ناوەندی هەواڵ

 

پێشنیوەڕۆی ئەمڕۆ ١٩ی تشرینی یەکەم، ڕووداوێکی هاتوچۆ لەسەر ڕێگای پێنجوێن بۆ سەیدسادق لە سنووری سلێمانی ڕوویدا، بەپێی زانیارییەکان ڕووداوەکە لە نێوان ئۆتۆمبێلێک و بارهەڵگرێک ڕوویداوە.

 

بە هۆی ڕووداوەکەوە سێ کەس گیانیان لەدەستدا کە ژنێک و دوو منداڵن و ٦ كەسی دیکەش برینداربوون.

 

لە ئێستادا بریندارەکان ڕەوانەی نەخۆشخانەی گشتی شەهیدانی پێنجوێن کراون و تەرمی ئەو کەسانەشی گیانیان لەدەستداوە گەیەندراونەتە پزیشکی دادی سلێمانی.