ڕۆنیدا حاجی

 

حەسەکە - لە ڕۆژهەڵاتی ناوەڕاستدا لەژێر ناوی ئیسلامدا چەنئاین سیاسەتی هەڵە و پیس بەڕێوەدەچێت، بەڕێز عەبدوڵا ئۆجالان ڕێبەری گەلی کورد، بۆ ئایندەی ئایین و بیروباوەڕ لە کۆبوونەوەکەیدا لە ئیمراڵی پێشنیاری دامەزراندنی کۆنگرەی ئیسلامی دیموکراتی کرد، کۆنگرەی ئیسلامی دیموکرات هەموو ئەو ئایین و بیروباوەڕانە دەپارێزێت کە لەسەر خاکی میزۆپۆتامیا دەژین، ئامانجەکەی ئەوەیە کە لەسەر بنەمای پەرەپێدانی دادپەروەری و یەکسانی و ئاشتی بنیات بنرێت، عەزیزە حەسۆ، ئەندامی ئەنجومەنی ژنانی کۆنگرەی ئیسلامی دیموکرات، سەبارەت بەم بابەتە و ئەو پێشهاتانەی کە لە سووریا ڕوودەدەن، بۆ ئاژانسەکەمان قسەی کرد

 

 

"ئاین بۆ قازانج بەکاردێت"

 ئەندامی ئەنجومەنی ژنانی کۆنگرەی دیموکراتی ئیسلامی، عەزیزه حەسۆ، جەختی لەوە کردەوە کە ئەو شەڕەی لەسەر ڕۆژئاوا بەڕێوەدەچێت، بەرهەمی سیاسەتی گەندەڵەکانە و وتی: له کۆمەڵگەی سروشتیدا ژن وەک خوداوەند چای لێدەکرا، ژنی خواپەرست لەسەر بنەمای یەکسانی و دادپەروەری و ئاشتی حوکمی کۆمەڵگای دەکرد، دوای سەردەمی سۆمەری و دروستبوونی چین و توێژەکان، سیاسەتی گەندەڵ پەرەی سەند، لە ڕۆژئاوا لەگەڵ سەرهەڵدانی چەتەکانی داعش، ئایینی ئیسلام بەکارهێنرا، چونکە ئامانج ڕەشکردن و کوشتنی ئیسلام بوو، هیچ ئاین و بیروباوەڕێک و سوکایەتیکردن و دزی و ڕفاندن قبوڵ ناکات، بۆیە ئەو شەڕەی کە بەناوی ئایینەوە بەڕێوەدەچێت، بەرهەمی سیاسەتی گەندەڵانەیە، کە ئەوان بەو سیاسەتە دەیانەوێت بەرژەوەندی خۆیان بەدەست بهێنن

 

 "عەقڵیەتی ئایینی کۆمەڵگاکان بەرەو جینۆساید دەبات"

 عەزیزە حەسۆ ئاماژەی بەوەدا کە عەقڵیەتی ئایینی هەڕەشەیەکی گەورەیە بۆ سەر کۆمەڵگە و لە درێژەی قسەکانیدا وتی: لە ئێستادا شەڕ بەناوی ئیسلامەوە بەڕێوەدەچێت و کۆمەڵکوژی ڕوودەدات، عەرەب، عەلەوی، سووری سەدەیەکە پێکەوە لەسەر ئەم خاکە دەژین، بەڵام ئێستا دەیانەوێت شەڕ لە نێوانیاندا دەستپێبکەن، لە سەردەمی چەتەکانی داعشدا، ئایین و بیروباوەڕی دیکە کرانە ئامانج و ئێستا لە دوای ڕووخانی ڕژێمی بەعس، دەبینین چۆن شوێنە پیرۆزەکان تێکدەدرێن و عەلەوییەکان دەکوژرێن، چەمکی ئایینی جینۆساید و پێشێلکاری بۆ کۆمەڵگا دەهێنێت، هەر بۆیە ئێمە ئەمە وەک مەترسییەک بۆ سووریا دەیبینین.

 

"بۆ سووریایەکی ئازاد و دیموکراتی، سوود لە سیستەمی خۆبەڕێوەبەری وەربگرن"

 عەزیزە حەسۆ، لە درێژەی قسەکانیدا، ئاگاداری کردەوە کە سیستمی خۆبەڕێوەبەری سەرکەوتووە و نموونەی زامنکردنی ئازادییە و وتیشی: کۆنگرەی ئیسلامی دیموکرات بۆ پاراستنی ئەو ئایین و بیروباوەڕانە دامەزرا کە لە باکوور و ڕۆژهەڵاتی سووریادا هەن، ئەگەر ئازادی نەبێت مەحاڵە دیموکراسی هەبێت، بۆیە ١٣ ساڵە لەگەڵ شۆڕشدا، لەژێر سیستەمی نەتەوەی دیموکراتیکدا، هیچ ئایین و باوەڕ و ڕێکخراوێک پێشێل نەکراوە، بەڵام زلهێزە دەسەڵاتدارەکان هەمیشە هەوڵیان داوە لە ڕێگەی ئیستدلالێکی ئایینیەوە هێرش بکەنە سەر ئەم پڕۆژەیە و کۆمەڵکوژی لەسەر گەلانی دراوسێ ئەنجام بدەن، ئەگەر بڕیارە سووریایەکی نوێ دابمەزرێت، پێویستە سوود لە سیستەمی خۆبەڕێوەبەری وەربگیرێت.

 

 "هۆشیاری پیاوسالاری، ئایینی لە سروشتی ڕاستەقینەی خۆی دوورخستەوە"

 عەزیزە حەسۆ داوای ئاشتی و یەکسانی و دادپەروەری کرد و بەم شێوەیە کۆتایی بە وتەکانی هێنا و وتی: ئەگەر ڕۆڵی ژنان لە بنیاتنانی سووریای نوێدا نەبێت، ئەوا بەگوێرەی شارستانیەتی سووریا نابێت، لە مێژووی ئەم خاکەدا ژنان دروستکەر بوون، پێشەنگ بوون لە گەشەپێدانی شارستانیەتەکاندا، بۆیە ڕۆڵی ئەوان لە بنیاتنانی سووریادا جەوهەرییە، مافەکانی ژنان لە بواری پەروەردە و بەڕێوەبردن و سەرکردایەتی و ئازادی مافی ڕەوایە، لە سەردەمی حەزرەتی  محمد دا، ژن هەبوو لە مەیدانی سەربازیدا، ئەو مەیدانەش بۆیان کراوە بووە.  هۆشیاری پیاوسالاری و زلهێزە دەسەڵاتدارەکان ئایینیان لە سروشتی ڕاستەقینەی خۆی دوورخستەوە و بۆ بەدیهێنانی بەرژەوەندییە سیاسییەکان بەکاریان هێناوە، هاوپشتی و یەکسانی و یەکڕیزی و ڕێزگرتن لە ئیسلامدا جەوهەرییە، بۆیە ئازادی ژنان و ڕۆڵی ئەوان لە بنیاتنانی سووریای نوێدا بە بنەما دەبینین بۆ ئەوەی ئەو جۆرە کۆیلایەتییەی کە بەسەر سووریادا سەپێنرا دووبارە نەبێتەوە