ناوەندی هەواڵ

 

مەگنیسیۆم کانزایەکی گرنگە کە ڕۆڵی هەیە لە کرداری ٣٠٠ ئەنزیمی لەشی مرۆڤدا، یارمەتیدەرە بۆ کردارەکانی ماسولکە و دەمارەکان، ڕێکخستنی پەستانی خوێن و پشتگیریکردنی سیستمی بەرگری لەشی مرۆڤ.

 

لەشی کەسێکی پێگەیشتوو نزیکەی ٢٥ گرام مەگنیسیۆمی تێدایە، کە نزیکەی ٥٠ بۆ ٦٠%ی  لەلایەن پەیکەرە کۆئەندامەوە هەڵگیراوە، ئەوەشی دەمێنێتەوە لە ماسولکە و شانە و شلەی لەشدا هەڵدەگێرێت.

 

پزیشکان کەمی مەگنیسیۆم بە مەودایەکی فراوانی کێشەی تەندروستییەوە پەیوەست دەکەن، کەواتە پێویستە هەموو کەسێک ئامانجی ئەوەبێت لە خۆراکی ڕۆژانەیدا لەشی بڕی پێویستی مەگنیسیۆمی دەست بکەوێت.

 

گرنگترین هۆکاره‌کانی که‌می مه‌گنیسیۆم بریتین لە:

۱.برسییه‌تی، نان نه‌خواردن و که‌م خواردنی ئه‌و خۆراکانه‌ی ده‌وڵه‌مه‌ندن به‌ مه‌گنیسێوم.

۲.سکچوون و ڕشانه‌وه‌ی درێژخایه‌ن و هه‌وکردنی په‌نکریاسی کتوپڕ.

۳. دڵه‌ڕاوکێ، قه‌له‌قی، وه‌رزشی قورس و زۆر هیلاک بوون.

٤.به‌کارهێنانی هه‌ندێک ده‌رمان وه‌ک، ئه‌نسۆلین و ئه‌نتی بایۆتیک.

٥.هه‌ندێک نه‌خۆشی گلانده‌کان وه‌ک، ڕژێنی غوده‌ی ده‌ره‌قی و زیاتر ڕشتنی هۆڕمۆنی ئه‌ڵدۆستیرۆن.

 

نیشانەکانی کەمی مەگنیسیۆم:

 ١.نەمانی ئارەزووی خواردن.

 ٢. دڵتێکچوون و ڕشانەوە.

  ٣. بێهێزی و ماندوویەتی.