سیبیلیا ئیبراهیم

 

مەنبج- دانیشتوانی عەفرین کە لە بەرخۆدانی سەردەمدا خەباتیان لە دژی داگیرکەری تورکیا ڕانەگرت، سەرەڕای تێچووی قورس، تووشی هەموو جۆرە هێرشێک بوونەوە، لە بەرخۆدانی سەردەمدا خەڵکی عەفرین بۆ ماوەی ٥٨ ڕۆژ لە دژی خراپترین و چەکدارترین سوپای تەکنیکی ناتۆ بەرخۆدانیان کرد و نزیکەی هەزار و ٥٠٠ کەسی مەدەنی و شەرڤانیان لەدەستدا.

 

دانیشتوانی عەفرین کە بەهۆی تۆپبارانی قورسەوە ناچاربوون وڵاتەکەیان بەجێبهێڵن، لەو شارانەی ڕوویان کردووەتە بەرخۆدان بەردەوامن لە ژیان و زۆربەیان، کە لە کامپەکانی کانتۆنی شەهبای باکوور و ڕۆژهەڵاتی سوریا دەژین، هیوای گەڕانەوەیان بۆ سەر خاکەکەیان لەدەست نەداوە.

 

"ئامانجی دەوڵەتی تورکیا داگیرکردنی عەفرین بوو"

پەرڤان مەحمودی تەمەن ٢٧ ساڵ کە خەڵکی ناحیەی شێرڤای عەفرینە و دوای هێرشەکان ناچار بوو ڕوو لە منبج بکات، وتی: لە مانگی یەکی ساڵی ٢٠١٨ەوە تۆپبارانەکانی سەر دەوڵەتی تورکیا زیادیکردووە، هەموو خانووەکان لە ئاسمانەوە تۆپباران کران، ئامانجی تورکیا تەنیا ئەوە نەبوو خاڵە سەربازییەکان و شەڕڤانانی ئەوێ بە ئامانج بگرێت، ئامانجی سەرەکیشی لەمە گەورەتر بوو، دەیویست خاکی عەفرین داگیر بکات و بیخاتە ناو خاکی تورکیاوە، بەهۆی ئەو تۆپبارانە قورسەوە ویستمان بچینە شاخ و خۆمان بپارێزین، هێرشەکان لە ژێر ناوی 'ناوچەی سەلامەت' ئەنجام دەدرا، بەڵام هەموو ئەو قسانە ساختە بوون، عەفرین ناوچەیەک نەبوو بپارێزرێت، چونکە ئەو خۆی شوێنی بیری ئازاد بوو.

 

"هەموو کەسێک لە تەمەنی ٧ بۆ ٧٠ ساڵ چەکی هەڵگرت"

پەرڤان مەحمود ئاماژەی بەوەشکرد، دوای هێرشەکانی دەوڵەتی داگیرکەری تورک، عەفرین بوو بە ماڵی تیرۆر و وتی: عەفرین بە قورسی بۆردومان کرا، بەڵام خەڵک و شەڕڤانانی تەمەن ٧ بۆ ٧٠ ساڵ بۆ ماوەی ٥٨ ڕۆژ بەرخۆدانیان کرد و بەرگرییان لە عەفرین کرد، زۆرێک لە شەڕڤانان شەهید بوون و هەموویان ئازایانە شەڕیان کرد، ئێستاش لەبیرمە ئەو کاتەی فڕۆکەکانی دەوڵەتی تورکی داگیرکەر و بەکرێگیراوەکانی بەسەر عەفریندا دەسوڕانەوە و کاتێک بەکرێگیراوەکان هەڵوێستیان دەگرت، شەڕڤانێکم بینی لەژێر دار زەیتونێکدا وەستابوو و فڕێمدایە سەر زەوی بۆ ئەوەی بیپارێزم.

 

سیمبولی ژنانی بەرخۆدانی سەردەم

پەرڤان مەحمود وتی: ڕۆڵی سەرەکی و گەورەترین بەرخۆدان ژن بوو، لە چیرۆکێکی بەرخۆداندا شەڕڤانێکی ژن هەبوو کە بۆ ماوەی هەفتەیەک بە تەنیا گەمارۆدرا و شەهید بوو، ئەو شەڕڤانە بە هەموو هێزی خۆی بەرەنگاری بووەوە و بۆ ماوەی هەفتەیەک بەبێ خواردن و خواردنەوە لەگەڵ داگیرکەران شەڕی کرد، هاوڕێ شەهیدەکانمان بارین کۆبانێ و ئاڤێستا خاپوور و هەزدا و سەما هێمای بەرخۆدانی سەردەمن.

 

"بە خەم و ئازارەوە عەفرینمان بەجێهێشت"

پەرڤان مەحمود لە کۆتایی قسەکانیدا وتی: بە نیگەرانی و ئازار و مەینەتی عەفرینمان بەجێهێشت، ئەوانەی لە عەفرین مانەوە ئێستا لەژێر داگیرکاریدا دەژین، تاکە هیوای خەڵکی عەفرین کە ئاوارە بوون و لە کامپەکاندا بۆ گیانی خۆیان دەجەنگن، گەڕانەوەیە بۆ عەفرینی ئازادکراو، بۆ گەڕانەوە بۆ عەفرین ئێمە ئامادەین لە ژێر دار زەیتون و لە چادرێکی بێ پێداویستیدا بژین، ئێمە هیچ شتێکی ترمان ناوێت.