ناوەندی هەواڵ

 

تەڤگەری ژنانی کورد لە ئەوروپا "تەژەکە_ئە" بەبۆنەی ٧٦ ەمین ساڵەی لەدایکبوونی ڕێبەری گەلی کورد عەبدوڵا ئۆجالان ڕاگەیەندراوێکی بڵاوکردەوەو بانگەوازی کرد بۆ بەشداربوون لە چالاکییەکانی ئەوروپا.

 

تەژەکە_ئە، ٤ ی نیسان لە گەلی کورد و مرۆڤایەتی پیرۆز کردو وتی: لەدایکبوونی ڕێبەر ئاپۆ، لەدایکبوونی گەلی کوردە، لەدایکبوونی کۆنفیدراڵیزمی دیموکراتیکە کە ئەڵتەرناتیڤی مۆدێرنیتەی سەرمایەدارییە. دەسپێکی تێکۆشانی ژنانە کە سوێندیان خواردووە پێشەنگایەتی گۆڕانی کۆمەڵایەتی بکەن. بۆیە لەم قۆناغە مێژووییەدا دیسانەوە ژنان دڵسۆزی خۆیان بۆ ڕێبەر ئاپۆ دەستنیشان دەکەن، بەڵێن دووپات دەکەنەوە بۆ ئازادیی جەستەیی وی، تێبکۆشن.

 

تەژەکە_ئە ئاماژە بەوە دەکات پشتگیرییەکی مەزن لەلایەن گەلی کورد و هێزە نێونەتەوەییەکانەوە بۆ بانگەوازی ئاشتی و کۆمەڵگەی دیموکراتیکی ڕێبەر ئاپۆ نیشاندرا، وە گەل و ژنانی کورد لە ٨ ی ئادار خاوەندارییەکی بەهێزیان لە بانگەوازەکە کرد.

 

هەروەها تەژەکە_ئە دەڵێت: "ڕێبەر ئاپۆ تەواوی ژیانی بۆ ستاتۆی یاسایی و دیموکراتیک و مافەکانی گەلی کورد تێکۆشاوە. لەم تێکۆشانەدا ڕایگەیاند کە ئازادیی ژنان، کلیلی سەرەکی ئازادی کۆمەڵگەیە و ڕۆڵی سەرەکی لەم ڕێگەیەدا بە ژنان بەخشی، ژنان کە ئەمڕۆ لەنێو شۆڕشدا شۆڕشیان ئەنجامدا، بە گوتنی "ئازادی ڕێبەرێتی، ئازادیی ئێمەیە"، بۆ ئازادیی جەستەیی ڕێبەر ئاپۆ تێدەکۆشن. تاوەکو ئەم تێکۆشانە سەربکەوێت، لەسەر بناغەی هەڵمەتی "ئازادی بۆ ڕێبەر ئاپۆ، چارەسەری سیاسی بۆ پرسی کورد" تێکۆشانمان مەزن دەکەین.

 

بەم بۆنەیەوە بە پێشەنگایەتی تەڤگەری ژنانی کورد لە ئەوروپا (تەژەکە_ئە) لە ٤ و ٥ ی نیسان لە چەند شارێکی ئەوروپا چالاکی ئەنجام دەدەین، بانگەواز لە ژنان و تەواوی گەلەکەمان دەکەین، بە جۆش و پێداگریی ٨ ی ئادار و نەورۆزەوە، بەشداری ئەم چالاکییانە بکەن.