دێرەزوور

 

زیادبوونی کوشتنی ژنان لە کۆمەڵگەدا بۆتە برینێکی کراوە کە هەڕەشە لە ئاسایش و سەقامگیری خێزان دەکات و ڕەنگدانەوەی قەیرانێکی ڕاستییە لە بەها مرۆیی و کۆمەڵایەتییەکان، ئەمەش وایکردوە ناوەندی ژنانی ئەنجومەنی کۆمەڵەی ژنانی زەنوبیا دەنگی خۆیان بەرزبکەنەوە بۆ ڕەتکردنەوەی ئەو کارە تاوانکارییانە.

 

ڕۆژی ٣١ی ئاب، ناوەندی ژنان لە ئەنجومەنی کۆمەڵەی ژنانی زەنوبیا لە باکوور و ڕۆژهەڵاتی سووریا ڕاگەیەندراوێکی بڵاوکردەوە و نیگەرانی خۆی لە کوشتنی ژنانی گەنج دەربڕی، ئەم ژنانە کە لە بنەماڵەی جیاواز لەدایک بوون، منداڵی بێ باوک و خزم و هاوڕێیان لە دوای خۆیان بەجێهێشتوە کە بۆ هەتا هەتایە توشی دەرئەنجامی ئەم لەدەستدانە دەبن.

 

" کوشتنی ژنان پێشێلکاریەکی ڕاستی مافەکانی مرۆڤە"

لە ڕاگەیەندراوەکەدا هاتووە: بۆتە ئەرکی ئێمە لە دژی ئەم کارە تاوانکارییانە قسە بکەین و بە کۆمەڵ کاربکەین بۆ سنووردارکردنیان بە جێبەجێکردنی یاساکانی ڕێگریکردن، بەرەوپێشبردنی کولتووری یەکسانی و ڕێزگرتن، و پاراستنی ژنان لە هەموو جۆرەکانی توندوتیژی و هەڵاواردن، بێدەنگی کۆمەڵگە بەرامبەر بەو تاوانانە بەشداریکردنی ناڕاستەوخۆ تێیدا پێکدەهێنێت، کوشتنی ژنان چیتر تەنها ڕووداوی تاکەکەسی گۆشەگیر نییە، بەڵکو بووەتە دیاردەیەک کە جەستەی کۆمەڵگە دەخوات و شوێنەواری قوڵ لەسەر بەها مرۆییەکانی بەجێدەهێڵێت، کوشتنی ژنان پێشێلکاریەکی ڕاستی مافەکانی مرۆڤە و هەڕەشەیە بۆ سەر سەلامەتی و ئاسایشیژنانی گەنج، کە تا ئەمڕۆش بەردەوامە، بە بیانووی شەرەف، بەو پێیەی ژنان و ژنانی گەنج بەهۆی بیروباوەڕی کۆمەڵایەتی پێشوەختە لەلایەن خێزانەکانیانەوە دەکوژرێن، دەبنە قوربانی توندوتیژی و تاوان.

 

جەختی لە گرنگی تیشک خستنە سەر پێویستی بەپەلە بۆ بەرزکردنەوەی پاراستنی سەرجەم ژنانی گەنج و ژنانی کۆمەڵگ، کردەوە، لەبەر ڕۆشنای زیادبوونی تاوانەکانی کوشتن و توندوتیژی دژی ژنان، داوا لە دەسەڵاتداران دەکەین لێپرسینەوە لە تاوانباران بکەن، سزای تاوانبارانی توندوتیژی خێزانی زیاد بکەن، ڕێوشوێنی خۆپارێزی کاریگەرتر بگرنەبەر بۆ پاراستنی ژنان.

 

"پاراستنی ژنان بەرپرسیارێتی تاکەکەسی نییە، بەڵکو ئەرکێکی دەستەکۆمەڵییە"

لە ڕاگەیەندراوەکەدا داوای هۆشیارکردنەوەی هاوڵاتیان سەبارەت بە مافەکانی مرۆڤ و یەکسانی ڕەگەزی و کۆتاییهێنان بە توندوتیژی دژی ژنانی گەنج و ژنان و دەستەبەرکردنی سەلامەتی و ئاسایشیان کردوە، پاراستنی ژنان بەرپرسیارێتی تاکەکەسی نییە، بەڵکو ئەرکێکی دەستەکۆمەڵییە، بەرپرسیارێتی کۆمەڵگەیە، بە هەموو توێژ و دامەزراوەکانییەوە، و لەڕاستیدا هەموو جیهان، بۆیە داوا لە کۆمەڵگەی نێودەوڵەتی و ڕێکخراوەکانی مافی مرۆڤ و دەزگا مرۆییەکان دەکەین هاودەنگی نیشان بدەن و بە پەرۆشەوە کاربکەن بۆ پاراستنی ژنان، هەروەها فشار بخەنە سەر حکومەتەکان بۆ جێبەجێکردنی یاساکان و جێبەجێکردنی دادپەروەری بەبێ جیاوازی.