ناوەندی هەواڵ

یەکێتی ئەوروپا یارمەتییەکانی بۆ ١٣٤ کۆمپانیای دەستپێشخەر ڕاگەیاندووە کە لەلایەن ژنانەوە بەڕێوەدەبرێن لەسەر بنەمای "تەکنەلۆژیای پێشکەوتوو و توێژینەوە و پەرەپێدانی چڕ"بە ئامانجی هاندانی ژنان بۆ داهێنان و پێشکەوتن لە بواری تەکنەلۆژیا.

 

 کۆمیسیۆنی ئەوروپا لە ١٤ نیسان ڕایگەیاند کە هەر براوەیەکی بودجەی پلانی WomenTechEU بەخشینێکی 75,000 یۆرۆ و ڕاهێنەرایەتی وەردەگرێت بە ئامانجی بەرەوپێشبردنی کارەکانیان.

 

لە پلانی ئەمساڵی WomenTechEU نزیکەی سێ ئەوەندەی ساڵی ڕابردوو کۆمپانیاکان هەڵبژێردراون بۆ پاڵپشتی دارایی و ڕاهێنانی پیشەیی، بەهۆی زیادکردنی بودجەی گشتی ١٠ ملیۆن یۆرۆ.

 

لە ژێر بەرنامەی کاری داهێنانی ئەوروپی لە پرۆگرامی توێژینەوە و داهێنانی ئاسۆی ئەوروپا دەستپێشخەری Women TechEU ئامانجیەتی چارەسەری کەمی نوێنەرایەتی ژنان بکات لە بواری تەکنەلۆژیا و زانیاری، کە هانیان دەدات ژنان زیاتر هەوڵبدەن و پۆستەکانی بەڕێوەبەرایەتی وەربگرن.

 

کۆمپانیا سەرکەوتووەکان لە ٤٦٧ داواکاری هەڵبژێردراون و لە ٢٦ وڵاتەوە هاتوون، لەگەڵ ٪١٥ لە وڵاتانی ئەوروپا ئەوانەی کە بەشدارییەکی کەمیان لە پرۆگرامەکەدا هەیە و زیاتر لە ١٥ کۆمپانیا وەرگیراون.

 

کۆمپانیا هەڵبژێردراوەکان پڕۆژە لە کۆمەڵێک بواردا ئەنجام دەدەن لەوانە پەرەپێدانی دەرمان، فێربوونی دیجیتاڵی و ڕۆبۆتیکی سەربەخۆ پاشان پاڵپشتی دارایی و پیشەیی دەکرێن بۆ بەرەوپێشبردنی پڕۆژەکانیان.