ناوەندی هەواڵ

 

ڕۆژی ١ی نیسان، مەهلەب دین بەلووچ، خوشکی سەمی دین بەلووچ، یەکێک لە سەرکردە و ئەندامانی ناوەندیی کۆمیتەی هاوپشتی بەلووچ، کە لە کاتی سەرکوتکردنی توندوتیژانەی گردبوونەوەیەکی ناڕەزایەتی لە کەراچی لەلایەن هێزەکانی پۆلیسەوە دەستگیرکرا، لە هەژماری ئێکسی خۆیدا ئازادکردنی خوشکەکەی ڕاگەیاند.

 

لە لایەکی دیکەوە هاوڵاتییانی ناڕازی بەلووچ گردبوونەوەیەکی ناڕەزایەتییان ئەنجامدا و خوازیاری ئازادکردنی مەهرەنگ بەلووچ بوون.

 

ئەمڕۆ دووشەممە ٢ی نیسان لە کاتی سەرکوتکردنی توندوتیژی گردبوونەوەیەکی ناڕەزایەتی لە شاری کەراچی، سەمی دین بەلووچ، سەرکردە و ئەندامی ناوەندیی کۆمیتەی هاوپشتی بەلووچ و لالا وەهاب بەلووچ، جێگری ڕێکخەری کۆمیتەکە دەستگیرکران.

 

دوای ڕۆژێک لە دەستبەسەرکردنی، سەمی دین بەلووچ برایە دادگا و بڕیاری ئازادکردنی دەرکرا، بەڵام پۆلیسی کەراچی جارێکی دیکە بەپێی یاسای MPO (Maintenance of Public Order) دەستگیری کرد.

 

شایانی باسە کە دوکتور مێهرەنگ بەلوچ، بیبو بەلوچ، بیبەرگ بەلوچ، مەولوی سیبغەتوڵڵا شا جی، و کارمەندانی دیکەی کۆمیتەی هاوپشتی بەلووچ کە لە لایەن هێزە سەربازییەکانی پاکستانەوە لە شاری کوێتا دەستبەسەر کراون، تا ئێستاش لە دەستبەسەرندان.

 

هەر لەو پێوەندییەدا، ژمارەیەک لە هاوڵاتیانی بەلووچ لە بەردەم زیندانی هودا کوێتە کە دوکتور مێهرەنگ بەلوچ لێی ڕاگیراوە، کۆبوونەوە و دروشمی ناڕەزایەتییان بەرز کردەوە.

 

خۆپیشاندەران بە دروشمی "بژی بەرخۆدان لە شێوەی مەهەرەنگ" و "بژی بەلووچ" لە بەردەم زیندانی هودا کۆبوونەوە.

 

هەروەها سەرلەبەیانی ئەمڕۆ ٢ی نیسانی ساڵی ٢٠٢٥، ژمارەیەک لە هاوڵاتیانی بەلووچ لە بەردەم زیندانی هودا کوێتە کە دوکتور مەهرەنگ بەلووچ لێی ڕاگیراوە، کۆبوونەوە و دروشمی ناڕەزایەتییان وتەوە.