ناوەندی هەواڵ

 

لە دووەمین کۆبوونەوەی ئۆنلایندا لەگەڵ ٢٠٠ ژن لە ٢٢ وڵاتەوە پلاتفۆرمی ژنان بۆ یەکسانی لە تورکیا-THEŞizedK، گفتوگۆتان لەسەر ڕێگاکانی هاوخەمیی لەگەڵ ژنانی ئەفغانی کرد و باسی لەوە کرد کە چارەنووسی ژنان لە ئەفغانستان و جیهاندا وەک یەکە و لە هەموو لایەکەوە هێرش دەکرێتە سەر مافەکانی ژنان، لە کۆبوونەوەکەدا جەخت لەوەکرایەوە کە "ئیدارەی تاڵیبان مەترسییەکی جدییە لەسەر گەلی ئەفغانستان و بەتایبەتی ژنان و منداڵان".

 

بەشداربووان لە کۆبوونەوەکەدا کە ٢١ ئاب بەڕێوەچوو، داوایان لە ژنانی هەموو وڵاتەکان کرد، کە فشار بخەنە سەر حکومەتەکانیان هەڵوێست وەربگرن پێش ئەوەی لە شەقامەکاندا خوێنی زۆر بڕژێت، وتیشیان: "بەسە، پێویستە بە دەنگێکی بەرزتر و زیاتر ڕێکخستوو داوای گۆڕانکاری بکرێت".

 

پلاتفۆرمی ژنان بۆ یەکسانیی پاش کۆبوونەوەکە ڕایگەیاند، کە "کۆبوونەوە جیهانییەکانی هاوخەباتی لەگەڵ ژنانی ئەفغانی" کە بە بەشداری چالاکوانان و ڕێکخراوەکانی ژنان لە چەندین وڵاتەوە بەڕێوەدەبرێت، بەردەوام دەبێت و دەست دەکات بە کارکردن لەسەر دامەزراندنی "تۆڕی ژنان".

 

ت.پ