان دەخاتە ناوەوە و کلینێکس دەخاتە ناو ڕۆنەکەدا دەیخاتە ناو زەیتەکەوە، سایە مۆمەکەی ئامادە کردووە، کە ئێستا ئامادەیە بۆ داگیرساندن و خوێندنەوە.

 

”خۆرئاوا دەبێت و جیهان تاریک دەبێت”

سایە باسی لەوە کرد، کە ئەمساڵ لە پۆلی سێیەمی سەرەتایی دەخوێنێت و سەختییەکانی خوێندنی بەم شێوەیە پێناسە کرد، وتی: کارەبای ئێمە هەندێک جار دێت و هەندێک جار نایەت، زۆر کێشەم هەیە، بەیانیان دەچمە قوتابخانە و دەخوێنم، دواتر دێمەوە ماڵەوە بۆ ئەوەی نانی نیوەڕۆ بخۆم و بۆ ماوەیەک پشوو دەدەم، دواتر خۆر ئاوا دەبێت، جیهان تاریک دەبێت و ئیتر ناتوانم وێنەکانم بخوێنم. سووتەمەنی نییە و مۆلیدەکە وەستاوە، کارەبای سەرەکیش لەوێ نییە.

 

مۆمێکی سەرنجڕاکێش کە تا ئێستا کەس دروستی نەکردووە

لەکۆتای قسەکانیدا سایە ڕوونیکردەوە، کە ڕۆژێک دایکی یادەوەرییەکی لەگەڵدا بەشکردووە، کە چۆنیەتی دروستکردنی مۆمێکی سەرنجڕاکێش بووە بۆ ڕوون کردۆتەوە، وتی: پەتاتەیەکم پاککرد، هەڵمکۆڵی، پاشان زەیتی زەیتونم تێکرد، لەگەڵ کلێنسێکم تێکرد و دامگیرساند، وەک مۆمێک وابوو، بۆ ئەوەی کەس لە تاریکیدا نەمێنێتەوە، بتوانن مۆمێکی ئاوا لە ماڵەکانیاندا دروست بکەن.