ڕەققە

 

گەڕەکەکانی شێخ مەقسوود و ئەشرەفییە لە حەلەب شایەتی پەرەسەندنێکی مەترسیداەر لە خێرایی بۆردوومان و گەمارۆدانیان بەخۆوە بینیوە، زۆرێک لە ناوچەکان بە چەکی قورس هێرشی توندوتیژیان بۆ کراوە، ئەمەش ئازاری دانیشتوانی گەمارۆدراو بەتایبەتی ژنان و منداڵانی گەورەتر کردووە.

 

لە کاتێکدا، کە ژیانی هەزاران هاوڵاتی مەدەنی لە گەڕەکەکانی شێخ مەقسوود و ئەشرەفیەی شاری حەلەب لە مەترسییەکی گەورەدایە و ژنان و منداڵان لەناو تۆپباران و کەمی پێداویستییە سەرەتاییەکاندا گیریان خواردووە، کۆمەڵەی ژنانی زەنوبیا ڕۆژی ٧ی تشرینی یەکەم ڕاگەیاندراوێکی بڵاوکردەوە و داوای لە جیهان کرد بەپەلە هەنگاو بنێت بۆ ڕزگارکردنی ژیانی خەڵک و ڕاگرتنی خراپتربوونی دۆخەکە کە کارەساتی مرۆییە، لە ڕاگەیاندروەکەدا هاتووە، بە ناوی دادپەروەری و مرۆڤایەتی و بەناوی دایکانی خەمبار و منداڵە بێتاوانەکانەوە، هاواری ئازارەکانمان ئاراستەی ویژدانی جیهان دەکەین.

 

لە ڕاگەیاندراوەکەدا هاتووە، ئێمەی کۆمەڵەی ژنانی زەنوبیا بە نیگەرانییەکی قوڵ و شەرمەزارکردنی تەواوەوە بەدواداچوون بۆ ئەو پێشهاتە مەترسیدار و کارەساتبارانە دەکەین کە لە گەڕەکی شێخ مەقسوود و ئەشرەفیەی شاری حەلەب ڕوودەدەن، پێش هێرشی دڕندانە بۆ سەر خەڵکی مەدەنی بە چەکی قورس و دۆشکە، دەیان هەزار مەدەنی لە ژێر گەمارۆیەکی خنکێنەر و نامرۆڤانەدا دەژین.

 

لە ڕاگەیەندراوەکەدا، جەخت لەوە کراوەتەوە، کە ئەوەی ئەمڕۆ لەم گەڕەکانە ڕوودەدات بە هەموو پێوەرێک تاوانی جەنگە و تاوانێکی مرۆیی تەواو، زیاتر لە ٣٠٠ هەزار خەڵکی مەدەنی، لەنێویاندا ئاوارەکانی عەفرین کە بەدوای سەلامەتیدا دەگەڕێن، لە ژێر ئاگری تانکەکان و گەمارۆیەکی خنکێنەر و نەبوونی پێداویستییە سەرەتاییەکانی خۆراک و پزیشکی دەناڵێنن.

 

لە ڕاگەیاندراوەکەدا، شەرمەزاری ئەم هێرشە توندڕەویە و ئەو گەمارۆ نامرۆڤانەی کرد کە خەڵکی مەدەنی لە ماڵەکانیاندا دەکەنە ئامانج، هەروەها داوای لە کۆمەڵگەی نێودەوڵەتی و ڕێکخراوە مرۆییەکان کردووە، ڕێوشوێنی بەپەلە بگرنەبەر بۆ ڕاگرتنی ئەو کۆمەڵکوژیانە و هەڵگرتنی گەمارۆ بە دەستبەجێ و بێ مەرج، جگە لە کردنەوەی ڕێڕەوی مرۆیی بەپەلە بۆ گەیاندنی هاوکاریی پزیشکی و خۆراکی، وتی: ئێمە لایەنەکانی سەپاندنی گەمارۆ و دەستپێکردنی هێرشەکان بە تەواوی بە بەرپرسیار دەزانین لە زیانە مرۆییەکان و کارەساتی مرۆیی، هەروەها دووپاتی دەکەینەوە کە بێدەنگی نێودەوڵەتی لەسەر ئەم تاوانانە نوێنەرایەتی هاوبەشی ناڕاستەوخۆ دەکات لە سەرکوتکردن و پێشێلکارییەکان، هەروەها بیری جیهان دەخەینەوە کە تاوانەکانی جەنگ ناچنە ژێر یاسای سنووردارکردنەوە، و لێپرسینەوە دڵنیایە.

 

کۆمەڵەی ژنانی زەنوبیا لە ڕاگەیاندراوەکەیدا، دووپاتی کردەوە، کە بە پشتبەستن بە بنەما نەتەوەی و مرۆییەکانمان، هاودەنگی تەواومان لەگەڵ گەلی گەمارۆدراومان لە شێخ مەقسوود و ئەشرەفیە ڕادەگەیەنین، هەروەها دووپاتیدەکەینەوە، کە خەباتمان بەردەوام دەبێت بۆ بونیادنانی نیشتمانێکی ئازاد و ئاسایش کە دادپەروەری تێیدا زاڵ بێت و مافەکانی مرۆڤ بەبێ جیاوازی ڕێز لە مافەکانی مرۆڤ بگیرێت.