ناوەندی هەواڵ

 

ڕێکخراوی لێبوردنی نێودەوڵەتی "ئەمنستی ئینتەرناشناڵ" داوا لە سوریا دەکات، ئابڵوقەی سەر گەڕەکەکانی شێخ مەقسودی کوردنشین و ئەشرەفیە لە حەلەب لە باکوور و ڕۆژهەڵاتی سوریا ھەڵبگرێت، کە دەیان ھەزار ھاوڵاتی تێیاندا دەژین و ژمارەیەکی زۆریان ئاوارەی ناوخۆی وڵاتن.

 

ڕێکخراوەکە ئاماژەی بەوەکردووە، بەھۆی ئەو ئابڵوقەیەوە، پێداویستییە پزیشکییەکان بەرەو لەناوچوون دەچن، ھاوڵاتیان لە نەبوونی سوتەمەنیشدا پاشماوەی پلاستیک و خۆڵ و خاشاک دەسووتێنن تاخۆیان لە سەرماوسۆڵە بپارێزن.

 

سوریا لە مانگی نیسانی ساڵی ڕابردووەوە ڕێگەی نەداوە سوتەمەنی و خۆراک و پێداویستی پزیشکی بگاتە ناوچەکە و ئەوەش قەیرانێکی گەورەی مرۆیی دروستکردووە.