ئارەزوو مەحمود پەرلەمانتاری پێشووی عێراق پیرۆزبایی ٨ی ئادار لە ژنان دەکات و دەڵێت: "مەترسییەکانی سەر ژیانی ژن و کچانی کوردستان، زیادی کردوەو بوەەتە دیاردەیەکی بەدناوی قێزەون".

ناوەندی هەواڵ

 

ئارەزوو مەحمود لە پەرەی خۆی لە تۆڕە کۆمەڵایەتییەکان نووسیویەتی: "لەم ڕۆژەدا، رۆژی ٨ی مارس، رۆژی جیھانی ژنان، پیرۆزباییەکی گەرم لە ژنانی خۆڕاگری کوردستان دەکەم، ژنانی ئەو نیشتمانەی سەرەڕای ئاستەنگ و لەمپەڕەکانی بەردەمیان، وێڕای ستەم و کوشتنی سەر سەریان، هێشتا بەپێوەو بەڕێگەوەن بەرەو هێنانە ئاراوەی ژیانێکی هاوسەنگ و شایستە بەهەبوونی خۆیان".

 

ئاماژەی بەوەشکردوە بەداخێکی قوڵەوە، مەترسییەکانی سەر ژیانی ژنانی کوردستان، زیادی کردوەو بووەتە دیاردەیەکی بەدناوی قێزەون، ئەرکی هەمووان و دامەزراوە جیاوازە پەیوەندیدارەکانە، بەخێرای بێنە سەر هەست و بەر بە توندوتیژی سەر ژنان و ژنکوژی بگرن.