شەپۆلی باران بارین بەردەوامە، بۆ جارێکی دیکە گەڕەکی دارەتووی شاری هەولێر لافاو گرتییەوە.

ناوەندی هەواڵ

 

شەوی رابردوو بەهۆی بەردەوامی باران بارینەوە جاریکی دیکە لافاو گەڕەکی دارەتووی شاری هەولێری گرتەوە و ژمارەیەک ماڵ ئاوی چووەتە ناوی.

 

بەپێی قسەی هاوڵاتیان کە بۆ میدیاکانیان کردووە، زیانی ماددی بە ماڵەکان گەشتووە و لافاوەکە لە کاتژمێر ٩ی شەو بووە، دانیشتووانی گەڕەکەکەش دەڵێن نەبوونی سیستەمی ئاوەرۆی گەڕەکەکە هۆکارە بۆ زۆر کۆبوونەوەی ئاو لە کۆڵانەکان و لەگەڵ هەبوونی بەربەستەکان لەبەردەم ئاوی باران.

 

دانیشتووانی ئەو گەڕەکە کە چەندین جارە ئاو دەچێتە ماڵیانەوە، ئاماژەیان بەوەداوە کە کەلوپەلی ماڵەکانیان بردووەتە نهۆمی دووەمی ماڵەکان تا زیانی زیاتریان بەرنەکەوێت.

 

ت.پ