شەهبا

 

لە عەفرین لە ١٨ی کانوونی دووەمی ٢٠١٨ کە لەلایەن چەتەکانی دەوڵەتی تورکەوە داگیرکراوە، ڕفاندنی خەڵک لە زیادبووندایە بەناوی "ئاسایشی سیاسی"ەوە، ڕۆژانە خەڵک لەشەقامە بێدەنگەکانەوە دەبرێن و بێسەروشوێن دەکرێن، لە سەرەتای مانگی ئەیلولەوە تا ئێستا ١٠ کەس ڕفێندراون.

 

چارەنووسی دایکی دوو منداڵ بە ناوی فەریدە مستەفا و هاوسەرەکەی نەزانراوە

دایکێکی تەمەن ٢٨ ساڵ، فەریدە مستەفا، کە هاوسەرەکەی "محەمەد عەبدولقادر سیرۆ" لە ١ی ئەیلولدا دەستگیرکرابوو، بۆ وەرگرتنی زانیاری لە هاوسەرەکەی ماڵەکەی بەجێهێشت و نەگەڕاوەتەوە، چارەنووسی فەریدە مستەفا تا ئێستا نادیارە.

 

ئارین دەل حەسەنی ئێزدی بۆ جاری دووەم ڕفێندرا

هەروەها ژنێکی گەنجی ئێزدی بەناوی ئارین دەل حەسەن، کە لە گوندی کیمار-ی شێراوا دەژی، دوو جار لەلایەن سەربازانی سوپای تورکەوە ڕفێندرا.

چەتەکانی ئەلحەمزەت سەر بە دەوڵەتی تورک داوای هەزار دۆلار دەکەن بۆ ئازادکردنی و هێشتا نازانرێت ئارین لە کوێیە و چی بەسەر هاتووە.

پێشتر ئارین  لە ٢٧ی شوباتی ٢٠٢٠ لەلایەن هەمان گروپی ئەلحەمزەتەوە دەستگیرکرابوو و دوای ساڵێک لە دەستگیرکردن ئازادکرا ئارین یەکێک بوو لەو ژنانەی کە لە زیندانی پێشووی ناوەندی عەفرین "ئاسایش" لە گەڕەکی مەحمودی بوو کە وێنەکانی بڵاوکرانەوە.