ناوەندی هەواڵ

 

ڕاگەیەندراوەکە لەلایەن هەدلا حاج موسلیم، بەڕێوەبەری کۆنگرە ستار لە بەردەم نەخۆشخانەی شەهید ئۆمەر ئەلوس لە سەنتەری شار، بە ئامادەبوونی دەیان دانیشتووی شارەکە خوێندرایەوە.

 

 لە ڕاگەیەندراوەکەدا هاتووە:

 هێرشەکانی دەوڵەتی تورکیا بۆ سەر ناوچەکانی باکوور و ڕۆژهەڵاتی سووریا و بۆردومانکردنی گوندەکان و ماڵ و شوێنی ژیانی هاوڵاتیانی مەدەنی ڕۆژانە زیانی گیانی و برینداربوونی مەدەنی لێدەکەوێتەوە. داوا لە ڕێکخراوە مرۆیی و مافی مرۆڤەکان دەکەین ئەو تاوانانە بەڵگەدار بکەن و پێشکەشی بکەن، بۆ دامەزراوە پەیوەندیدارەکان و پەیوەندی بە دەزگا پەیوەندیدارەکانی نەتەوە یەکگرتووەکانەوە بکەن بۆ ئەوەی بەرپرسیارەکان بدرێنە دادگا.

 

 دوێنێ سوپای تورکیا و چەتەکانی لە گوندی ئەل-جەماس سەر بە عەین عیسا لە بنکەکانیانەوە لە گوندی شێرگیراکی داگیرکراو ماڵی هاوڵاتییەک بە ناوی خالید حسێنیان تۆپباران کرد و لە ئەنجامدا دوو منداڵ بە ناوەکانی ئاسیا حەمەد حسێنی ۱۲ ساڵان و ئەبدولڕەحمان ئیسماعیل حسێنی ٦ ساڵان شەهید بوون و ئەرەج خالید حسێنی ۲۰ ساڵان بریندار بوو.