دڵپاک داغ

 

حەلەب-دوای هێرشە داگیرکارییەکانی دەوڵەتی تورک و چەتەکانی، هەزاران کەس لە دانیشتووانی شەهبا و تل ڕەفعەت ڕوویان لە ناوچە ئارامەکانی ئیدارەی خۆبەڕێوەبەری کرد، هەندێکیان چوونە شاری حەلەب. هەوڵەکان بۆ پاڵپشتیکردنی کۆچبەرانی ئاوارە و دابینکردنی پێداویستییەکانیان بەردەوامە، دەزگای ژنانی ئازادی سووریا کە لە ساڵی ٢٠١٤ لە باکوور و ڕۆژهەڵاتی سووریا دامەزرا، لەسەر بنەمای خواستی گەل و ژنان لقەکانی لە شارە جیاوازەکانی سووریا کردەوە، دەزگاکە کە مانگی ئایاری ساڵی ڕابردوو لقی خۆی لە شاری حەلەب کردەوە، پەروەردەی زمان و تەندروستی و پیشەیی پێشکەش کرد، هەروەها هەڵمەتی هاوکاری بۆ دابینکردنی پێداویستییەکانی کۆچبەران ئەنجامدا.

 

لەگەڵ ڤەرژین محەمەد لە دەزگای ژنانی ئازادی سووریا قسەمان کرد کە درێژە بە کارەکانی دەدات و تۆڕێکی هاوپشتی لەگەڵ ژنانی حەلەب دروست دەکات، ڤەرژین محەمەد ڕایگەیاند، لە ماوەیەکی کورتدا بەرژەوەندی ژنانی حەلەب زیادی کردووەو هەوڵدەدەن بگەنە هەموو ژنانی حەلەب.

 

گرنگیدانی زۆری ژنان بە دەزگاکە

ڤەرجین محەمەد ڕایگەیاند، دامەزراوەی ژنانی ئازادی سووریا پێویستییەکی گەورەیە بۆ ژنانی سووریا و وتی: بەڕاستی پێموایە پێویستە لە هەموو شارێکی سووریادا دامەزراوەیەکی ژنان بکرێتەوە، چونکە لێرەدا ژنان خۆیان دەبینن و خۆیان بەڕێوەدەبەن و پیشەیەک فێردەبن و دەبنە پیشەیی، کاتێک دەزگاکە لە شاری حەلەب کرایەوە، ئومێدێکی زۆر هەبوو و دەتوانم بڵێم کە بەڕاستی پێویستییەک بوو، پەرستاری، تەندروستی ژنان، فریاگوزاری سەرەتایی لە تەندروستیدا، لە زۆر بواردا خولی جوانکاری و چاککردنەوەمان هەیە، زمانی کوردی و عەرەبی و ئەگەر پێویست بکات زمانی بیانی و کۆمپیوتەر و بەرگدرووش هەن، ژنان حەزێکی زۆریان بۆ دەزگاکە هەیە.

 

"لە حەلەب پێکەوە بەرخۆدان دەکەین و تێدەکۆشین"

ڤەرژین محەمەد ئاماژەی بەوەشکرد، دەرگاکانی دەزگاکە بەڕووی هەموو ژنانی حەلەبدا کراوەن و وتی: ئێمە وەک ژنانی حەلەب بێگومان کاریگەری هێرشەکانی سەر سووریا و ڕۆژئاوامان لەسەر بووە، پێکەوە وەستاوین و خەبات دەکەین، لە ڕاستیدا دەمانەوێت ژنانی حەلەب لە گەڕەکەکانی شێخ مەقسوود و ئەشرەفییە لە باوەش بگرین کە خۆیان وەک بەرخۆدانی ژنان سەلماندووە، دەمانەوێت ژنانی زیاتر کۆبکەینەوە و کێشەکانیان چارەسەر بکەین، لە کێشە ئابووری و پیشەییەکانەوە تا کێشەی ڕێکخراوەیی، ئێمە لەگەڵ ژنانین.

 

ڤەرژین محەمەد ئاماژەی بەوەشکد، ژن تۆوی ژیانە و وتی: ژن ژیانە، ئەوەی ژیان کۆدەکاتەوە، ئەوەی کۆمەڵگە بەڕێوەدەبات ژنە، دەمەوێت ئەوە بڵێم کە ئێمەش وەک هەموو ژنان دەستی یەکدەگرین و دژی هێرشەکان دەوەستینەوە.

 

دابەشکردنی هاوکارییەکان خێراتر کرا

 

ڤەرژین محەمەد ڕایگەیاند، لەگەڵ ژنانی حەلەب هەڵمەتی هاوکارییان بۆ ئەو ژن و منداڵانە دەستپێکردووە کە لە کاتی هێرشی دەوڵەتی تورک و چەتەکانی سەر بە شەهبا ڕوویان لەو شارە کردووە، هەڵمەتی هاوکارییەکان ڕۆژانە گەورەتر دەبێت و دابەشکردنی هاوکارییەکانیان خێراتر کردووە.

 

پاڵپشتی ژنان دڵی خەڵک گەرم دەکاتەوە لەکاتی دابەشکردنی هاوکاری لەگەڵ کۆنگرەی ستار و پێکهاتەکانی، هەروەها دڵخۆشی ئەو خێزانانەی کە ئاوارە بوون لە پاڵپشتییەکانیان هەست پێدەکرێت.