" لە دژی سیاسەتەکانی لەسێدارەدان شۆڕشی ژن، ژیان، ئازادی سەرکەوتوو دەبێت"
ڕۆهیلات موسلیم، وتەبێژی کۆمیتەی پەروەردەی کۆنگرە ستار لە قامیشلۆ لە سێدارەدانی ڕژێمی ئێران بۆ سەر شەریفە محەمەدی، چالاکوان و چالاکی مافی ژنان شەرمەزار کرد و ڕایگەیاند کە ڕێکخراوەکانی ژنان درێژە بە خەبات دەدەن.
زەینەب عیسا
قامیشلۆ- دژی سیاسەت و سیستمی پیاوسالاری دەوڵەتی ئێران بەرامبەر بە ژنان و دوای کوشتنی ژینا ئەمینی ژنانی ئێران ڕاپەرین و چیتر سیاسەتی لەناوبردن و قڕکردن قبوڵ ناکەن. ئەوان بە فەلسەفەی ژن، ژیان، ئازادی هەڵسوکەوت دەکەن و چالاکی ڕێکدەخەن، ڕژێمی ئێران زۆر هەوڵی داوە بە ڕفاندن و دەستبەسەرکردنی ژنان کۆتایی بەم شۆڕشە بهێنێت، بەلام ئەو کردەوانەی بەرامبەر ژنان، دەستبەسەرکردن و ئەشکەنجەدانی ژنان، نەیتوانی ببێتە بەربەست لەبەردەم شؤڕشی ژن، ژیان، ئازادی لق و پۆپی خۆیان بەهەموو جیهاندا بڵاو بکەنەوە.
ئەو ژنە چالاکوان و ڕۆژنامەنووسانەی کە ڕاستییەکانی دەوڵەتی ئێرانیان ئاشکرا کرد، دەسبەسەر و ئەشکەنجە و سزای لەسێدارەدانیان بەسەردا سەپێندرا، ڕۆژنامەنووس شەریفە محەمەدی لە ساڵی ٢٠٢٣ بە بیانووی جۆراوجۆر ڕفێندرا و بە هەڵواسینی سزای لە سێدارەدانی بەسەردا سەپێندرا، ڕۆهیلات موسلیم، وتەبێژی کۆمیتەی پەروەردەی کۆنگرە ستار لە قامیشلۆی باکوور و ڕۆژهەڵاتی سووریا، سەبارەت بە سزای لە سێدارەدان لەلایەن ڕژێمی ئێرانەوە بەسەر چالاکوان و چالاکوانانی مافی ژنان شەریفە محەمەدی بۆ ئاژانسەکەمان قسەی کرد.
" بەناوی ئاینەوە ژنان دەستگیر دەکات و لە سێدارەیان دەدات"
ڕۆهیلات موسلیم سەبارەت بە سیاسەتی ڕژێمی ئێران ڕایگەیاند کە بە ناوی ئاینەوە سیاسەتی پیس بەڕێوە دەبەن و ژنانی چالاکوان و کرێکاران دەستگیر دەکەن و وتی: ڕژێمی ئێران سیستمێکی زۆر داخراوە، بە خێرایی سیاسەتەکانی خۆی ئاشکرا ناکات، و ئەمە سیاسەتێکی توند و پیاوسالاری و ئایینییە، ڕژێمی ئێران سیاسەتی پیسی خۆی لە ڕێگەی ئایینەوە بەڕێوە دەبات، ئەم سیاسەتە لە ئێراندا بە شێوەیەکی بەرفراوان پراکتیزە کراوە.
"شۆڕشی ژن، ژیان، ئازادی سەرکەوتوو دەبێت"
ڕۆهیلات موسلیم سەرنجی بۆ گرتنی ژنە چالاکوان و کرێکار شەریفە محەمەدی ڕاکێشا کە سزای لەسێدارەدانی بەسەردا سەپێنراوە و بڕیاری لەسێدارەدانی ڕژێمی ئێرانی شەرمەزار کرد و لە درێژەی قسەکانیدا وتی: هەموومان دەزانین کە لەم دواییانەدا، سزای لەسێدارەدان بەسەر چالاکوان و کرێکاری مافی ژنان شەریفە محەمەدی دەرچووە، بۆچی ئەم بڕیارانە لەدژی ئەو ژنانە دەدرێن؟ چونکە ئێران لێیان دەترسێت، دەزانێت شۆڕشێکی گەورە لە دژی سیاسەتە پیاوسالاری و ئایینییەکانی بەڕێوەدەچێت و تێکۆشانی ژنانیش سەردەکەون، هەر بۆیەش ژنە سیاسییەکانمان، چالاکوانان، و کرێکارانی مافی ژنان دەستگیر دەکەن و سزای لەسێدارەدانیان بەسەردا دەسەپێنن، ئێمە وەک ڕێکخستنی ژنان ئەو بڕیارانە شەرمەزار دەکەین و شۆڕسی ژن، ژیان، ئازادی سەرکەوتوو دەبێت.
"تێکۆشانمان هەمیشە بەردەوام دەبێت"
ڕۆهیلات موسلیم جەختی لەوەکردەوە کە وەک ڕێکخراوێکی ژنان تا گەیشتن بە ئازادی هەموو ژنان و سەرکەوتنی شۆڕشی ژنان درێژە بە تێکۆشانی خۆیان دەدەن و لە کۆتایی قسەکانیدا وتی: وەک ڕێکخراوێکی ژنان پشتیوانی هەموو ژنان دەکەین، بە تایبەت شۆڕشی ژن، ژیان، ئازادی کە لە دوای کوشتنی ژینا ئەمینی دەستیپێکرد، داوا لە ڕێکخراوەکانی مافی مرۆڤ دەکەین چاویان بکەنەوە و مافی ژنان بپارێزن، تێکۆشانمان بۆ ئازادکردنی شەریفە محەمەدی بەردەوام دەبێت.