ناوەندی هەواڵ

 

کۆردیناسیۆنی کەژەکە ڕایگەیاند نەورزۆی ئەمساڵ دەستپێکردنی پرۆسەیەکی نوێی تێکۆشانە و دەستنیشانی کرد لە ماوەکانی داهاتوودا درووشمی "ڕێبەرێتی ئازاد و کۆمەڵگەی دیموکراتیک"ی نەورۆز بڵندتر دەبێت و دەبێتە درووشمی سەرکەووتنی تێکۆشان.

 

کۆردیناسیۆنی کەژەکە بە بۆنەی جەژنی نەورۆزەوە ڕاگەیاندراوێکی بڵاوکردەوە. کەژەکە ڕایگەیاند بە باوەڕ و بڕیارداری بانگەوازی 'ئاشتی و کۆمەڵگەی دیموکراتیک'ی ڕێبەر ئاپۆوە پێشوازی لە جەژنی نەورۆز دەکەن و گوتی، گەلی کورد لە سەرەتای مانگی ئادارەوە لە ڕۆژهەڵات، باشوور، ڕۆژئاوا و باکووری کوردستان و دەرەوەی وڵاتدا ئاگری نەورزۆییان جۆشداوە و بە جۆشێکی مەزنەوە هەڵپەڕکێی ئازادی دەگێڕن.

 

کەژەکە ڕۆژی ئازادی و جەژنی ژیانەوەی لە ڕێبەر ئاپۆ، شەهیدان، گەریلا، ژن، گەنجان و هەموو گەلان پێرۆز کرد و گوتی: "ئەم نەورۆزە ڕێنێسانسی گەلی کورد، گەلانی ڕژهەڵاتی ناوین و ژنانە. لەو باوەڕەداین گەلەکەمان ئەم نەورۆزە بە دەستپێکردن و هۆشمەندی نوێی تێکۆشان کە تێیدا سەرکەوتنی مەزن بە دەست دەهێنێت، ئەنجام گیر دەکات.

 

ڕۆڵی پێشەنگایەتی سپێردراوەتە بە گەلی کورد

درێژەی ڕاگەیاندراوەکەی کۆردیناسیۆنی کەژەکە بەم شێوەیە: "گەلی کورد کە پێش ٢٦٣٧ ساڵ بە پێشەنگایەتی کاوەنی ئاسنگەر لە دامێنی چیاکانی زاگرۆس ئاگری ئازادی کردەوە و سەرتاپاکی کۆیلایەتی ڕەتکردەوە و ڕزگارکردنی خۆی بە تێکشکاندنی دەحاقی زاڵمەوە ڕاگەیاند، بووە هۆکار بۆ ڕزگاری تەواوی گەلانی ڕۆژهەڵاتی ناوەڕاست. دوای ٢٦٣٧ سال مێژوو هەمان ڕۆڵی پێشەنگایەتی خستەوە سەرشانی گەلی کورد و ڕزگاری گەلی کوردی وەرچەرخاندووە بۆ ڕزگاری گەلان و ژنان. بۆ ئەمەش بانگەوازی 'ئاشتی و کۆمەڵگەی دیموکراتیک'ی ڕێبەر ئاپۆ وەک هیوای نوێی ئازادی پێشوازی لێکراوە لە کوردستان، ڕۆژهەڵاتی ناوین و جیهان.

 

ڕژێمی قڕکەر بە کوشتن وەڵامی دا

هێزی ڕژێمی قڕکەر بەو کۆمەڵکووژییەی لە کۆبانێ ئەنجامدرا، وەڵامی گەلەکەمانی دایەوە کە بە جۆشێکی مەزن و تێکۆشانی ئاشتییەوە پێشوازییان لە نەورۆز کرد. کۆمەڵکووژییەکان کە پێشتر لە مانگی ئاداردا لە هەڵەبجە، گەرەکی غازی، قامیشلۆ و عەفرین ئەنجام دران، لەمڕۆشدا بەسەر گەلەکەماندا دەسەپێندرێت. دەوڵەتی قڕکەر مردن و لەناوبردن لەسەر گەلەکەمان دەسەپێنێت. دەبێت خاوەنداری لە خەڵکە کۆمەڵکووژ کراوەکەمان بکەین. دەبێت شایستە قوربانیدانی شەهیدانمان بین. ڕێگەی ئەمەش درووست تێگەشتنی تێکۆشان و بەشداربوونە تێیدا. بەم بۆنەیەوە شەهیدانی کۆمەڵکووژی هەڵەبجە، قامیشلۆ، گەڕەکی غازی، عەفرین و کۆبانێ یاد دەکەینەوە و ڕایدەگەیەنین تا هەڵوەشاندنەوەی ڕژێمی قڕکەر درێژە بە بڕیاداری تێکۆشانمان بدەین.

 

بە پێشەنگایەتی سوپای شەهیدان و قارەمانان

نەورۆز ژیانەوەکەیە کە داهاتووە بە کرۆکی ڕابردووەوە لە ئامێز دەگرێت. نەورۆز لە نێو سەختییەکاندا هەموو کات خۆی نوێ دەکاتەوە، لەگەڵ نوێبوونەوەیدا سەرلەنوێ ئاوەدان دەبێتەوە و بە سەرلەونوێ ئاوەدانکردنەوەش جوانتر دەبێت. سیمبوڵی خۆگەیاندنە بە ڕووناکی لە تاریکییدا. ئاگری بەرخۆدان لەگەڵ گەلەکەماندا، بە پێشەنگایەتی ڕێبەر ئاپۆدا لە پێشەنگایەتی سوپای قارەمان و شەهیدانی گەورەمانەوە لەسەر بنەمای کە هەبوونی خۆی بە حەقیقەتی ژیانێکی بێ وچان و جوانی ٥٢ ساڵە تاجدار بکات گەیشتووە بە ڕۆژی ئەمرۆمان. بەم بۆنەیەوە شەهیدانی نەورۆزمان مەزڵوم دۆغان، زەکیە ئالکان، ڕاهشان دەمیرەل، بێریڤان-ڕووناهی و سەما یوجە بە ڕێزدارییەوە بە بیردێنینەوە.

 

بونیادنان و نوێ ژیانەوە

ڕێبەر ئاپۆ ژیانی خۆی وەک سەرلەنوێ ژیانەوەی کۆمەڵگە و ژن گرتەدەست و حەقیقەتی کەسایەتی نەورۆز و گەلی بونیاتنا. لە دژی ژیانی هەڵە کە لەسەر ئەم خاکە دەسەپێندرێت، لەگەڵ حەقیقەتی نەورۆزدا کە فەلسەفەی ژیانەوەیە، ژیانی ڕاستی بونیاتنا. نەورۆز ئازادییە لە دژی کۆیلایەتی، لە دژی لەناوبردنی هەبوونە و ئەمە حەقیقەتمانە. بە پرۆسەیەکی مێژوویدا تێپەڕ دەبین. ڕێبەر ئاپۆ بە مانفێستۆی 'ئاشتی و کۆمەڵگەی دیموکراتیک' پارادایمی نکۆڵی و لەناوبردنی تێکشکاند و تێکۆشانی گواستەوە بۆ قۆناغێکی نوێ. هەبوونی گەلەکەمان لە ئاستی هەرێمی و نێونەتەوەییدا دا بە پەسەندکردن. چارەسەرکردنی پرسەکانی ئازادی و ئاسایشی پەڕاندەوە بۆ قۆناغێکی نوێ. لەگەڵ ستاتۆی کۆمەڵگەی دیموکراتیکدا دینامکی هەرێمی و جیهانی چارەسەری دامەزراند. ئەمە دەستپێکی نەورۆز و ژیانەوەیەکی نوێی مێژوویە.

 

سەردەمی کۆمەڵگەیی دیموکراتیک

لەم ڕووەوە نەورۆز کە پێشوازی لێ دەکەین، دەستپێکی پرۆسەیەکی نوێی تێکۆشانە. سەردەمی دامەزراندنی سیستەمی کۆمەڵگەی دیموکراتیکە لەسەر یەکێتی ئازاد و یەکسانی ژنان، گەلان، باوەڕدارییەکان و هەموو بندەستانی لە دژی سیستەمی دەوڵەت-نەتەوەیی تاکپارێزە. ئامانجی تێکۆشان ئەوەیە لە هەرێم تا جیهانی، لە جیهانی تا هەرێمی جیهانێکی ئازاد بونیات بنێت. ئامانجێتی لە ڕۆژهەڵاتی ناوین و جیهان بە هۆشمەندی ئازادییەوە بە تێگەیشتنی گەلانی ئازاد و نەتەوەیی دیموکراتیک شێوەگیر بێت.

 

درووشم و سەردەمی نوێ

هەتا زهنیەتی 'سەرهەڵدانی کوردان سەرکەووت بکەن-ڕێبەرەکانیان لەناوبەرن' ئەوانەی کە ڕێگە بە رووی هەڵوەشاندنەوەی پەیوەندییەکانی نێوان کورد و تورکان دەکەنەوە تێپەڕنەکرێن، ئیمکانی پێکهێنانی ئاشتی هەرێمی و جێهانی نایەتەئاراوە. گەلەکەمان لە دژی پیلانگێڕی ١٥ی شوبات بە درووشمی "ناتوانن رۆژەکانمان تاریک بکەن' ڕاپەڕین و ڕاستییەکانیان دەرخست. لەمرۆدا ئازادی جەستەیی ڕێبەرمان گرنگترین ئامانج و ڕوونترین گوزارشتی چارەسەرییە. درووشمی نەورۆزی 'ڕێبەرێتی ئازاد، کۆمەڵگەی دیموکراتیک' دەبێتە درووشمی ئەو تێکۆشانەی کە لە داهاتوودا زیاتر گەشە دەکات و سەردەکەوێت.

 

بانگەوازی گەشکردنی ئاگری نەورۆز کراوە

بەم مانایە دەبێت ساڵی ٢٠٢٥ بکەینە ساڵێک کە گەلی کورد ڕێبەرەکەی لە ئامێز بگرێت و تێکۆشانی بگەیەنێتە سەرکەووتن. بۆئەوەی ئەم ئیرادەیە بە هەموو شکۆی خۆیەوە دەرکەوێتەپێش، بانگەوازی لە گەلەکەمان، ژن، گەنج، منداڵ، دۆست و هەموو کەسێکی لایەنگری ئازادیخواز دەکەین لە هەموو تەمەنەکانەوە ئاگری نەورۆز گەش بکەین و ئیرادەی نەورۆز بە سەرکەووتن تاجدار بکەین. بۆئەمەش دەبێت هەکەسێک بڕژێتە گۆڕەپانەکانی نەورۆز، هاواری دیموکراسی هەڵبڕێت و تێکۆشانێک دەستپێبکات کە ئازادی جەستەیی رێبەر ئاپۆ مسۆگەر دەکات. با ئەم نەورۆز ببێتە پەیمانی خۆگەیاندن بە ڕێبەرمان و مسۆگەرکردنی ئازادی ژن و گەلان. دوای ٢٦٣٧ ساڵ با ئەم نەرۆزە بۆ گەلان و ژنان ببێتە مزگێنی سەرکەووتن. لەسەر ئەم بنەمایە جەژنی نەورۆز لە گەلەکەمان و تەواوی گەلان، بە هێڵیی گەل و کەسایەتی ئازادی نەورۆز سڵاو لە ڕێبەری گەلان ڕێبەر ئاپۆ دەکەین و پیرۆزی بکەین."