ناوەندی هەواڵ

 

بەرەبەیانی ئەمڕۆ ٦ی شوبات، بوومەلەرزەی یەک لەدوای یەک بەگوڕی ٧.٤، ٦.٥، ٦.٤ پلەی ڕێختەر زیاتر لە ١٠ شاری باکووری کوردستانی هەژاند و چەندین بینا داڕووخان، ڕاگەیەندراوە، کە نزیکەی ٨٠ هاوڵاتی گیانیان لەدەستداوە و سەدان کەسیش برینداربوون.

 

بوومەلەرزەکە جگە لە دیلۆک و مەڕەش، لە ئامەد، سەمسور، مەڵاتیا، ڕەحا، ئیلح، چەولیگ، ئەلەزیز، کلس، ماردین، سرت، شرناخ، وان، موش، بەدلیس، جولەمێرگ، ئەدەنە، عوسمانیە، هاتای و چەندین شوێنی دیکە هەستی پێکراوە.

 

خەڵک لەسەر شەقامەکان ماونەتەوە و داوا لە خەڵک دەکرێت نەچنەوە ناو ماڵەکانیان.

 

هاوکات بوومەلەرزەکە لە ڕۆژئاوای کوردستان و سوریاش وێرانکاری بەدوای خۆیدا هێناوە و زیاتر لە ١٠٠ کەس گیانیان لەدەستداوە و سەدان کەسی دیکەش بریندارن.

 

لە شاری دهۆک و هەولێری باشووری کوردستانیش هەست بە بوومەلەرزەکە کرا و خەڵک بەهۆی ترس و دڵەڕاوکێ لەسەر شەقام ڕۆژیان کردەوە.