ڕۆشێل جونیور

 

سوەیدا – ناوەندی "اللجين" بۆ هونەرە جوانەکان لە سوەیدای سوریا دوێنێ، لە ناوەندی بەڕێوەبەرایەتیی ڕۆشنبیری پێشانگایەکی هونەریی بە ناونیشانی "لە نێوان سەردەمەکانی ڕابردوو و ئێستادا" سازکرد. پێشانگاکە کۆمەڵێک لە بەرهەمە هونەرییەکانی منداڵانی نمایشکرد کە لە ساڵی ٢٠٠٤ەوە تا ئێستا لە ناوەندەکەدا ئافرێندراون. هەروەها ئەزموونێکی لە یادەوەرییەکانی نەوەکانی ڕابردوو پێشکەش کرد کە لەگەڵ بەهرەکانی ئێستادا تێکەڵ دەبێت.

ئەم پێشانگایە کە بەشێکە لە ڕێڕەوی بەردەوامی ناوەندی "اللجين" ناوەندێکە لە ساڵی ١٩٩٥ لەلایەن هونەرمەند عادل ئەبو ئەلفەزلەوە دامەزراوە و لەلایەن میسای کچییەوە کە ئەویش هونەرمەندە بەردەوامیی پێ دەدرێت – بە ئامانجی بەڵگەدارکردنی ئەزموونی ساڵانی خوێندکاران و پاراستنی ئەم کەلەپوورە هونەرییە بەڕێوە دەچێت.

 

کەلەپوورێکی هونەریی بە قەبارەی نزیکەی هەشت هەزار بەرهەم بە میرات وەرگرت

میسا ئەبو ئەلفەزل ئاماژە بەوە دەکات کە وەرگرتنی بەرپرسیارێتیی ناوەندەکە ئەرکێکی گەورەیە بۆ ئەو، بەهۆی ئەو کەلەپوورە هونەرییەی کە تەمەنی چەندین دەیەیە. ڕوونیشی کردەوە: "ناوەندەکە نزیکەی هەشت هەزار بەرهەمی هونەری لەخۆدەگرێت، لەوانە بەرهەمی منداڵان، خوێندکارانی کۆلێژی هونەرە جوانەکان و کەسانی دیکەش. ئەم بەرهەمانە گەنجینەیەکی ڕاستەقینەن کە ناکرێت پشتگوێ بخرێن یان فڕێ بدرێن. پێشانگاکە لە ساڵی ٢٠٠٤ەوە بەرهەمە هونەرییەکانی منداڵان بەڵگەدار دەکات و دەرفەت بە بینەران دەدات کە بەدواداچوون بۆ گەشەکردنی وێنەکانیان، ئەو گۆڕانکارییانەی بەسەریاندا هاتوون، و کاریگەریی ئینتەرنێت، تۆڕە کۆمەڵایەتییەکان و کلتووری ژینگە بکهن."

 

بەرهەمە نمایشکراوەکان هەمەجۆر بوون، لەوانە وێنەکێشان، پەیکەرتاشی، قوڕکاریکردن، سیرامیک و کەرەستەی دیکە. تابڵۆکان خاوەنی کوالێتییەکی جوانکاری و دەربڕین بوون کە هەست، نیگەرانی و شێوازی بینینی جیهانیان لەلایەن منداڵانەوە نیشان دەدا. لە نێو ئەو بەرهەمانەی لە پێشانگاکەدا پێشکەشکرابوون، تابڵۆکانی کچە گەنج راما ئەلموسفی تێدابوو، کە ڕووداوێکی نزیکەی مانگێک پێش کۆچی دوایی نیشان دەدەن. هەروەها پێشانگاکە تابڵۆی خوێندکارانی پێشووی تێدابوو کە ئێستا ئەندازیارن یان کۆچیان کردووە. ئەم وێنانە بەشێکن لە یادەوەریی ناوەندەکە و شایەتحاڵی ڕێڕەوی ژیانیانن لە منداڵییەوە تا قۆناغەکانی دواتری ژیان.

 

میسا ئەبو ئەلفەزل بڕوای وایە ئەمە توانای منداڵان بۆ تێگەیشتن، گرتنی وردەکارییەکان و دەربڕینی هەستە ناسکەکان لە ڕێگەی هونەرەوە نیشان دەدات. بەستربوونەوەی میسا بە ناوەندەکەوە دەگەڕێتەوە بۆ ساڵانی منداڵیی، کاتێک عادلی باوکی هانی دەدا وێنە بکێشێت و هێڵکاری بکات. دواتر لە ساڵی ٢٠٠٧ لە بەشی کۆلێژی هونەرە جوانەکان وەرگیرا و بە بڕوانامەی بەکالۆریۆس لە بەشی چاپکردندا دەستبەکاربوو. پاشان بۆ مدتێ سێ ساڵ خوێندنی لەسەر شیکاریی وێنەکێشانی منداڵان تەواو کرد و لەم بوارەدا بووە پسپۆڕ و تا ئۆڕۆژیش لەگەڵ منداڵاندا کار دەکات.

 

لە ونبووکردن و تاریکییەوە بەرەو ئاشتی

مەنار ئەبو موغزاب، یەکێک لە بەشداربووانی پێشانگاکە، ئەزموونی ئەلین و ئێلای کچانی لەگەڵ ناوەندەکە دەگێڕێتەوە. مەنار ئاماژە بەوە دەکات کە ئەلین کاتێک تەمەنی دوو ساڵ و نیو بوو لە مالەوە دەستی بە وێنەکێشان کرد و هونەرمەندێکی بەهرەمەند بوو. بەڵام دوای کۆچی دوایی باوکی کاتێک تەمەنی پێنج ساڵ بوو، وێنەکانی بە شێوەیەکی بەرچاو گۆڕان. مەنار دەڵێت: "وێنە ڕەنگاوڕەنگەکانی کە ڕەنگین و دیمەنی جوانیان نیشان دەدا، گۆڕان بۆ تابڵۆیانێک کە کەسانی چاوڕەش، شێواوی، خوێن، ترس و هەوری تاریک نیشان دەدەن، ئەمەش وای لێکردم پەنا ببرمە بەر ناوەندی اللُّجَيْن بۆ وەرگرتنی یارمه‌تی."

 

مەنار ئەبو موغزاب ئەزموونی گۆڕانی خۆی لە "وەنبوونکردن و تاریکی"یەوە بەرەو ئارامی ڕوون دەکاتەوە و جەخت دەکاتەوە کە هونەر هاوکاری خۆی و کچەکانی کردووە تا ئارامی بدۆزنەوە و هەستەکانیان بە شێوەیەکی کاریگەرتەر دەرببڕن.

 

بەردەوامیی نەوەکان

ڕەفیقە ئەلهەلەبی، سەردانکەرێکی پێشانگاکە، بڕوای وایە ناونیشانی "لە نێوان سەردەمەکانی ڕابردوو و ئێستادا" ڕەنگدانەوەی ئەزموونی کەسیی خۆیەتی. منداڵەکانی لە پەیمانگاکە خوێندکار بوون و ئێستاش نەوەکەی بەشداری لە پێشانگاکەدا دەکات، کە ئەمەش نوێنەرایەتی بەردەوامیی نەوەکان دەکات. ئەو ئاماژە بەوە دەکات کە منداڵان خاوەن بەهرەن، بەڵام ئەمە پێویستی بە ڕێنمایی دروست لەلایەن دایک و باوک و ڕاهێنەرانەوە هەیە. پەیمانگاکە متمانەی دایک و باوکانی بەدەستهێناوە و بەشدارە لە گەشەپێدانی ئەم بەهرەینەدا.

 

سەرەڕای بارودۆخی وڵات، ڕێکخستنی پێشانگاکە ئاماژەیە بۆ بوونی گرووپێک کە ئامانجیان پشتیوانیکردنی هونەر و بنیاتنانی کۆمەڵگەیەکی کاریگەرتەرە. بانگەواز لەوانە دەکات کە لەگەڵ منداڵاندا کار دەکەن هەست بە بەرپرسیارێتی بکەن و هۆشیار بن، کە ئەمەش هاوکار دەبێت لە پەروەردەکردنی نەوەیەک کە حەزی لە خۆی بێت و بتوانێت بەشداری لە کۆمەڵگەدا بکات.