ڕەفیف ئیسلیم

 

غەززە - لایەنەکانی ژیانی وەرزشی لە کەرتی غەززە لە دوای ٧ ی تشرینی یەکەمی ٢٠٢٣ نەما، لەبەر چەند هۆکارێک کە گرنگترینیان وێرانکردنی زۆربەی یانە و هۆڵەکانی وەرزشی شارە گەمارۆدراوەکە لەلایەن هێزەکانی ئیسرائیلەوە، سەرقاڵبوونی ژنان بە بابەتەکانی تر، بەپێی سروشتی ژیان کە بەهۆی هێرشەکەوە بەسەریاندا سەپێندراوە.

 

نیلی مەسری توێژەری وەرزشی وتی: ژیانی وەرزشی بە هەموو دەرکەوتە جیاوازەکانی وەک ڕۆیشتن، ڕاکردن، بالە، باسکە، بۆکسێن، وەرزشی جۆراوجۆر، پێشبڕکێی وەرزشی لە بوارە جۆراوجۆرەکانی وەک خولی تۆپی پێ و بەیسبۆڵ و سۆفت بۆڵ ئامادەبوونێکی بەهێز و کاریگەری ژنان  لە بواری وەرزشی گشتیدا سەرهەڵدابوو، ژنانی کەرتی غەززە خۆیان بە چەند یارییەکی دیاریکراو سنووردار نەکردووە، بەڵام بەشداریکردنیان لەهەموو یاریەکان و خولەکاندا دیارە لەبەدەستهێنانی چەندین مەدالیا و جامی زۆردا، لەنێوانیاندا یاریزان و ڕاهێنەر و ناوبژیوانی وەرزشی دەرکەوتووە، کە لەپشتی مێزەکە دادەنیشێت بۆ هەڵسەنگاندنی یارییەکان.

 

" گەڕاندنەوەی چالاکییە وەرزشییەکان لە کەرتی غەززە پێویستی بە کاتێکی زۆر هەیە"

سەبارەت بە وێرانکردنی یانەکان ڕوونیکردەوە، لە ٧ ی تشرینی یەکەمی ٢٠٢٣ەوە هێزەکانی ئیسرائیل بە ئەنقەست ژێرخانی هەموو بوارەکانی ژیانیان وێران کردووە بەتایبەتی وەرزش لە کەرتی غەززە و زۆربەی یانەکانیان بۆردومان کردووە ، تەنانەت هەندێکیشیان کردۆتە ناوەندی دەستبەسەرکردنی هاوڵاتیانی فەڵەستینی وەک یانەی یەرمووک ، تەنانەت شەقامی کۆرنیشی غەززە وێران و ڕووخێنرا و کردویەتی بە بیابانێکی وشک و پڕ لە خۆڵ و خاشاک و دەیان هەزار کەسی لەو وەرزشە بێبەش کردووە، گەڕاندنەوەی چالاکییە وەرزشییەکان لە کەرتی غەززە پێویستی بە کاتێکی زۆر هەیە، بۆ نۆژەنکردنەوەی ئەو شوێنە وەرزشیانەی کە ماونەتەوە چ بارەگای یانەکان بێت کە خزمەتی زۆرێک لە ئەندامانی کۆمەڵگە دەکەن یان وەرزشوانان یان ئەوانی تر ، یانە و هۆڵ و یاریگاکان، پرۆسەی ئاوەدانکردنەوە و نۆژەنکردنەوەکە بەندە بە بارودۆخی سیاسی و دەستپێکردنی ئاوەدانکردنەوە لە کەرتی غەززە.

 

" ژنانیش دەستیان کردووە بە گەڕان بەدوای هۆڵەکانی وەرزش"

پێشبینی دەکات ژیانی وەرزشی لە کەرتی غەززە بگەڕێنێتەوە بە بەکارهێنانی لە چالاکی چارەسەر و پاڵپشتی دەروونی، دەستپێکردنی یاریی بچووک و تاکەکەسی وەک ئەوەی هەندێک گەنج ئەنجامی دەدەن دوای پاککردنەوەی یانەکان، کە هێشتا چیمەنن بۆ یاری تۆپی پێ، ژنانیش دەستیان کردووە بە گەڕان بەدوای هۆڵەکانی وەرزش، بۆردوومان کاریگەری لەسەر نەبووە بۆ ناونووسین، هاوڵاتیانی فەڵەستین حەزیان لە وەرزشە بۆیە دوورکەوتنەوە لە وەرزش دڵتەنگیان دەکات، تەنانەت لەکاتی هێرشەکەشدا هەندێک ژن یاریی بچووکیان لە پەناگەکاندا ڕێکخست، کاتێک ئاگربەست ڕاگەیەنرا لە ڕێگەی یارییەوە ئاهەنگیان گێڕا شەو یان ڕۆژ بوو بێت، پێش هێرشەکە چالاکییە وەرزشییەکان نەوەستاون.

 

نیلی مەسری نکۆڵی لە سوودی وەرزش ناکات لە بەرزکردنەوەی متمانەی ژنان بە خۆیان و بەهێزکردنی بەرگری لەشیان، جیاوازی نێوان وەرزشوانان و ئەوانی تر لە بەرگەگرتنی بەربەستە جۆراوجۆرەکانی ژیان، لە کاتی هێرش و ئاوارەبوونی بەردەوامدا دەرکەوتووە، چونکە ژنان هەموو ڕۆڵەکانیان لە ئەستۆدایە واتە کۆمەڵەی ژنان و پیاوان پێکەوە، ئێستا پێویستیان بە گەڕانەوەیە بۆ ئەنجامدانی وەرزشە دڵخوازەکانیان

 

سەبارەت بە وەرزشکارانی زیانبەرکەوتوو لە کاتی هێرشەکەدا ئاماژەی بەوەدا کە نزیکەی ٦٠٠ هاوڵاتی گیانیان لەدەستداوە، بەپێی ئامارەکانی ئەنجومەنی باڵای لاوان و وەرزش کە دیارترینیان سوار مەدهون ، یاسمین دوغماش یاریزانی باسکە کە بە خولیای زۆریشی بۆ ئەنجامدانی ئەو یارییە تەنانەت لە ماڵەوە ناوبانگی هەبوو، خەونی بەشداریکردنی لە یارییە نێودەوڵەتییەکان و هەوڵەکانی بۆ گۆڕینی تێڕوانینی کۆمەڵگە بۆ ژنانی خاوەن پێداویستی تایبەت کە وەرزش دەکەن.

 

لە کۆتایی قسەکانیدا نیلی مەسری، توێژەری وەرزشی هیوای گەڕانەوەی چالاکییە وەرزشییە جۆراوجۆرەکانی لە کەرتی غەززە خواست کە تاکە دەروازەیە بۆ هەموو چین و توێژەکانی کۆمەڵگە، چارەسەر بۆ ئاوارەکان بدۆزرێتەوە بۆ ئەوەی بەرپرسانی پەیوەندیدار بتوانن کار لەسەر نۆژەنکردنەوەی هەندێک لەو یانانە بکەن کە بوونەتە پەناگەی ئاوارەکان چ لە باکوور، چ لە باشوور بۆ ئەوەی ئەم یاریگایانە بگەڕێنەوە بۆ خۆشی هاندەران نەک بۆ هاواری قوربانیانی هێرشەکانی ئیسرائیل.