کۆبانێ

 

کوژرانی ئایەت ڕەفاعی لە شام ڕای گشتی جوڵاندو دوای ئەوەی وردەکاری هێرشەکانی هاوسەرەکەی لەسەر ئایەت لە تۆڕەکۆمەڵایەتییەکان بڵاوبووەوە، هەروەها نەخۆشخانە بەرتیلی وەرگرتبوو بۆ داپۆشینی تاوانەکە و وترا کە ئایەت خۆی کوشتووە.

 

لە ڕاگەیەندراوێکدا ڕێکخراوی سارا دەڵێت: "ئێمە ڕێکخراوێکین دژی توندوتیژی سەر ژنانین ئیدانەی خۆکوشتنی ژنان دەکەین و داوا لە بەرپرسان و هەموو ڕێکخراوەکانی ژنان دەکەین پشتیوانی لە ژنان بکەن بۆ ئەوەی ئەنجامدەرانی تاوانەکان بەرامبەر بە ژنان بەرپرسیار بن".

 

دەشڵێن: "لە سەرەتای قەیرانی سوریاوە تا ئەمڕۆ بێگومان خەباتێکی جدی بۆ مافەکانی ژنان بۆ ئازادی و یەکسانی ئەنجام دراوە، بەڵام سەرەڕای ئەو خەباتە،زاڵبوونی عەقڵییەتی کۆمەڵایەتی لە کۆمەڵگادا و هاوسەرگیری منداڵان و کرداری توندوتیژی جەستەیی و زارەکی و دەروونی بەرامبەریان بە ناوی نەریتەوە بەرپا بووە و بەهۆی ئەو هەلومەرجەوە هێشتا ژنان لە هەموو ناوچەکانی سوریا لە ژێر توندوتیژیدان".

 

لە راگەیەندراوەکەدا هاتووە: "ئایەت ڕەفاعی بۆ پاراستنی خۆی و کچە تەمەن دوو ساڵانەکەی کە توندوتیژییان لەسەر بوو، گەڕایەوە لای خێزانەکەی خۆی".

 

ئاماژە بەوەشکراوە کە کوشتن لە دژی ژنان زیادی کردووە و بێبەشیان دەکات لە مافە سرووشتییەکانی خۆیان، بە شێوەیەکی سەرەکی بەهۆی عەقڵییەتی زاڵبوونی ئەو پیاوانەی کە نکۆڵی لە بوونی ژنان دەکەن بە سەپاندنی دەسەڵات.