ناوەندی هەواڵ- بوومەلەرزەکەی چەند رۆژێ لەمەوبەر میانماری هەژاند، فڕۆکەخانەکانی لە کار کرد، پرد، ڕێگا، باڵەخانەکانی وێران، و بارودۆخی وڵاتەکەی خراپتر کرد.

 

ئەنجوومەنی سەربازی فەرمانڕەوا لە میانمار ڕۆژی چوارشەممە ٢ی نیسان ڕایگەیاند:"کە ژمارەی قوربانیانی بوومەلەرزەکەی چەند رۆژی ڕابەردوو، بە گوڕی ٧.٧ پلە لەسەر پێوەری ڕیختەر بەرزبووەتەوە بۆ ٢٨٨٦ هاوڵاتی و ٤٦٣٩ هاوڵاتی دیکەش بریندار بوون، ٣٧٣ هاوڵاتی دیکەش بێسەروشوێنن. تیمەکانی فریاگوزاری هێشتا بەردەوامن لە گەڕان بەدوای ڕزگاربووان."

 

بوومەلەرزەکە بە گوڕی ٧.٧ پلە لە ناوەڕاستی میانمار زیانی بە دەیان بینا گەیاند و ژێرخانی ئابووری وێران کرد و سەدان هاوڵاتی کوشت و بریندار کرد.

 

جیگای ئاماژەیە کاریگەری بوومەلەرزەکەی ڕۆژی شەممەی ٢٩ کە میانماری هەژاند، دانیشتووانی تایلەندی دراوسێی ئەو ولاتە هەستی پێکرد و ٢٢ هاولاتی کوژران کە زۆربەیان کرێکار بوون، و کاریگەرییەکەی تا چین بڵاوبووەوە.