Navenda Nûçeyan – Şerên ku ji aliyê hêzên serdest ve tên meşandin, tiştên ku aîdê mirov û xwezayê ye ji holê radike. Dema ku şer êşeke bêveger ji mirovahiyê re dide jiyîn, îro danê nîvro balafirên bêmirov û biçek (SÎHA) ên dewleta Tirk bombe li Meclîsa Gel a Sinûnê û dikanên herêmê barand.

Mirî û birîndar hene

Ji ber astengiyên artêşa Iraqê heta niha hejmara mirî û birîndarên nayê zanîn, li gorî agahiyên hatine bidestxistin, SİHA’yên dewleta Tirk li dikaneke kirtasiyeyê da û di êrîşê de Xidir Şivan Naso yê ku xwediyê dikanê ye û neviyê wî Salih Xidir Naso jiyana xwe ji dest dan. Di êrîşa hewayî de nûçegihanê Çira TV'yê Salih Berces jî di nav de 6 kes birîndar bûne. Hat diyarkirin ku di nav birîndaran de zarokek jî heye. Birîndar rakirin nexweşxaneya Mûsilê û tên dermankirin.

Hat hînbûn ku rojnameger Salih Berces par jî di meha Nîsanê de di dema şopandina xwepêşandanek li dijî êrîşên Tirkiyeyê de li Xanesorê di encama destwerdana artêşa Iraqê de birîndarbûbû.